Rom 8:2 - Sơ̆p Hlabơar Nơ̆r 'Bok Kei-Dei

² Yua kơ bơ̆n lui kơ Yêsu Krist, na Yang Bơhngol 'Lơ̆ng ăn kơ bơ̆n tơdrong arih 'nao, bơ̆n jing klaih đơ̆ng tơdrong yoch, ưh pă hli kơ lôch dơ̆ng.

Rom 8:2 Iomraidhean Croise

Horiso 51:12

Apinh Ih ăn kơ inh tơdrong chơt hiôk kơ tơdrong dŏng pơklaih đơ̆ng Ih. Ăn kơ inh đei jơhngơ̆m 'maih kiơ̆ păng tơgŭm hloi inh đei kơjăp inh oei kơjăp.

Êsêkiên 1:21

Lu kon sem arih năm, lu tang-wang gre kư̆m năm; lu kon sem arih dơ̆ng lu tang-wang gre kư̆m dơ̆ng păng lu kon sem arih hiŏng kơpal kơ teh lu tang-wang gre hiŏng hơdai, yua kơ yang bơhngol lu kon sem arih oei lăm tang-wang gre.

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 6:63

“Dah jơhngơ̆m đon iĕm lui kiơ̆ tơdrong Inh, lei iĕm gô arih ling-lang. Dah iĕm kiơ̆ tơdrong akâu akar đĕch, lei ưh kơ đei yua kiơ ôh. Dôm nơ̆r Inh bơtho khan ăn kơ iĕm gah tơdrong sa sĕch akar Inh, Inh wă ră kơ jơhngơ̆m đon iĕm lui kiơ̆ kơ Inh na iĕm gô arih ling-lang; lei ră.

Yo 8:32

Na iĕm gô băt tơdrong 'Bok Kei-Dei tơpă, thoi noh na iĕm gô rơngei.”

Yo 8:36

Thoi noh na dah Kon Sư ăn iĕm rơngei, na iĕm gô rơngei tơpă.

Rom 16:3

Na dang ei inh wă jet gia tôm kơ iĕm tơ âu: Bĭ bre Prisil păng Akila bre sư thoi yơ dang ei? Sơ̆ bre sư jang tơdrong Kră Yang Yêsu Krist hơdai hăm inh.

Rom 3:27

Thoi noh na bơ̆n ưh kơ gơh pơang kơ đe khan bơ̆n bơngai 'lơ̆ng ôh yua kơ Sư jô̆ bơ̆n bơngai 'lơ̆ng kơlih kơ Sư mơnat đĕch. Mă-lei dah bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, bơ̆n oei pơang akâu bơ̆n kơ đe ling-lang đĕch. Na dang ei bơ̆n lui kơ Yêsu Krist boih păng gơnang kơ Sư tơpă, thoi yơ bơ̆n gơh wă pơang kơ đe dơ̆ng?

Rom 5:21

Tơdrong yoch pơm kơ kon bơngai jing lôch, mă-lei 'Bok Kei-Dei Sư 'mêm na jô̆ bơ̆n jing bơngai 'lơ̆ng, ăn kơ bơ̆n arih ling-lang yua kơ Kră Yang bơ̆n Yêsu Krist.

Rom 6:14

Bơngai bu oei gơnang kơ akâu sư kơdih kiơ̆ tơdrong juăt 'Bok Kei-Dei pơkă ưh kơ kĕ ôh, lei bơngai 'noh sư oei pơm yoch hơnơ̆ng; bơ̆n athei gơnang kơ tơdrong Yêsu lôch tang bơ̆n păng tơgŭm bơ̆n, na bơ̆n huay pă pơm yoch.

Rom 6:18

Dang ei iĕm klaih rơngei đơ̆ng tơdrong yoch boih, iĕm jing đĭch 'Bok Kei-Dei dơ̆ng wă pơm 'lơ̆ng tơpăt.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Rom 7:21

Tơdrong pơm 'lơ̆ng, inh tôch adrin adran ră boih, oei ưh kơ kĕ 'mơ̆i, chu pơm yoch hơnơ̆ng.

Rom 7:23

Mă-lei tơdrong kơnê̆ lăm akâu inh pơgăn, tơdrong kơnê̆ noh rôp pơgŏ inh, wă kơ inh pơm yoch.

Rom 7:4

Ơ 'nhŏng oh, tơdrong noh wă pơtih gia kơ bơ̆n dang bơ̆n lôch kiơ̆ Yêsu tơ 'long pơglang sơ̆ boih, na bơ̆n huay pă wă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă dơ̆ng ôh. Yua kơ dang bơ̆n iŏk bơngai nai boih, wă khan bơ̆n iŏk Yêsu Krist mă 'Bok Kei-Dei tơiung arih đơ̆ng lôch. Dang ei bơ̆n jang tơdrong Sư dang bơ̆n pơyua 'Bok Kei-Dei boih.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

I Kor 15:45

Yua kơ thoi noh na lăm sơ̆p hla bơar 'Bok Kei-Dei đe đei chih boih thoi âu: “Bơngai kơ đĭ-đăng hơdrol sơ̆ jĭ 'bok Ađam, 'Bok Kei-Dei ăn kơ sư đei akâu đei jơhngơ̆m wă kơ gơh arih.” Na 'bok Ađam mă hơtuch âu, wă khan Yêsu Krist, Sư Yang wă anhăk đĭ-đăng kon bơngai oei hơdai hăm Sư arih ling-lang.

II Kor 3:17

Kră Yang Yêsu kư̆m thoi Yang Bơhngol 'Lơ̆ng. Yang Bơhngol 'Lơ̆ng oei tơ yơ, tơ anih noh rơngei hiôk-hian.

II Kor 3:6

Sư ăn kơ nhôn pran kơtang gơh jang tơdrong pơgơ̆p 'nao, tơdrong Yêsu Krist pơgơ̆p bơ̆n hăm 'Bok Kei-Dei. Tơdrong noh ưh kơ đei chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, tơdrong noh Yang Bơhngol 'Lơ̆ng tơgŭm. Tơdrong chih tơ tơmo lat phak pơlôch kon bơngai. Yang Bơhngol 'Lơ̆ng ưh ôh. Sư ling-lang ăn kon bơngai arih.

Galati 2:19

Sơ̆ inh kư̆m kiơ̆ mơ̆n tơdrong juăt Môis, mă-lei inh tơchĕng akâu inh kơdih đĕch kiơ̆, mă tơpă lăm to inh ưh kơ 'lơ̆ng hăm 'Bok Kei-Dei ôh. Thoi noh na inh ưh pă gơnang kơ akâu inh kơdih wă kiơ̆ tơdrong juăt Môis, akâu inh dang lĕ kơ lôch, wă kơ inh iung arih gơnang kơ 'Bok Kei-Dei đĕch.

Galati 5:1

Kră Yang Yêsu Krist ăn kơ bơ̆n rơngei đơ̆ng dôm tơdrong juăt kon bơngai boih. Thoi noh bơ̆n gơh rơngei tơpă. Na iĕm 'nĕ ăn kơ đe pơhlŭ pơlung iĕm gơnang kơ akâu iĕm kơdih wă kiơ̆ tôm tơdrong juăt Môis dơ̆ng. Dah iĕm pơm thoi noh iĕm wih jing đĭch dơ̆ng.

Galati 6:2

Iĕm gơh tơgŭm dih băl thoi noh trŏ tơpă, thoi Kră Yang Yêsu Krist pơkă.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

Tơdrông Tơ'bôh 11:11

Lăp kơtĕch pêng năr minh puăt na 'Bok Kei-Dei tơiung arih bre sư, ăn kơ bre sư gơh dui jơhngơ̆m klaih kơ noh iung hloi. Lu đe mă 'bôh bre sư iung arih hli tơrơ dêh.

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.