Rom 6:3 - Sơ̆p Hlabơar Nơ̆r 'Bok Kei-Dei

³ Kơplah bơ̆n iŏk 'batem sơ̆ rim 'nu kơ bơ̆n tơmơ̆t lăm Yêsu Krist dang lĕ kơ bơ̆n lôch păng Sư boih.

Rom 6:3 Iomraidhean Croise

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Jang 19:5

Lu bơngai Pôl tơ'bơ̆p ei kơtơ̆ng thoi noh na sư iŏk 'batem hăm anăn Kră Yang Yêsu.

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Jang 8:16

yua kơ Yang Bơhngol 'Lơ̆ng tam mă oei păng lu sư. Lu sư iŏk 'batem hăm anăn Kră Yang Yêsu đĕch.

Rom 6:16

Iĕm băt mơ̆n, tơ̆ng bơ̆n đĭch đe, bơ̆n athei chu kơ yŏng tơ'ngla. Tơ̆ng bơ̆n đĭch gah tơdrong yoch, bơ̆n gô 'bôh tơdrong lôch. Tơ̆ng bơ̆n đĭch 'Bok Kei-Dei, bơ̆n athei chu kơ 'Bok Kei-Dei, bơ̆n gô 'bôh tơdrong bơ̆n chu jing bơngai 'lơ̆ng tơpăt.

Rom 6:8

Yua kơ bơ̆n dang lôch hơdai hăm Yêsu boih, na bơ̆n băt tơpă bơ̆n gô arih 'nao kiơ̆ thoi Sư mơ̆n, ưh pă layơ wă iŏk tơdrong so dơ̆ng.

Rom 7:1

Ơ lu 'nhŏng oh, iĕm kư̆m băt boih gah tơdrong pơm kiơ̆ tơdrong juăt, kon bơngai bơ̆n pơm kiơ̆ tơdrong juăt kơplah bơ̆n oei arih đĕch, mưh lôch boih bơ̆n ưh pă gơh kiơ̆ dơ̆ng.

I Kor 10:2

Đak dơsĭ păng hơmơ̆l 'noh pơtih gia dang lu sư iŏk 'batem, wă tơbăt kơ đe tơdrong lu sư kiơ̆ Môis tơpă.

I Kor 12:13

Na đĭ rim khŭl bơngai, bơngai Juđê, bơngai khŭl nai, mă bơngai đĭch đe, mă bơngai rơngei, dah bơ̆n lui kơ Yêsu Krist, Yang Bơhngol 'Lơ̆ng pơm 'batem kơ bơ̆n pơgơ̆p bơ̆n jing minh jơhngơ̆m minh đon dih băl. Sư minh 'nu đĕch, mă-lei đĭ-đăng kơ bơ̆n iŏk Sư.

I Kor 15:29

Bĭ tơdrong âu dơ̆ng, lu bơngai mă iŏk 'batem boih, lu sư wă iŏk tang lu bơngai lui mă lôch boih ưh kơ tam iŏk 'batem, na dah lu bơngai lôch ưh kơ iung arih lei lơliơ sư wă iŏk 'batem tang lu bơngai lôch?

I Kor 3:16

Iĕm hăm băt ưh, đĭ dôm bơngai lui tơ Pơlei Kôrintô iĕm âu dang minh pôm hnam 'Bok Kei-Dei yua kơ kiơ? Yua kơ Yang Bơhngol 'Lơ̆ng oei lăm iĕm.

I Kor 5:6

Tơdrong iĕm pơang akâu kơdih ưh kơ 'lơ̆ng ôh. Iĕm ưh kơ băt ôh hă, tơdrong yoch thoi lĕ kơ 'buih pông? Bơ̆n pơjrâu kơ bre sư 'bĕng tơpŭng lăp tŏ sĕt đĕch mă-lei sư pông đĭ kơ 'bĕng tơpŭng.

I Kor 6:19

Akâu bơ̆n jing hnam Yang Bơhngol 'Lơ̆ng đơ̆ng 'Bok Kei-Dei ăn Sư oei lăm akâu bơ̆n. Na akâu bơ̆n ưh pă jing thoi lĕ tơmam bơ̆n ôh, dang jing tơmam 'Bok Kei-Dei boih,a

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

I Kor 9:13

Iĕm kư̆m băt mơ̆n dôm lu bơngai jang tơ lăm hnam akŭm 'Bok Kei-Dei tơm, lu sư sa tơmam đơ̆ng lăm hnam akŭm 'noh. Lu sư sa dôm lu tơmam đe pơyơ̆r kơ 'Bok Kei-Dei păng dôm lu tơmam đe ăn wă sơmah kơ 'Bok Kei-Dei.

I Kor 9:24

Iĕm kư̆m băt mơ̆n tơdrong lu bơngai pơđuơ kơdâu pơjei băl, đei lơ bơngai kơdâu ră mă-lei tơdrong apah lăp minh 'nu đĕch. Na bơ̆n kư̆m adrin tôch bơneh thoi lĕ lu bơngai pơđuơ kơdâu wă kơ bơ̆n đei tơdrong apah đơ̆ng 'Bok Kei-Dei.

II Kor 13:5

Iĕm athei pơlong lăng tơdrong arih iĕm, hăm thoi bơngai lui tơpă dah ưh. Iĕm hăm băt kơ Yêsu Krist oei hơdai iĕm? Hli kơ iĕm ưh kơ lui kơ Sư đĕch, na Sư ưh kơ oei hơdai iĕm.

Galati 3:27

Đĭ-đăng kơ bơ̆n lui kơ Yêsu, klaih kơ noh iŏk 'batem, wă kơ bơ̆n jing pôm đon păng Sư.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.