Rom 5:20 - Sơ̆p Hlabơar Nơ̆r 'Bok Kei-Dei

²⁰ 'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

Rom 5:20 Iomraidhean Croise

Horiso 25:11

Yua kơ anăn Ih, Ơ Kră Yang, Mơnat ăn tơdrong yoch kơnê̆ inh, mă khan yoch noh tih dêh.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êsêkiên 16:52

Ih jing pŭ iŏk tơdrong mơlâu yua kơ ih pơm kơ đe mŏ oh ih nhen thoi lu sư tơpăt, yua kơ tơdrong yoch ih pơm kơnê̆ hloh kơ lu sư, đe lăng lu sư tơpăt hloh kơ ih. Thoi noh ih pŭ iŏk bĕ tơdrong mơlâu, yua kơ ih pơm kơ đe mŏ oh ih nhen thoi lu sư jing tơpăt hloh kơ ih.

Jo 21:9

Thoi ei, Môis pơm minh dăng rup 'bih tang hling hăm kong, na tơ'băk tơ tơ̆r 'long gơgiĕr; bơngai bu mă 'bih choh sư boih, sư lăng tơ 'bih kong noh lei sư arih.

Mathiơ 20:9

Bơngai kai apah lu bơngai jang đơ̆ng pơđăm jơ, rim 'nu kơ lu sư minh hlak jên.

Mathiơ 9:13

Lăm sơ̆p hla bơar 'Bok Kei-Dei khan sơ̆ thoi âu: ‘Tơdrong iĕm soi sơmah kơ Inh ưh kơ kăl ôh, Inh wă kơ iĕm 'mêm mơnat dih băl, noh kăl hloh kơ tơdrong iĕm soi sơmah kơ Inh.’ Na iĕm tơchĕng lăng tơdrong 'noh bĕ, wă kơ iĕm băt 'mêm mơnat kơ đĭ-đăng bơngai. Inh jur tơ âu ưh kơ sĭ chă wơ̆n lu bơngai 'lơ̆ng ôh. Inh năm tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Luka 7:47

Thoi noh na Inh khan kơ ih tơpă, dôm tơdrong yoch sư lơ ră, mă-lei Inh mơnat ăn boih. Thoi noh na sư 'mêm kơ Inh tơpă. Mă-lei bơngai bu ưh kơ gan wă apinh Inh pơklaih tơdrong yoch sư, bơngai noh ưh kơ gan 'mêm kơ Inh dêh ôh.”

Yo 10:10

Bơngai chă tơtông truh, sư wă tơtông iŏk đĕch păng wă pơrăm đĕch. Mă-lei inh truh tơ âu wă ăn kơ triu arih păng hiôk chơt tơpă.

Yo 15:22

“Dah Inh ưh kơ năm bơtho lu sư lei lu sư ưh kơ hil kơ Inh ôh. Mă-lei dang ei lu sư hil kơ Inh păng kuă kơ lui kơ tơdrong Inh bơtho na lu sư chă tơdrong yoch tơpă.

Rom 4:15

Dôm lu bơngai mă gơnang kơ akâu sư kơdih wă kiơ̆ tơdrong juăt 'Bok Kei-Dei pơkă sơ̆, lu sư trŏ kơ 'Bok Kei-Dei wă phak, yua kơ lu sư ưh kơ kĕ kiơ̆ tơdrong juăt 'Bok Kei-Dei pơkă. Tơ̆ng ưh kơ đei tơdrong juăt, bơ̆n ưh kơ băt pơm yoch kơ tơdrong juăt ôh.

Rom 6:1

Bơ̆n đei tơdrong yoch tih, mă-lei đei 'Bok Kei-Dei 'mêm kơ bơ̆n rai dêh. Mă-lei bơ̆n 'nĕ tơchĕng khan, lê̆ bơ̆n pơm yoch khŏm khŏm kư̆m bưh wă kơ 'Bok Kei-Dei 'mêm kơ bơ̆n rai hloh kơ noh, ưh ôh hŏ.

Rom 6:14

Bơngai bu oei gơnang kơ akâu sư kơdih kiơ̆ tơdrong juăt 'Bok Kei-Dei pơkă ưh kơ kĕ ôh, lei bơngai 'noh sư oei pơm yoch hơnơ̆ng; bơ̆n athei gơnang kơ tơdrong Yêsu lôch tang bơ̆n păng tơgŭm bơ̆n, na bơ̆n huay pă pơm yoch.