Rom 6:11 - Sơ̆p Hlabơar Nơ̆r 'Bok Kei-Dei

¹¹ Akâu bơ̆n kư̆m thoi noh mơ̆n, dang bơ̆n lôch hŭt đĭ dôm tơdrong yoch, gơnang kơ Yêsu Krist đei arih 'nao kiơ̆ thoi Sư, na jang tơdrong 'Bok Kei-Dei lei-lăi.

Rom 6:11 Iomraidhean Croise

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Rom 16:27

'Bok Kei-Dei arih ling-lang, minh 'nu Sư đĕch Kră Yang hlôh wao tôm tơdrong. Bơ̆n sơđơ̆ng kơ Yêsu Krist na bơ̆n băt ư-ang kơ 'Bok Kei-Dei ling-lang ưh kơ layơ tôch. A-men.

Rom 5:1

Bơ̆n lui păng gơnang kơ 'Bok Kei-Dei thoi noh, na Sư jô̆ bơ̆n jing 'lơ̆ng tơpăt; yua kơ Kră Yang bơ̆n Yêsu Krist na bơ̆n gơh oei hiôk hăm 'Bok Kei-Dei.

Rom 6:10

Yêsu lôch sơ̆ Sư hŭt đĭ dôm tơdrong yoch bơ̆n hloi; dang ei Sư arih, Sư jang tơdrong 'Bok Kei-Dei.

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

Rom 6:2

Yua kơ bơ̆n bơngai dang lĕ kơ lôch boih, liơ gơh pơm yoch dơ̆ng?

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

Rom 7:4

Ơ 'nhŏng oh, tơdrong noh wă pơtih gia kơ bơ̆n dang bơ̆n lôch kiơ̆ Yêsu tơ 'long pơglang sơ̆ boih, na bơ̆n huay pă wă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă dơ̆ng ôh. Yua kơ dang bơ̆n iŏk bơngai nai boih, wă khan bơ̆n iŏk Yêsu Krist mă 'Bok Kei-Dei tơiung arih đơ̆ng lôch. Dang ei bơ̆n jang tơdrong Sư dang bơ̆n pơyua 'Bok Kei-Dei boih.

Rom 7:6

Mă-lei dang ei bơ̆n dang lôch kiơ̆ Yêsu Krist na bơ̆n ưh pă kăl gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆. Yua kơ thoi noh na bơ̆n athei lui yom kơ 'Bok Kei-Dei, ưh pă gơnang akâu kơdih wă kiơ̆ tơdrong so mă Môis chih pơkă sơ̆, bơ̆n kiơ̆ kơ tơdrong arih 'nao đơ̆ng Yang Bơhngol 'Lơ̆ng ăn.

Rom 8:18

Mă bơ̆n đei tơdrong gleh truh pơmat-tat dang ei, mă-lei inh băt tơpă ning-mônh bơ̆n gô oei hơdai hăm 'Bok Kei-Dei hiôk dêh; na mă bơ̆n pơmat-tat, bơ̆n kư̆m pơm hiôk thoi lĕ kơ năr jơhngơ̆m bơ̆n hiôk, yua kơ ning-mônh bơ̆n gô hiôk tơpă.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

Êphêsô 2:7

Thoi noh na Sư gô ăn kơ bơ̆n tôm tơdrong hiôk 'lơ̆ng khŏm khŏm truh tơ ning-mônh ưh kơ layơ tôch yua kơ Sư 'mêm mơnat kơ bơ̆n, na ăn kơ Yêsu Krist lôch tang bơ̆n.

Philip 1:11

Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.

Philip 4:7

Thoi noh na 'Bok Kei-Dei ăn kơ iĕm hiôk huay kơ tơchĕng lơ tơdrong păng huay kơ tơchĕng kơ tơdrong hli, yua kơ iĕm lui gơnang boih kơ Yêsu Krist. Tơ̆ng bơ̆n gơnang kơ đon bơ̆n tơchĕng kơdih đĕch bơ̆n ưh kơ hiôk ôh.

Kôlôsê 2:20

Lu iĕm dang lôch hơdai hăm Yêsu Krist boih, thoi noh iĕm rơngei boih đơ̆ng yang nai pơgơ̆r, mă-lei lơliơ iĕm oei kiơ̆ thoi bơngai tơ ala teh?

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.