Rom 7:8 - Sơ̆p Hlabơar Nơ̆r 'Bok Kei-Dei

⁸ Lăp inh băt, inh 'nhĕng rai dêh, đơ̆ng 'bơ̆t noh boih inh băt kơ inh kơdih pơm yoch. Dah bơ̆n ưh kơ băt kơ tơdrong juăt khă bơ̆n pơm yoch, lei bơ̆n dă 'biơ̆ kơ pơm yoch.

Rom 7:8 Iomraidhean Croise

Markôs 7:22

sư kơtrŏ păng akăn đe, sư 'nhĕng đe, sư pơm tôm tơdrong kơnê̆, sư pơma plơ̆ plĕch hơlĕnh pơdăr, sư pơma bâu roi đe, sư pơang akâu kơdih, sư pơm tôm tơdrong glăi răm.

Yo 15:22

“Dah Inh ưh kơ năm bơtho lu sư lei lu sư ưh kơ hil kơ Inh ôh. Mă-lei dang ei lu sư hil kơ Inh păng kuă kơ lui kơ tơdrong Inh bơtho na lu sư chă tơdrong yoch tơpă.

Yo 15:24

Đơ̆ng sơ̆ ưh kơ đei bu pơm tơdrong mơsêh mơyang dang Inh. Dah Inh ưh kơ pơm tơdrong mơsêh mơyang 'bơ̆t anăp lu sư wă tơbăt ăn kơ lu sư Inh đơ̆ng 'Bok Kei-Dei thoi krô hmă, lei lu sư ưh kơ hil kơ Inh ôh. Na dang ei lu sư 'bôh Inh păng 'bôh dôm tơdrong Inh pơm boih, na lu sư hil areh kơ Inh păng hil areh kơ 'Bă Inh mơ̆n. Lu sư chă tơdrong yoch tơpă.

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.

Rom 4:15

Dôm lu bơngai mă gơnang kơ akâu sư kơdih wă kiơ̆ tơdrong juăt 'Bok Kei-Dei pơkă sơ̆, lu sư trŏ kơ 'Bok Kei-Dei wă phak, yua kơ lu sư ưh kơ kĕ kiơ̆ tơdrong juăt 'Bok Kei-Dei pơkă. Tơ̆ng ưh kơ đei tơdrong juăt, bơ̆n ưh kơ băt pơm yoch kơ tơdrong juăt ôh.

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

Rom 7:11

Inh ngêh kơ tơdrong juăt 'Bok Kei-Dei pơkă noh sơ̆ wă ăn kơ inh arih hiôk, na 'nâu khan rai tơbăt kơ inh bơngai yoch trŏ kơ wă lôch răm. 'Noh yua kơ tơdrong kơnê̆ oei lăm jơhngơ̆m inh pơm kơ inh yoch.

Rom 7:13

Na ưh kơ sĭ tơdrong juăt 'Bok Kei-Dei pơkă mă 'lơ̆ng noh pơm kơ inh trŏ kơ wă lôch răm ôh. Tơdrong juăt 'Bok Kei-Dei tơbăt kơ inh bơngai yoch, mă inh yoch noh yua kơ tơdrong kơnê̆ oei lăm jơhngơ̆m inh, sư pơm kơ inh yoch kơ tơdrong juăt 'Bok Kei-Dei pơkă na trŏ kơ lôch răm. Thoi noh bơ̆n băt boih tơdrong kơnê̆ oei lăm jơhngơ̆m bơ̆n kơnê̆ tơpă.

Rom 7:17

'Noh ưh kơ sĭ inh wă pơm yoch ôh, inh pơm yoch yua kơ đei tơdrong kơnê̆ oei lăm jơhngơ̆m, pơm kơ inh yoch.

Rom 7:9

Sơ̆ kơplah inh tam mă băt kơ tơdrong yoch, inh oei hiôk; lăp đơ̆ng năr inh băt kơ tơdrong pơm yoch, jơhngơ̆m inh ưh pă hiôk boih, inh băt kơ inh trŏ kơ 'Bok Kei-Dei wă phak pơlôch.

I Kor 15:56

Tơdrong yoch pơm kơ bơ̆n lôch răm păng yua kơ bơ̆n ưh kơ kĕ kiơ̆ tơdrong juăt 'Bok Kei-Dei, na bơ̆n yoch rai dêh.