Rom 6:13 - Sơ̆p Hlabơar Nơ̆r 'Bok Kei-Dei

¹³ Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

Rom 6:13 Iomraidhean Croise

II Ho 30:8

'Nĕ pă arăng kơ̆l thoi lu 'bok iĕm; chu bĕ Kră Yang, năm tơ anih rơgoh Sư mă 'măn lê̆ pha rơgoh ling-lang. Kơkuh ư-ang bĕ kơ Kră Yang 'Bok Kei-Dei lu iĕm, wă kơ Sư huay pă hil mĭl,

Horiso 37:30

'Bơ̆r lu bơngai tơpăt pơma lĕch gơh hơgei, Păng hơpiĕt sư roi tơdrong tơpăt.

Tơdrông Pơđơk 12:18

Bơngai kư̆ kă chă pơma han thoi 'bet klĕch hăm đao. Mă-lei hơpiĕt lu bơngai hơgei đei hơmet klaih.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsêkiên 18:4

Yua kơ đĭ-đăng tơdrong arih lăm Inh, tơdrong arih 'bă kư̆m thoi tơdrong arih kon oei lăm Inh ngăl na Bơngai bu pơm yoch gô lôch.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Luka 15:24

yua kơ kon inh nhen lĕ lôch boih, mă-lei arih dơ̆ng. Sư hiong boih, mă-lei dang ei 'bôh sư dơ̆ng.’ Thoi noh lu sư ngôi pơchơt băl hloi.

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Yo 5:24

Inh khan kơ iĕm tơpă, bơngai bu mơ̆ng Inh bơtho păng lui hloi kơ 'Bok Kei-Dei mă wơh Inh, bơngai 'noh ning-mônh sư gô oei hơdai hăm 'Bok Kei-Dei arih ling-lang păng Inh huay pă sek tơlang tơdrong sư boih. Sơ̆ sư kiơ̆ tơdrong lôch mă-lei dang ei sư kiơ̆ tơdrong arih.

Rom 1:29

Kon bơngai bơ̆n pơm tôm tơdrong kơnê̆, tôm tơdrong yoch tơpă. Bơ̆n 'nhĕng tơmam đe, bơ̆n areh dih băl, bơ̆n tơgar sa băl, pơlôch dih băl, tơteh dih băl, plơ̆ plĕch kơ bôl buăl; jơhngơ̆m 'maih hil kơ đe, wă bâu roi đe,

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Rom 6:11

Akâu bơ̆n kư̆m thoi noh mơ̆n, dang bơ̆n lôch hŭt đĭ dôm tơdrong yoch, gơnang kơ Yêsu Krist đei arih 'nao kiơ̆ thoi Sư, na jang tơdrong 'Bok Kei-Dei lei-lăi.

Rom 6:16

Iĕm băt mơ̆n, tơ̆ng bơ̆n đĭch đe, bơ̆n athei chu kơ yŏng tơ'ngla. Tơ̆ng bơ̆n đĭch gah tơdrong yoch, bơ̆n gô 'bôh tơdrong lôch. Tơ̆ng bơ̆n đĭch 'Bok Kei-Dei, bơ̆n athei chu kơ 'Bok Kei-Dei, bơ̆n gô 'bôh tơdrong bơ̆n chu jing bơngai 'lơ̆ng tơpăt.

Rom 6:19

Tơdrong pơm đĭch noh ưh kơ sĭ iĕm jing đĭch tơpă ôh, inh pơtih gia wă kơ iĕm hlôh đĕch. Yua kơ sơ̆ iĕm dang pơjao akâu iĕm pơm kơnê̆ kư̆ kă khŏm khŏm rai tih, na dang ei iĕm pơjao akâu iĕm kơ 'Bok Kei-Dei pơm 'lơ̆ng tơpăt thoi Sư boih.

Rom 7:23

Mă-lei tơdrong kơnê̆ lăm akâu inh pơgăn, tơdrong kơnê̆ noh rôp pơgŏ inh, wă kơ inh pơm yoch.

Rom 7:5

Hơdrol sơ̆ bơ̆n oei kiơ̆ kơ akâu bơ̆n kơdih, na 'maih pơm tôm tơdrong yoch. Bơ̆n băt kơ tơdrong juăt 'Bok Kei-Dei pơkă noh khă kuă ăn bơ̆n pơm yoch ră, mă-lei bơ̆n oei pơm yoch rai dêh khŏm khŏm truh tơ lôch.

I Kor 6:15

Iĕm ưh kơ băt ôh hă rim 'nu kơ bơ̆n gơh pơgơ̆p minh chăl lăm akâu Yêsu Krist? Na iĕm wă kơ bơ̆n pơgơ̆p dơ̆ng minh chăl tơ akâu drŏ-kăn đi dơ̆ng hă? Ưh ôh.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

II Kor 10:4

Khêl đao nhôn tơblah, ưh kơ thoi khêl đao lu bơngai ala teh âu ôh. Khêl đao nhôn wă khan tơdrong 'bơ̆r mơsêh mơyang 'Bok Kei-Dei, wă pơrăm lê̆ dôm tơdrong kon bơngai gơnang sơđơ̆ng,

II Kor 5:14

Nhôn băt kơ Yêsu Krist 'mêm kơ bơ̆n tơpă, na nhôn ưh kơ lăng tơdrong kon bơngai ôh. Nhôn băt kơ pôm Sư đĕch lôch tang đĭ-đăng kon bơngai tơpă, thoi noh na đĭ-đăng kơ bơ̆n kư̆m dang lôch thoi Sư.

II Kor 5:15

Sư lôch tang bơ̆n iung arih dơ̆ng, wă kơ bơ̆n arih huay kơ pơyua akâu bơ̆n kơdih, Sư wă kơ bơ̆n arih yua kơ tơdrong jang Sư.

II Kor 8:5

Nhôn ngêh kơ lu sư pơm 'blep kơ đon nhôn tơchĕng đĕch, lu sư pơm hloh kơ đon nhôn tơchĕng dơ̆ng; lu sư pơyơ̆r ăn akâu lu sư kơ Kră Yang wă tơgŭm nhôn hai, lu sư pơm thoi 'Bok Kei-Dei lăp đon dêh.

Êphêsô 2:5

mă khan bơ̆n bơngai dang lôch yua kơ tơdrong yoch, mă-lei dang ei bơ̆n kư̆m dang Sư tơiung lu bơ̆n thoi Yêsu Krist boih. Bơ̆n gơh klaih đơ̆ng tơdrong yoch yua kơ Sư mơnat ăn.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Both 25:16

Yua kơ Kră Yang 'Bok Kei-Dei iĕm areh krưp dêh kơ bơngai bu pơm dôm tơdrong ưh kơ trŏ 'nâu.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

Kôlôsê 2:13

Iĕm bơngai khŭl nai, sơ̆ iĕm oei gơh pơm lơ tơdrong yoch, tơdrong kơnê̆, bơngai oei arih ră dang lĕ kơ bơngai lôch boih. Păng iĕm ưh kơ trŏ kơ bơngai 'Bok Kei-Dei wă tơgŭm thoi lu bơngai Juđê ôh. Mă-lei 'Bok Kei-Dei tơiung arih Yêsu Krist đơ̆ng lôch boih, dang Sư tơiung arih iĕm mơ̆n, Sư huay pă jô̆ yo boih dôm tơdrong yoch bơ̆n juăt kơ pơm sơ̆.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

II Tes 2:12

Thoi noh 'Bok Kei-Dei gô phak đĭ-đăng lu sư, kơlih kơ lu sư ưh kơ lui kơ tơdrong 'Bok Kei-Dei, lu sư lăp đon kơ pơm tơdrong kơnê̆ đĕch.

II Tim 2:15

Ơ Timôthê, ih athei adrin jang tơdrong 'Bok Kei-Dei wă kơ Sư lăp đon kơ tơdrong jang ih tơpă. Ih jang thoi noh ih huay kơ mơlâu kơ tơdrong jang ih ôh, yua kơ ih bơtho trŏ tơdrong 'Bok Kei-Dei.

Ya 4:1

Yua kơ kiơ iĕm hil areh pơjah pơjăng dih băl? Yua kơ jơhngơ̆m iĕm hưch kơ tơdrong âu tơdrong to, jing pơtuah kuă ăn iĕm kiơ̆ tơdrong 'Bok Kei-Dei hăm trŏ?

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 4:2

Kơplah bơ̆n oei arih tơ ala teh âu, bơ̆n 'nĕ pă kiơ̆ kơ jơhngơ̆m đon wă, bơ̆n athei kiơ̆ kơ 'Bok Kei-Dei wă đĕch.

I Yo 1:9

'Bok Kei-Dei pơm trŏ thoi Sư pơkă, Sư pơm tơpăt ling-lang. Kơlih kơ thoi noh na bơ̆n dah roi tơdrong yoch bơ̆n kơ Sư, na Sư gô pơklaih bơ̆n đơ̆ng tơdrong yoch tơpă păng 'nhao jơhngơ̆m bơ̆n đơ̆ng dôm tơdrong kơnê̆.