Rom 6:5 - Sơ̆p Hlabơar Nơ̆r 'Bok Kei-Dei

⁵ Yua kơ bơ̆n dang lôch hơdai păng Yêsu na 'Bok Kei-Dei ăn bơ̆n arih 'nao ahrei âu, thoi ăn kơ Yêsu iung arih sơ̆ mơ̆n.

Rom 6:5 Iomraidhean Croise

Horiso 92:13

Đe pơtăm lu sư lăm hnam Kră Yang. Wơ̆ tih tơ lăm cham Kră Yang 'Bok Kei-Dei lu bơ̆n.

Êsai 5:2

Sư choh teh preh dônh lê̆ tơmo đĭ, sư pơtăm rơih iŏk tơm hơmu bluh 'lơ̆ng, sư pơdơ̆ng minh pôm hnam thôt tŏk-bŏk pơgar păng sir minh pôm sơlŭng wă hmĕt iŏk đak hơmu sư. Sư hơmĕng hơmu sư đei plei 'lơ̆ng mă-lei tă kơ plei đĭ wir.

Je 2:21

Inh pơtăm boih thoi minh tơnơm hơmu 'lơ̆ng Inh rơih iŏk, tă kơ găr adrĕch 'lơ̆ng ngăl. Na liơ iĕm tơplih lê̆ jing tơm hơmu bri kơnê̆?

Mathiơ 15:13

Na Yêsu pơma pơjuang kơ lu bơngai ei thoi âu: “'Long kiơ 'Bă Inh tơ plĕnh ti ưh kơ đei pơtăm, 'long noh Sư buch tŭk pơđĭ.

Yo 12:24

Inh khan kơ iĕm tơpă, dah bơ̆n 'măn lê̆ adrĕch 'ba lăm kŭ ling-lang, sư ưh kơ chăt đei plei dơ̆ng ôh. Mă-lei dah bơ̆n rei sư tơ teh, bơ̆n lăng nhen lôch hiong, mă-lei găr lăm to sư gô chăt păng gô đei plei trem.

II Kor 4:10

Akâu nhôn chu iŏk tơdrong pơmat-tat, dang lôch thoi Yêsu sơ̆, noh dang akâu nhôn tơbăt kơ đe Yêsu oei arih.

Kôlôsê 2:12

'Noh thoi đe pơm kơ bơ̆n 'batem tơmôch lăm đak, dang 'bŭ akâu bơ̆n hơdai Yêsu minh pôm bong. Bơ̆n iung đơ̆ng đak, kư̆m dang bơ̆n iung arih thoi Sư mơ̆n. Dang ei bơ̆n jing bơngai 'nao boih yua kơ bơ̆n lui păng gơnang kơ tơdrong mơsêh mơyang 'Bok Kei-Dei mă tơiung arih Sư đơ̆ng lôch noh.

Kôlôsê 3:1

'Bok Kei-Dei dang tơiung arih iĕm hơdai hăm Yêsu Krist boih, na iĕm athei adrin chă dôm tơdrong tơ kơpal plĕnh ti, anih mă Yêsu oei pơgơ̆r gah 'ma kơ 'Bă Sư 'Bok Kei-Dei.