Rom 6:16 - Sơ̆p Hlabơar Nơ̆r 'Bok Kei-Dei

¹⁶ Iĕm băt mơ̆n, tơ̆ng bơ̆n đĭch đe, bơ̆n athei chu kơ yŏng tơ'ngla. Tơ̆ng bơ̆n đĭch gah tơdrong yoch, bơ̆n gô 'bôh tơdrong lôch. Tơ̆ng bơ̆n đĭch 'Bok Kei-Dei, bơ̆n athei chu kơ 'Bok Kei-Dei, bơ̆n gô 'bôh tơdrong bơ̆n chu jing bơngai 'lơ̆ng tơpăt.

Rom 6:16 Iomraidhean Croise

Bl 4:7

Dah ih pơm 'lơ̆ng liơ ih ưh kơ pơ̆n ngơk muh măt? Na mưh ưh kơ pơm 'lơ̆ng, to tơdrong yoch răp gô 'bơ̆t 'măng 'ngeng kơ ih dêh mă-lei ih 'nĕ kơ ăn jei sư.”

Mathiơ 20:4

Na 'bok tơ'ngla mir hơmu ei khan: ‘Iĕm hăm wă năm jang kơ inh, inh apah trŏ?’

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Yo 8:34

Yêsu khan kơ lu sư: “Inh khan kơ iĕm tơpăt, iĕm ưh kơ rơngei ôh, yua bơngai bu pơm yoch ling-lang, bơngai 'noh sư dang đĭch mơ̆n yua kơ tơdrong yoch sư.

Rom 11:2

'Bok Kei-Dei ưh kơ hŭt ôh lu bơngai Isơrael, yua kơ Sư rơih iŏk đơ̆ng sơ̆ boih. Iĕm kư̆m băt mơ̆n tơdrong Êli chih roi lăm hla bơar 'Bok Kei-Dei kơplah sư hil kơ lu bơngai Isơrael sơ̆.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Rom 6:17

Sơ̆ iĕm đĭch gah tơdrong yoch ră, mă-lei bơnê kơ 'Bok Kei-Dei pơklaih iĕm rơngei boih yua kơ iĕm lui kơ tơdrong đe bơtho hăm đĭ jơhngơ̆m klơm klak.

I Kor 3:16

Iĕm hăm băt ưh, đĭ dôm bơngai lui tơ Pơlei Kôrintô iĕm âu dang minh pôm hnam 'Bok Kei-Dei yua kơ kiơ? Yua kơ Yang Bơhngol 'Lơ̆ng oei lăm iĕm.

I Kor 5:6

Tơdrong iĕm pơang akâu kơdih ưh kơ 'lơ̆ng ôh. Iĕm ưh kơ băt ôh hă, tơdrong yoch thoi lĕ kơ 'buih pông? Bơ̆n pơjrâu kơ bre sư 'bĕng tơpŭng lăp tŏ sĕt đĕch mă-lei sư pông đĭ kơ 'bĕng tơpŭng.

I Kor 6:2

Lu bơngai lui gô sek tơdrong lu bơngai ưh kơ lui ning-mônh. Dah iĕm gơh sek tơdrong bơngai ưh kơ lui ning-mônh, lei iĕm kư̆m gơh sek tơdrong buăl iĕm iĕ ioch dang ei mơ̆n.

I Kor 6:3

Ning-mônh bơ̆n gơh sek tơdrong linh jang. Dah bơ̆n gơh sek tơdrong linh jang ning-mônh lei bơ̆n kư̆m gơh sek tơdrong bơngai ala teh âu 'bônh loi.

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

I Kor 9:13

Iĕm kư̆m băt mơ̆n dôm lu bơngai jang tơ lăm hnam akŭm 'Bok Kei-Dei tơm, lu sư sa tơmam đơ̆ng lăm hnam akŭm 'noh. Lu sư sa dôm lu tơmam đe pơyơ̆r kơ 'Bok Kei-Dei păng dôm lu tơmam đe ăn wă sơmah kơ 'Bok Kei-Dei.

I Kor 9:24

Iĕm kư̆m băt mơ̆n tơdrong lu bơngai pơđuơ kơdâu pơjei băl, đei lơ bơngai kơdâu ră mă-lei tơdrong apah lăp minh 'nu đĕch. Na bơ̆n kư̆m adrin tôch bơneh thoi lĕ lu bơngai pơđuơ kơdâu wă kơ bơ̆n đei tơdrong apah đơ̆ng 'Bok Kei-Dei.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

II Pet 2:19

'Bok bơtho hơlĕnh pơdăr noh, lu sư khan wă ăn kơ lu bơngai noh rơngei, mă-lei tă kơ lu sư dơ̆ng jing đĭch, yua kơ lu sư ưh kơ kĕ gơ̆t kơ tơdrong pơm yoch, jing wă pơrăm akâu kơdih. Tơdrong kiơ bơ̆n ưh kơ kĕ pơgơ̆t, tơdrong noh bơ̆n oei đĭch.