Rom 6:6 - Sơ̆p Hlabơar Nơ̆r 'Bok Kei-Dei

⁶ Sơ̆ bơ̆n akâu so, mă-lei dang ei dang đe pơ̆ng pơlôch bơ̆n hơdai hăm Yêsu tơ 'long pơglang boih, wă tơhiong đĭ dôm tơdrong so na mă bơ̆n gơh rơngei đơ̆ng tơdrong yoch.

Rom 6:6 Iomraidhean Croise

II Pot 5:17

Naaman khan dơ̆ng: “Tơdah ih ưh kơ iŏk kiơ inh apinh ih asong inh kôch iŏk hơya 'bar bai teh lăp kơ 'bar tŏ aseh iĕ chơ kĕ; yua kơ đơ̆ng âu tơ anăp inh bơngai mă đĭch đam ih, ưh pă pơyơ̆r kơ yang nai ôh dôm tơmam soi 'buh pơkhôi dah tơmam soi nai 'nguaih kơ Kră Yang.

Êsai 26:13

Ơ Kră Yang, 'Bok Kei-Dei lu nhôn, 'nguaih kơ Ih kư̆m đei lu yŏng nai pơgơ̆r lu nhôn, Mă-lei lu nhôn gơnang kơ minh anăn Ih đĕch.

Rom 6:12

Akâu bơ̆n juăt kơ pơm yoch, bơ̆n athei gơ̆t 'nĕ pă ăn pơm yoch dơ̆ng. Ning-mônh akâu kon bơngai bơ̆n gô tơ'bơ̆p tơdrong lôch.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Rom 7:14

Bơ̆n băt mơ̆n tơdrong juăt 'Bok Kei-Dei pơkă trŏ tơpă; na kiơ̆ thoi inh bơngai tơrăn ưh kơ kĕ kiơ̆ tơdrong juăt noh, na jing đĭch kơ tơdrong yoch inh tơpă.

Rom 8:13

Dah bơ̆n oei gơnang kơ akâu bơ̆n kơdih, bơ̆n gô pŭ tơdrong phak. Dah bơ̆n gơnang kơ Yang Bơhngol 'Lơ̆ng wă hŭt lê̆ tơdrong bơ̆n kơdih lei ning-mônh bơ̆n gô arih ling-lang.

II Kor 5:14

Nhôn băt kơ Yêsu Krist 'mêm kơ bơ̆n tơpă, na nhôn ưh kơ lăng tơdrong kon bơngai ôh. Nhôn băt kơ pôm Sư đĕch lôch tang đĭ-đăng kon bơngai tơpă, thoi noh na đĭ-đăng kơ bơ̆n kư̆m dang lôch thoi Sư.

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

Galati 5:24

Lu bơ̆n bơngai lui kơ Kră Yang Yêsu Krist đĭ hŭt lê̆ boih dôm lu tơdrong mă đon bơ̆n juăt kơ tơchĕng pơm tơdrong kơnê̆, dang lĕ kơ bơ̆n pơ̆ng dôm tơdrong noh tơ 'long pơglang.

Galati 6:14

Gah inh ưh kơ đei pơang akâu inh kơdih ôh, inh wă pơang đe gah 'long pơglang Yêsu đĕch. Yua kơ Kră Yang Yêsu Krist lôch tang inh tơ 'long pơglang tơpă na inh lê̆ đĭ-đăng tơdrong ala teh âu, dang lĕ inh pơ̆ng lê̆ dôm tơdrong ala teh âu tơ 'long pơglang, kư̆m dang inh lôch tơ 'long pơglang ưh pă kiơ̆ dôm tơdrong ala teh âu.

Êphêsô 4:22

Iĕm athei lê̆ tơdrong so, tơdrong mă iĕm juăt kơ pơm sơ̆. Pơm thoi noh sơ̆ rai đunh rai răm yua kơ 'maih pơm lơ tơdrong kơnê̆.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.