Rom 4:18 - Sơ̆p Hlabơar Nơ̆r 'Bok Kei-Dei

^18-19 'Bok Kei-Dei pơkă wă ăn kơ sư pơm 'bă kơ đĭ-đăng teh đak păng khan kơ sư, kon sâu sư ning-mônh lơ thoi lĕ sơnglŏng tơ plĕnh. Kơplah noh sơ̆ Abraham sư đei minh-hrĕng sơnăm boih, mă-lei sư ưh tam mă đei kon ôh. Sư kră pă kĕ boih, akâu sư dang lĕ kơ lôch. Gah akăn sư yă Sara kư̆m kră mơ̆n păng sư akâu pôm tăm, thoi yơ 'Bok Kei-Dei pơkă kơ sư khan pơm 'bă kơ đĭ-đăng teh đak? Tơdrong noh, tơ̆ng bơ̆n, ưh kơ gan wă lui ôh. Mă-lei sư lui kơ nơ̆r 'Bok Kei-Dei pơkă kơ sư noh, sư ưh kơ hiơt ôh dôm tơdrong 'Bok Kei-Dei pơkă.

Rom 4:18 Iomraidhean Croise

Tơdrông Pơđơk 13:12

Tơdrong chang gô hiơ̆ kơ đei lei pơm kơ jơhngơ̆m jĭ; Bĭ tơdrong hơpơi đei hloi thoi tơnơm 'long tơdrong arih.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Luka 1:18

Na Sachari jet linh jang 'lơ̆ng ei: “Lơliơ inh gơh băt tơdrong noh gơh sĭt yua kơ inh kră tơpă boih păng ŭnh om inh kư̆m kră mơ̆n?”

Jang 27:25

Na iĕm 'nĕ pă hli yua kơ inh lui kơ 'Bok Kei-Dei gô pơm kiơ̆ kơ linh jang 'lơ̆ng khan.

Rom 4:17

Yua kơ lăm sơ̆p hla bơar 'Bok Kei-Dei khan sơ̆ thoi âu: “Inh gô ăn kơ ih pơm 'bă kơ đĭ-đăng teh đak.” 'Bok Kei-Dei khan thoi noh na Abraham lui kơ nơ̆r 'Bok Kei-Dei, sư băt kơ 'Bok Kei-Dei gơh ăn kơ bơngai lôch gơh iung arih păng gơh pơjing tôm tơdrong hăm nơ̆r Sư pơma đĕch.

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Rom 8:24

Thoi noh bơ̆n chang gô wă kơ jing kon Sư gơh tơplih jing akâu 'nao ning-mônh. Mă-lei dah tơdrong bơ̆n mă 'bôh boih păng băt boih bơ̆n ưh kơ kăl kơ chang gô ôh.

Hêbrơ 6:19

Tơdrong bơ̆n chang gô noh, thoi lĕ kơ bơ̆n chĕp khêl pĕng akâu bơ̆n, yua kơ bơ̆n gơnang kơ 'Bok Kei-Dei mă oei tơ plĕnh ti.