Rom 4:3 - Sơ̆p Hlabơar Nơ̆r 'Bok Kei-Dei

³ 'Bok Kei-Dei lăp đon yua kơ minh tơdrong sư lui đĕch. Bơ̆n băt tơdrong noh yua kơ sơ̆p hla bơar 'Bok Kei-Dei khan thoi âu: “Abraham đei đon lui păng gơnang kơ 'Bok Kei-Dei, na 'Bok Kei-Dei jô̆ sư bơngai 'lơ̆ng tơpăt.”

Rom 4:3 Iomraidhean Croise

Bl 15:6

Abram lui tơpă kơ Kră Yang, na Kră Yang jô̆ sư bơngai tơpăt.

Horiso 106:31

Lăm đĭ jơhnơr jô̆ sư bơngai 'lơ̆ng tơpăt, dĭng truh tơ ning-mônh hloi.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Mathiơ 20:9

Bơngai kai apah lu bơngai jang đơ̆ng pơđăm jơ, rim 'nu kơ lu sư minh hlak jên.

Markôs 12:10

Mă tơdrong 'noh kư̆m thoi iĕm đŏk boih đe chih lăm sơ̆p hla bơar tơdrong 'Bok Kei-Dei thoi âu: ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man pơklop sư 'bơ̆t mum hnam.

Rom 10:11

Hla bơar 'Bok Kei-Dei roi gah tơdrong 'Bok Krist thoi âu: “Bu lui kơ Sư, bơngai noh huay kơ hli minh tơdrong kiơ ôh.”

Rom 11:2

'Bok Kei-Dei ưh kơ hŭt ôh lu bơngai Isơrael, yua kơ Sư rơih iŏk đơ̆ng sơ̆ boih. Iĕm kư̆m băt mơ̆n tơdrong Êli chih roi lăm hla bơar 'Bok Kei-Dei kơplah sư hil kơ lu bơngai Isơrael sơ̆.

Rom 4:11

'Bok Kei-Dei athei Abraham kăt tơdra akar sơ̆, wă kơ tơbăt tơdra tơdrong 'Bok Kei-Dei jô̆ sư bơngai 'lơ̆ng tơpăt yua kơ sư lui păng gơnang kơ 'Bok Kei-Dei tơpă. 'Bok Kei-Dei athei Abraham pơm thoi noh wă kơ Abraham pơm 'bă kơ 'bar khŭl bơngai. Khŭl mă mônh lu bơngai ưh kơ kăt tơdra akar, mă-lei 'Bok Kei-Dei kư̆m jô̆ sư bơngai 'lơ̆ng tơpăt yua kơ lu sư lui păng gơnang kơ 'Bok Kei-Dei tơpă.

Rom 4:5

Bơ̆n bơngai yoch mă-lei dah bơ̆n lui păng gơnang kơ Sư tơpă, Sư kư̆m jô̆ bơ̆n bơngai 'lơ̆ng tơpăt. Mă-lei noh ưh kơ sĭ Sư apah yua kơ bơ̆n kiơ̆ dôm tơdrong juăt Sư pơkă ôh, Sư mơnat yua kơ bơ̆n lui păng gơnang kơ Sư.

Rom 4:9

Tơdrong pŭn noh ưh kơ sĭ Sư ăn pôm lu bơngai kăt tơdra akar đĕch ôh, Sư ăn kơ lu bơngai mă ưh kơ kăt tơdra akar hai mơ̆n, thoi bơ̆n băt boih 'Bok Kei-Dei jô̆ Abraham bơngai 'lơ̆ng tơpăt yua kơ minh tơdrong sư lui đĕch.

Rom 9:17

Tơdrong noh thoi lăm sơ̆p hla bơar 'Bok Kei-Dei pơma kơ 'bok Pharôn pơtao đe Êyiptơ sơ̆ thoi âu: “Inh ăn kơ ih pơm pơtao arăng kơ̆l tôm tơdrong ưh kơ chu kơ Inh. Na mơsêh mơyang Inh blah ih, wă kơ kon bơngai ư-ang Inh jơ̆p kơ teh đak.”

Ya 2:23

Na tơdrong noh trŏ thoi lăm sơ̆p hla bơar 'Bok Kei-Dei đei khan thoi âu: “Abraham đei đon lui păng gơnang kơ 'Bok Kei-Dei na 'Bok Kei-Dei jô̆ sư bơngai 'lơ̆ng tơpăt. Păng 'Bok Kei-Dei krao Abraham bôl juăt Sư.”

Ya 4:5

Na tơdrong noh kư̆m thoi sơ̆p hla bơar 'Bok Kei-Dei khan: “'Bok Kei-Dei ăn Yang Bơhngol 'Lơ̆ng Sư oei lăm bơ̆n wei-lăng bơ̆n tơnăp dêh, wă kơ đe huay kơ tơgar iŏk bơ̆n.”