Rom 4:2 - Sơ̆p Hlabơar Nơ̆r 'Bok Kei-Dei

² Lu bơngai Juđê juăt kơ ư-ang Abraham, khan Abraham kĕ kiơ̆ tôm tơdrong juăt 'Bok Kei-Dei pơkă, na 'Bok Kei-Dei lăp đon kơ sư. Mă-lei 'Bok Kei-Dei ưh kơ tơchĕng thoi noh ôh.

Rom 4:2 Iomraidhean Croise

Bl 12:18

Pharaôn năm krao Abram na apinh Abram thoi âu: “Ih pơm kiơ kơ inh thoi noh? Liơ ih ưh kơ roi kơ inh bơngai drŏ-kăn noh akăn ih?

Bl 12:20

Na Pharaôn khan pơkă kơ lu linh sư, ba klo kăn Abram hăm đĭ-đăng mŭk tơmam sư năm tơ nai.

Êsêkiên 8:9

Sư khan kơ inh: “Mơ̆t lăng bĕ lu tơdrong kơnê̆ krưp mă lu sư đei pơm tơ âu.”

Rom 15:17

Tơdrong noh yua kơ Yêsu Krist tơgŭm inh bơtho, na đei lơ bơngai tơpă lui kơ Sư, na dang ei inh hiôk dêh đơ̆ng Sư pơchĕp kơ inh jang tơdrong 'Bok Kei-Dei âu.

I Kor 1:29

Thoi noh na ưh kơ đei bu gơh pơang akâu sư 'bơ̆t anăp 'Bok Kei-Dei.

I Kor 1:31

Thoi noh mơ̆n, lăm sơ̆p hla bơar 'Bok Kei-Dei đe chih thoi âu sơ̆: “Bơ̆n 'nĕ pă pơang akâu kơdih, bơ̆n athei pơang anăn Kră Yang đĕch.”

I Kor 4:7

Bu pôk ih pơm tih hloh kơ đe? 'Bok Kei-Dei ăn kơ ih tôm tĕch tôm-tơ̆l tôm tơdrong ih gĭt ih wă, mă-lei ih oei pơang akâu kơdih thoi noh na ih kư̆m dang lĕ khan dôm tơdrong ih đei noh ih đei kơdih ngăl.

I Kor 9:16

Ưh kơ sĭ inh wă kơ đe ư-ang kơ inh chă bơtho tơdrong 'nao 'lơ̆ng Sư ôh. Inh bơtho tơdrong 'nao 'lơ̆ng Sư yua kơ đơ̆ng Sư wơh inh. Dah inh ưh kơ chu chă bơtho tơdrong 'nao 'lơ̆ng Sư, inh đei tơdrong pơmat-tat dêh.

II Kor 11:12

Lu bơngai noh wă kơ nhôn iŏk sa jên iĕm thoi lu sư, wă kơ lu sư gơh pơang khan lu sư jang lei-lăi thoi nhôn, mă-lei nhôn ưh kơ đei layơ wă iŏk sa jên iĕm ôh.

II Kor 11:30

'Bơ̆r inh dang pơang akâu kơdih mă inh pơang akâu inh bơngai tơrăn đe pơmat.

II Kor 5:12

Nhôn pơma thoi noh ưh kơ sĭ nhôn wă pơang kơ iĕm ôh, nhôn pơma wă kơ iĕm hiôk 'bôh nhôn pơm trŏ. Thoi noh na mưh đe jô̆ kơ nhôn khan bơngai pơang, iĕm gơh tơl tơwih kơ lu sư, lu sư wih trŏ kơ bơngai pơang dơ̆ng, yua kơ dôm tơdrong lu sư pơma pơang 'bơ̆t anăp đe ngăl, ưh kơ đei tơpăt ôh.

Galati 3:22

Sơ̆p hla bơar 'Bok Kei-Dei jô̆ đĭ-đăng kon bơngai bơ̆n pơm yoch, ưh kơ chu kiơ̆ tơdrong juăt Sư, trŏ kơ Sư wă phak tơpă ning-mônh. 'Bok Kei-Dei pơma jô̆ bơ̆n thoi noh, Sư kuă ăn bơ̆n tơchĕng kiơ̆ tơdrong akâu bơ̆n kơdih. Sư wă kơ bơ̆n tơchĕng gơnang kơ Kon Sư đĕch. Dôm lu bơngai lui kơ Kon Sư Yêsu Krist, 'Bok Kei-Dei wă ăn kơ lu sư arih ling-lang hăm Sư, kư̆m thoi Sư pơkă kơ Abraham sơ̆.

Êphêsô 2:9

Yua kơ thoi noh na bơ̆n 'nĕ kơ pơang kơ đe khan bơ̆n kĕ kiơ̆ tôm tơdrong juăt na bơ̆n klaih.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

Jôsuê 24:2

Jôsuê khan hăm đĭ-đăng kon pơlei: “Kră Yang 'Bok Kei-Dei Isơrael đei khan: ‘'Bok iĕm sơ̆ noh Tharê 'bă kơ Abraham păng Nakô, oei gah to Krong Tih păng bơ̆jang kơkuh kơ lu yang nai.