Rom 5:8 - Sơ̆p Hlabơar Nơ̆r 'Bok Kei-Dei

⁸ Na kơplah bơ̆n oei pơm yoch, lăp minh 'nu Yêsu Krist đĕch lôch tang bơ̆n. 'Noh boih bơ̆n băt kơ 'Bok Kei-Dei 'mêm kơ kon bơngai bơ̆n tơpă.

Rom 5:8 Iomraidhean Croise

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Yo 15:13

Bơngai bu ăn akâu sư kơdih lôch tang lu buăl juăt sư, bơngai 'noh boih 'mêm mơnat kơ buăl juăt sư tơpă.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Rom 3:5

Bơ̆n 'bôh tôm tơdrong 'Bok Kei-Dei pơm 'lơ̆ng tơpăt ngăl boih, na bơ̆n 'nĕ tơchĕng khan, bơ̆n pơm kơnê̆ kư̆m bưh, wă kơ đe kơnăl kơ 'Bok Kei-Dei pơm 'lơ̆ng tơpăt păng wă kơ đe kơnăl kơ 'Bok Kei-Dei Sư ưh kơ pơm kơnê̆ thoi kon bơngai. Bơ̆n pơm kơnê̆ noh na đe gô ư-ang kơ 'Bok Kei-Dei rai tih, na dah 'Bok Kei-Dei wă phak bơ̆n ning-mônh noh Sư wă hơlĕnh đĕch yua kơ bơ̆n dang ư-ang anăn Sư kơ đe boih. Bơ̆n 'nĕ tơchĕng tơdrong noh khan trŏ, ưh ôh hŏ. Kon bơngai bơ̆n đĕch tơchĕng khan trŏ.

Rom 4:25

Yêsu lôch tang yua kơ tơdrong yoch bơ̆n, 'Bok Kei-Dei tơiung arih Sư, wă ăn kơ bơ̆n jing 'lơ̆ng tơpăt hăm Sư.

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

Rom 5:6

Sơ̆ bơ̆n ưh kơ băt tơgŭm akâu bơ̆n pơm 'lơ̆ng thoi yơ, na mưh trŏ kơ năr 'Bok Kei-Dei pơkă na đei Yêsu Krist lôch tang bơ̆n bơngai yoch.

Rom 5:7

Mă-lei dah kon bơngai bơ̆n, bơ̆n băt kơ buăl bơ̆n ưh kơ đei pơm yoch kiơ ră, mă-lei đe wă phak pơlôch sư, bơ̆n hui bơngai tơpă wă lôch tang buăl bơ̆n.

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

Rom 8:39

Mă 'bok kiơ tơ kơpal plĕnh, dah tơ ala teh âu, mă hăm tơdrong kiơ kiơ wă pơrơ̆ng tơgar iŏk bơ̆n đơ̆ng tơdrong 'Bok Kei-Dei 'mêm, lu noh ưh kơ kĕ 'mơ̆i.

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

Êphêsô 2:7

Thoi noh na Sư gô ăn kơ bơ̆n tôm tơdrong hiôk 'lơ̆ng khŏm khŏm truh tơ ning-mônh ưh kơ layơ tôch yua kơ Sư 'mêm mơnat kơ bơ̆n, na ăn kơ Yêsu Krist lôch tang bơ̆n.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

I Tim 1:16

Mă-lei 'Bok Kei-Dei oei mơnat kơ inh na pơklaih inh yua kơ Kră Yang Yêsu Krist wă tơbăt kơ kon bơngai Sư mơnat tơpă kơ inh mă pơm yoch lơ hloh kơ đĭ-đăng bơngai nai. Na lu bơngai nai gô 'bôh tơdrong Sư mơnat kơ inh, sư băt 'Bok Kei-Dei mơnat tơpă kơ đĭ-đăng bơngai, na lu sư gô lui kơ Kră Yang Yêsu Krist hăm arih ling-lang.

Hêbrơ 8:3

Rim kơ đe pôk pơm 'bok soi tih, đe wă kơ lu 'bok soi noh soi tơmam kơ 'Bok Kei-Dei; thoi noh na Yêsu kư̆m đei tơmam Sư wă soi kơ 'Bok Kei-Dei mơ̆n.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

I Yo 3:16

Bơ̆n băt boih Kră Yang Yêsu Krist 'mêm mơnat kơ bơ̆n tơpă yua kơ Sư ăn akâu Sư kơdih lôch yua kơ bơ̆n. Thoi noh bơ̆n athei ăn akâu bơ̆n kơdih lôch yua kơ 'nhŏng oh bơ̆n mơ̆n.