Rom 7:14 - Sơ̆p Hlabơar Nơ̆r 'Bok Kei-Dei

¹⁴ Bơ̆n băt mơ̆n tơdrong juăt 'Bok Kei-Dei pơkă trŏ tơpă; na kiơ̆ thoi inh bơngai tơrăn ưh kơ kĕ kiơ̆ tơdrong juăt noh, na jing đĭch kơ tơdrong yoch inh tơpă.

Rom 7:14 Iomraidhean Croise

Bl 37:27

Thoi âu đĕch! Bĕ bơ̆n tĕch sư tơ lu bơngai Ismael to bơ̆n 'nĕ kơ pơrăm akâu sư, yua kơ sư oh bơ̆n, sĕch akar bơ̆n, na lu 'nhŏng oh sư chu kiơ̆ nơ̆r sư.

Bl 37:36

Lu bơngai Madian mơdro noh chông ba Jôsep truh tơ dêh char Êyiptơ, tĕch sư tơ Pôtipha, yŏng linh bơngai wei Pharaôn.

Bl 40:15

Yua kơ đe rôp ba inh đơ̆ng bơngai Hêbrơ păng tơ âu inh ưh kơ đei pơm yoch kiơ, mă-lei đe kư̆m tah inh lăm hnam pơmat 'nâu.

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

II Pot 17:17

Lu sư 'buh kon drŏ-nglo kon drŏ-kăn lu sư lăm ŭnh pơm tơmam soi sơmah kơ yang, lui kiơ̆ kơ pơjâu tơwir păng pơjâu lăng ti lu sư tĕch akâu lu sư kơdih pơm kơnê̆ 'bơ̆t anăp Kră Yang, wă tơblĕk Kră Yang.

Jop 42:6

Yua kơ thoi noh, inh mơlâu dêh kơ tơdrong inh pơma păng apinh tơbral lăm 'mui tơnuh.

Horiso 119:25

Bơhngol inh klep lăm 'mui teh. Tơiung pơrih inh dơ̆ng. Kiơ̆ kơ nơ̆r Ih.

Horiso 51:6

Âu, Ih wă kơ 'bôh đei tơdrong tơpăt tơ lăm jơhngơ̆m Ih pơhrăm inh đei tơdrong hơgei mă hlơp lăm jơhngơ̆m.

Le 22:3

Mă-lei tơdah teh pơlôch kơplah 'năr đĭ lĕch boih, 'noh sư pŭ yoch pơlôch bơngai. Mă-lei tơdah teh pơlôch kơ'năr boih, sư pŭ yoch pơlôch bơngai, bơngai tơtông athei duh; tơdah ưh kơ đei kiơ, thoi noh đe gô tĕch sư, yua kơ tơdrong tơtông klĕ sư.

Tơdrông Pơđơk 30:2

Tơpă inh kơtul hloh kơ đe nai, Păng kư̆m ưh kơ đei hlôh wao thoi kon bơngai hmă.

Tơdrông Pơđơk 30:5

Dôm Nơ̆r Kră Yang 'Bok Kei-Dei đe đei rơ̆ pơlong lăng rơgoh sĭt tơpă. Kră Yang 'Bok Kei-Dei jơ̆ khêl pĕng lu bơngai mă Kơ'nơp lăm Sư.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Êsai 52:3

Kră Yang khan thoi âu; lu iĕm tĕch bơih mă-lei ưh kơ đei jên; na kư̆m gô huai iŏk iĕm dơ̆ng ưh kơ đei hăm jên kăk ôh.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Lêwi 13:12

Tơdah Jĭ chin lanh jơ̆p kơ akâu akar sư, đơ̆ng kơ̆l truh tơ jơ̆ng, jơ̆p-jang 'bok soi lăng 'bôh nhen.

Lêwi 13:16

Mă-lei tơdah akâu akar sư đơ̆ng 'brê jing kok sư athei năm tơ'bôh akâu sư tơ 'bok soi.

Lêwi 19:18

'Nĕ kơ pơm 'mong răk rong mong găr hăm rông 'bôt kơtum kơtŏng 'nhŏng oh ih, athei 'mêm kơ lu sư thoi ih 'mêm akâu ih kơdih, Inh boih Kră Yang.

Am 2:6

Kră Yang khan: Yua kơ đơ̆ng kon pơlei Isơrael rai pơm yoch hloh kơ adrol, na inh ưh kơ lê̆ ôh wă phak lu sư, yua kơ lu sư tĕch boih lu bơngai tơpăt yua kơ jên păng tĕch lu bơngai dơnuh hin yua kơ hơgrop chơkhŏ chuă.

Mathiơ 16:23

Na Yêsu hue lăng tơ Pêtrôs păng khan kơ sư: “Ơ Satan, jăk kơ e mă ataih đơ̆ng âu. Inh wă pơm kiơ̆ kơ 'Bok Kei-Dei mă e pơgăn. E ưh kơ tơchĕng kiơ̆ kơ 'Bok Kei-Dei ôh, e tơchĕng kiơ̆ kơ kon bơngai đĕch.”

Mathiơ 18:25

Mă-lei sư ưh kơ đei jên wă kla ôh. Na 'bok pơtao athei sư tĕch đĭ akâu sư, kon akăn sư păng mŭk tơmam sư, wă kla tơdrong sư hre noh jah tôch.

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Mathiơ 5:28

Na Inh bơtho iĕm dang ei thoi âu: Bơngai bu 'bôh drŏ-kăn, rŏ kơ ngôi hăm sư, bơngai 'noh yoch boih, bơngai 'noh dang lĕ pơm kư̆ kă hăm drŏ-kăn boih.

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Luka 7:6

Na Yêsu năm kiơ̆ hloi lu đe ei. Lăp lu sư năm wă jê̆ truh tơ hnam 'bok tih linh ei, tơ'bơ̆p hĭ lu bơngai đơ̆ng 'bok tih linh ei wơh na khan kơ Yêsu: “Ơ 'Bok, yŏng nhôn khan Ih huay kơ mah năm truh tơ hnam sư ôh. Sư khan sư ưh kơ hơnhŏ wă tơmơ̆t Ih tơ hnam sư.

Rom 3:9

Bơ̆n 'nĕ pơang lu bơngai Juđê bơ̆n, khan bơ̆n bơngai ưh kơ yoch thoi lu bơngai nai. Yua kơ inh khan boih, đĭ-đăng kon bơngai yoch ngăl, na mă bơngai Juđê, mă bơngai khŭl nai.

Rom 6:6

Sơ̆ bơ̆n akâu so, mă-lei dang ei dang đe pơ̆ng pơlôch bơ̆n hơdai hăm Yêsu tơ 'long pơglang boih, wă tơhiong đĭ dôm tơdrong so na mă bơ̆n gơh rơngei đơ̆ng tơdrong yoch.

Rom 7:18

Na dang ei inh băt boih tơdrong 'lơ̆ng hoh-hoy kơ oei lăm inh hơya tŏ sĕt, tă ling kơnê̆ ngăl. Kiơ̆ kơ đon hơdơ̆r 'bơ̆r apơi wă kơ pơm 'lơ̆ng ngăl ră, mă-lei ưh kơ kĕ.

Galati 4:3

Bơ̆n kư̆m thoi noh mơ̆n sơ̆. Lu bơ̆n thoi lĕ kơ bơngai đĭch đe, chu kiơ̆ tôm tơdrong juăt kon bơngai tơpă.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Both 6:5

Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.

Hêbrơ 4:12

Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.