Rom 8:13 - Sơ̆p Hlabơar Nơ̆r 'Bok Kei-Dei

¹³ Dah bơ̆n oei gơnang kơ akâu bơ̆n kơdih, bơ̆n gô pŭ tơdrong phak. Dah bơ̆n gơnang kơ Yang Bơhngol 'Lơ̆ng wă hŭt lê̆ tơdrong bơ̆n kơdih lei ning-mônh bơ̆n gô arih ling-lang.

Rom 8:13 Iomraidhean Croise

Jop 20:13

Mă khan sư 'mêm kơ tơdrong pơm kơnê̆ thoi 'mŏm pơ'ngơ̆m lăm 'bơ̆r sư, ưh kơ wă 'maih lă hŭt lê̆,

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

Rom 7:5

Hơdrol sơ̆ bơ̆n oei kiơ̆ kơ akâu bơ̆n kơdih, na 'maih pơm tôm tơdrong yoch. Bơ̆n băt kơ tơdrong juăt 'Bok Kei-Dei pơkă noh khă kuă ăn bơ̆n pơm yoch ră, mă-lei bơ̆n oei pơm yoch rai dêh khŏm khŏm truh tơ lôch.

Rom 8:12

Ơ 'nhŏng oh, yua kơ thoi noh na bơ̆n athei kiơ̆ tơdrong Yang Bơhngol 'Lơ̆ng, 'nĕ pă gơnang kơ akâu bơ̆n kơdih dơ̆ng.

I Kor 9:27

Inh adrin pơm jơhngơ̆m chơ̆n kuă ăn akâu inh pơm yoch, hli kơ inh bơtho đe, đe lui mơ̆n, mă akâu inh kơdih hiong tơdrong apah.

Galati 5:24

Lu bơ̆n bơngai lui kơ Kră Yang Yêsu Krist đĭ hŭt lê̆ boih dôm lu tơdrong mă đon bơ̆n juăt kơ tơchĕng pơm tơdrong kơnê̆, dang lĕ kơ bơ̆n pơ̆ng dôm tơdrong noh tơ 'long pơglang.

Galati 6:8

Thoi noh boih, dah bơ̆n chu kiơ̆ kơ jơhngơ̆m đon bơ̆n kơdih wă pơm tơdrong kơnê̆, lei bơ̆n gô răm. Dah bơ̆n wă chu kơ Yang Bơhngol 'Lơ̆ng đĕch lei Yang Bơhngol 'Lơ̆ng gô ăn kơ bơ̆n arih ling-lang hăm 'Bok Kei-Dei.

Êphêsô 4:22

Iĕm athei lê̆ tơdrong so, tơdrong mă iĕm juăt kơ pơm sơ̆. Pơm thoi noh sơ̆ rai đunh rai răm yua kơ 'maih pơm lơ tơdrong kơnê̆.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Tit 2:12

Thoi noh na 'Bok Kei-Dei athei bơ̆n hŭt đĭ dôm tơdrong kơnê̆, 'nĕ pă kiơ̆ đon lu bơngai ưh kơ lui. Đon lu bơngai ưh kơ lui sư 'maih pơm lơ tơdrong kư̆ kă đĕch. 'Bok Kei-Dei athei bơ̆n pơm jơhngơ̆m đon dim 'lơ̆ng tơpăt kơ Sư hăm bôl buăl ala teh âu mơ̆n,

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

I Pet 2:11

Ơ lu 'nhŏng oh mă inh 'mêm kơeng, bơ̆n bơngai lui oei tơ ala teh âu dang ei, lu bơ̆n thoi bơngai tơmoi đĕch; teh đak âu teh đak đe, ưh kơ trŏ kơ teh đak bơ̆n ôh. Thoi noh na inh apinh iĕm pơgơ̆t bĕ dôm tơdrong iĕm pơm ưh kơ lăp kơ măt lăng, jơhngơ̆m iĕm oei 'maih pơm, 'maih pơtuah akâu kơdih kuă ăn kiơ̆ tơdrong 'Bok Kei-Dei.