Rom 7:23 - Sơ̆p Hlabơar Nơ̆r 'Bok Kei-Dei

²³ Mă-lei tơdrong kơnê̆ lăm akâu inh pơgăn, tơdrong kơnê̆ noh rôp pơgŏ inh, wă kơ inh pơm yoch.

Rom 7:23 Iomraidhean Croise

Horiso 142:7

Apinh Ih dui iŏk bơhngol inh đơ̆ng anih phak pơmat. Wă kơ inh bơnê kơ anăn Ih lu bơngai tơpăt gô oei tăp kơ inh. Yua kơ Ih pơm 'lơ̆ng kơ inh.

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

Rom 6:19

Tơdrong pơm đĭch noh ưh kơ sĭ iĕm jing đĭch tơpă ôh, inh pơtih gia wă kơ iĕm hlôh đĕch. Yua kơ sơ̆ iĕm dang pơjao akâu iĕm pơm kơnê̆ kư̆ kă khŏm khŏm rai tih, na dang ei iĕm pơjao akâu iĕm kơ 'Bok Kei-Dei pơm 'lơ̆ng tơpăt thoi Sư boih.

Rom 7:14

Bơ̆n băt mơ̆n tơdrong juăt 'Bok Kei-Dei pơkă trŏ tơpă; na kiơ̆ thoi inh bơngai tơrăn ưh kơ kĕ kiơ̆ tơdrong juăt noh, na jing đĭch kơ tơdrong yoch inh tơpă.

Rom 7:21

Tơdrong pơm 'lơ̆ng, inh tôch adrin adran ră boih, oei ưh kơ kĕ 'mơ̆i, chu pơm yoch hơnơ̆ng.

Rom 7:25

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră, mă-lei ưh kơ kĕ, đĭ jing đĭch tơdrong kơnê̆. Na dang ei inh bơnê kơ 'Bok Kei-Dei mơnat kơ inh, đơ̆ng tơdrong kơnê̆ 'noh pơklaih ăn kơ inh rơngei boih. Păng inh bơnê kơ Kră Yang Yêsu Krist kư̆m tơgŭm inh mơ̆n.

Rom 7:5

Hơdrol sơ̆ bơ̆n oei kiơ̆ kơ akâu bơ̆n kơdih, na 'maih pơm tôm tơdrong yoch. Bơ̆n băt kơ tơdrong juăt 'Bok Kei-Dei pơkă noh khă kuă ăn bơ̆n pơm yoch ră, mă-lei bơ̆n oei pơm yoch rai dêh khŏm khŏm truh tơ lôch.

Rom 8:2

Yua kơ bơ̆n lui kơ Yêsu Krist, na Yang Bơhngol 'Lơ̆ng ăn kơ bơ̆n tơdrong arih 'nao, bơ̆n jing klaih đơ̆ng tơdrong yoch, ưh pă hli kơ lôch dơ̆ng.

Galati 5:17

Dah jơhngơ̆m đon iĕm kuă kiơ̆ Yang Bơhngol 'Lơ̆ng bơtho, thoi noh Yang Bơhngol 'Lơ̆ng lăng jơhngơ̆m đon tơdrong iĕm pơm ưh kơ layơ wă 'blep trŏ thoi Sư wă. Jơhngơ̆m đon iĕm păng Yang Bơhngol 'Lơ̆ng, bre sư pơjrot băl, na iĕm ưh kơ gơh pơm kiơ̆ kơ iĕm wă ôh.

Hêbrơ 12:4

Gah tơdrong lu bơngai yoch tơblah păng iĕm, iĕm ưh tam mă mah adrin truh kơ pham lĕch sĕch huŏng ôh.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

Ya 4:1

Yua kơ kiơ iĕm hil areh pơjah pơjăng dih băl? Yua kơ jơhngơ̆m iĕm hưch kơ tơdrong âu tơdrong to, jing pơtuah kuă ăn iĕm kiơ̆ tơdrong 'Bok Kei-Dei hăm trŏ?

I Pet 2:11

Ơ lu 'nhŏng oh mă inh 'mêm kơeng, bơ̆n bơngai lui oei tơ ala teh âu dang ei, lu bơ̆n thoi bơngai tơmoi đĕch; teh đak âu teh đak đe, ưh kơ trŏ kơ teh đak bơ̆n ôh. Thoi noh na inh apinh iĕm pơgơ̆t bĕ dôm tơdrong iĕm pơm ưh kơ lăp kơ măt lăng, jơhngơ̆m iĕm oei 'maih pơm, 'maih pơtuah akâu kơdih kuă ăn kiơ̆ tơdrong 'Bok Kei-Dei.