Rom 5:19 - Sơ̆p Hlabơar Nơ̆r 'Bok Kei-Dei

¹⁹ 'Bok Kei-Dei jô̆ đĭ-đăng bơngai yoch yua kơ đơ̆ng minh 'nu 'bok Ađam sơ̆, sư ưh kơ chu kơ nơ̆r 'Bok Kei-Dei. Dang ei 'Bok Kei-Dei jô̆ đei lơ bơngai 'lơ̆ng, yua kơ đơ̆ng Yêsu Krist Sư chu kơ nơ̆r 'Bok Kei-Dei.

Rom 5:19 Iomraidhean Croise

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Rom 11:32

'Bok Kei-Dei jô̆ đĭ-đăng bơngai yoch ngăl, na Sư 'mêm Sư wă tơgŭm đĭ rim khŭl kon bơngai.

Rom 5:12

Yua kơ minh 'nu bơngai đĕch, đĭ-đăng bơngai jing yoch. Yua kơ đơ̆ng sư pơm yoch na sư lôch. Thoi noh đĭ-đăng kon bơngai gô lôch ngăl yua kơ đĭ-đăng kon bơngai pơm yoch ngăl boih.

Rom 5:15

Tơdrong yoch hăm tơdrong 'Bok Kei-Dei 'mêm mơnat, sư phara. Tơdrong yoch, yua kơ minh 'nu bơngai pơm yoch na đĭ-đăng bơngai jing lôch. Na tơdrong 'Bok Kei-Dei 'mêm mơnat, yua kơ minh 'nu Yêsu Krist lôch tang đĭ-đăng kon bơngai na kon bơngai gô iung arih.

Rom 5:18

Yua kơ minh 'nu bơngai yoch na 'Bok Kei-Dei jô̆ đĭ-đăng bơngai yoch; na dang ei kư̆m lei-lăi thoi noh mơ̆n, đei minh 'nu bơngai pơm 'lơ̆ng boih na 'Bok Kei-Dei ăn kơ đĭ-đăng kon bơngai bơ̆n jing bơngai rơngei wă kơ bơ̆n arih ling-lang.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

Philip 2:8

Akâu akar Sư lei-lăi thoi kon bơngai, păng Sư iŏk đon ala, chu 'Bok Kei-Dei ling-lang truh tơ Sư lôch, mă lôch pơmat tơ 'long pơglang tăm.