Rom 7:15 - Sơ̆p Hlabơar Nơ̆r 'Bok Kei-Dei

¹⁵ Na inh đĭ pă hiôk boih, đon hơdơ̆r 'bơ̆r apơi wă kơ pơm 'lơ̆ng ngăl ră, mă-lei ưh kơ pơm; kuă kơ pơm yoch ră mă-lei oei pơm.

Rom 7:15 Iomraidhean Croise

I Pot 8:46

“Mưh đơ̆ng lu sư pơm yoch 'bơ̆t anăp ih, ưh kơ đei bu ưh kơ pơm yoch, Ih blĕk ơh ăn kơ lu sư đei tơdrong gleh oei lăm ti lu bơngai ayăt, tơdah đe rôp ba lu sư tơ dêh char nai, mă đơ̆ng ataih dah jê̆,

Horiso 1:6

Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.

Horiso 101:3

Inh ưh kơ ăn minh tơdrong kiơ kơnê̆ 'bơ̆t muh măt inh. Inh areh kơ tơdrong jang lu bơngai achăng lê̆ Ih: Tơdrong noh ưh kơ 'bơm tơ inh.

Horiso 119:104

Đơ̆ng nơ̆r Ih bơtho khan na inh hlôh wao, thoi noh na inh areh kơ trong hơlĕnh.

Horiso 119:113

Inh areh kơ lu bơngai đei jơhngơ̆m 'bar pah. Mă-lei 'mêm kơ khôi juăt Ih.

Horiso 119:128

Yua kơ thoi noh, inh lăng đĭ-đăng nơ̆r Ih bơtho tơtă trŏ ngăl. Inh areh kơ trong tơdrong hơlĕnh.

Horiso 119:163

Inh areh păng krưp dêh, kơ tơdrong hơlĕnh pơdăr. Mă-lei inh 'mêm kơ khôi juăt Ih.

Horiso 119:32

Inh gô kơdâu kiơ̆ trong Ih tơtă. Dah Ih pơih jơhngơ̆m inh să,

Horiso 119:40

Âu, inh hơpơi wă dôm lu nơ̆r Ih bơtho tơtă. Apinh ăn kơ inh gơh arih kiơ̆ lăm trong tơdrong tơpăt Ih.

Horiso 19:12

Bu băt kơdih đei yoch glăi? Apinh Kră Yang mơnat tơdrong yoch mă inh ưh kơ băt.

Horiso 36:4

Sư tơchĕng wă pơm kơnê̆ kơplah oei kơpal giơng, Sư kiơ̆ trong ưh kơ 'lơ̆ng, sư ưh kơ achăng lê̆ tơdrong kơnê̆.

Horiso 65:3

Tơdah jei tơdrong kơnê̆. Tơdrong mă lu nhôn pơm yoch Ih gô mơnat ăn.

Horiso 97:10

Ơ lu bơngai mă 'mêm kơ Kră Yang areh bĕ kơ tơdrong kơnê̆; Sư wei wêr tơdrong arih bơngai 'lơ̆ng rơgoh Sư. Păng dŏng pơklaih lu sư đơ̆ng ti lu bơngai pơm kơnê̆.

Tơdrông Pơđơk 13:5

Bơngai tơpăt băt areh kơ nơ̆r hơlĕnh; Bơngai kơnê̆ pơm trŏ kơ mơlâu hlơ̆l lĕm.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Na 1:7

Kră Yang 'lơ̆ng rŏ, jing kơđông kơ'nơp kơjăp lăm năr đei tơdrong gleh truh păng Sư băt kơ dôm lu bơngai kơ'nơp lăm Sư.

Luka 11:48

Lu 'bok iĕm sơ̆ pơlôch lu sư na iĕm dang ei pơm hơmet ming bơsat lu sư dơ̆ng. Thoi noh iĕm kư̆m băt kơ 'bok iĕm pơlôch lu sư mơ̆n sơ̆ păng iĕm dang khan lu 'bok iĕm sơ̆ pơlôch lu sư khan trŏ.

Yo 15:15

Dang ei Inh ưh pă lăng iĕm thoi đĭch đam Inh boih. Inh lăng iĕm thoi buăl juăt Inh tơpă. Lu bơngai đĭch đe, yŏng sư ưh kơ roi tôm tơdrong sư ôh. Mă-lei Inh roi kơ iĕm tôm tơdrong Inh kơtơ̆ng đơ̆ng 'Bă Inh.

Rom 12:9

Bơ̆n 'mêm kơ bôl athei 'mêm mă tơpă, areh kơ tơdrong kơnê̆, athei adrin chă tơdrong 'lơ̆ng.

Rom 14:22

Mă tơdrong sa et, mă tơdrong kiơ, bơ̆n tơchĕng gơh, mă bơ̆n 'nĕ roi kơ đe, gô mơ̆ng kơ 'Bok Kei-Dei đĕch bơtho bơ̆n. Dah bơ̆n tơchĕng trŏ lei lăm jơhngơ̆m bơ̆n mơn kơ hiôk ưh kơ hli kơ yoch ôh.

Rom 7:16

Inh băt dôm tơdrong juăt 'Bok Kei-Dei pơkă trŏ tơpă, rŏ kuă kơ pơm yoch mă-lei oei pơm.

Galati 5:17

Dah jơhngơ̆m đon iĕm kuă kiơ̆ Yang Bơhngol 'Lơ̆ng bơtho, thoi noh Yang Bơhngol 'Lơ̆ng lăng jơhngơ̆m đon tơdrong iĕm pơm ưh kơ layơ wă 'blep trŏ thoi Sư wă. Jơhngơ̆m đon iĕm păng Yang Bơhngol 'Lơ̆ng, bre sư pơjrot băl, na iĕm ưh kơ gơh pơm kiơ̆ kơ iĕm wă ôh.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

Hêbrơ 1:9

Ih lăp đon kơ tơdrong 'lơ̆ng areh kơ tơdrong kơnê̆. Yua kơ thoi noh na 'Bok Kei-Dei Kră Yang Ih, pôk Ih oei tơ tang-dŏ păng pik kơ Ih đak pơgang 'bâu phu, ăn kơ Ih hiôk hloh, tih hloh kơ lu bôl buăl Ih.”

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

Ju 1:23

Lu mơ'nah wă huŏng tơ lăm dơnâu ŭnh, iĕm athei rôp pơkơ̆ng sư, 'nĕ ăn năm, hli kơ ŭnh sa. Lu mơ'nah sư wă kiơ̆ kơ jơhngơ̆m sư kơdih pơm dôm tơdrong kơnê̆, truh tơ bơ̆n lăng hơbĕn ao sư thoi lĕ 'bĕnh kơ tơdrong kơnê̆ sư pơm. Bơ̆n athei mơnat kơ sư mơ̆n, bơtho pơlung sư. Mă-lei bơ̆n athei kơchăng, hli kơ sư bơtho pơlung bơ̆n pơm kơnê̆ thoi sư dơ̆ng; thoi lĕ kơ bơ̆n 'bôh bơngai jĭ, bơ̆n hli kơ tơdrong jĭ sư apoh kơ bơ̆n đơ̆ng hơbĕn ao mơgrĭ sư.