Rom 4:14 - Sơ̆p Hlabơar Nơ̆r 'Bok Kei-Dei

¹⁴ Tơdrong pơgơ̆r teh đak, tơ̆ng 'Bok Kei-Dei ăn kơ lu bơngai mă gơnang kơ akâu sư kơdih wă kiơ̆ tơdrong juăt Sư, lei dang 'Bok Kei-Dei pơkă ưh kơ 'blep kơ tơdrong Sư pơkă khan wă ăn kơ lu bơngai mă lui păng gơnang kơ Sư.

Rom 4:14 Iomraidhean Croise

Horiso 119:126

Truh boih kơ jơ Kră Yang wă pơm. Yua kơ đei bơngai pơm pơhloh kơ tơdrong juăt Ih

Êsai 55:11

Na kư̆m lei-lăi thoi noh, nơ̆r Inh pơma, lĕch đơ̆ng 'bơ̆r inh bơih, ưh kơ đei tôch đĕch ôh; sĭt gô pơm tơdrong Inh wă. Păng pơkeh tơdrong jang Inh wơh sư.

Je 19:7

Lăm anih âu Inh gô tơhiong lê̆ dôm tơdrong lu bơngai Juđa hăm lu bơngai pơlei Jêrusalem chă đon wă pơm. Inh gô ăn kơ kon pơlei lu sư lôch kơ đao 'bơ̆t anăp lu bơngai ayăt kơ lu sư đơ̆ng ti lu bơngai 'maih pơrăm tơdrong arih lu sư; Inh gô jao ăn kơ kon sem bri sem păr sa akâu lôch lu sư.

Jo 30:12

Tơdah klo sư băt boih, lei dôm tơdrong đêl sư pơkă păng tơdrong đêl sư pơkăm noh kư̆m huay pă đei jô̆ boih; lei na dôm tơdrong đêl sư pơkă pơkăm Kră Yang kư̆m mơnat ăn huay pă jô̆ yo kơ tơdrong noh.

Jo 30:15

Tơdah klo sư băt mă-lei gô đunh boih na khan, lei klo sư gô pŭ iŏk tơdrong yoch akăn sư.

Rom 3:31

Thoi noh boih, mă-lei bơ̆n hăm wă hŭt lê̆ tơdrong juăt 'Bok Kei-Dei pơkă sơ̆? Ưh ôh, bơ̆n kư̆m oei kiơ̆ mơ̆n, bơ̆n lui kơ Yêsu 'mơ̆i na bơ̆n kĕ kiơ̆ tơdrong juăt Sư pơkă noh.

Rom 4:16

'Bok Kei-Dei pơkă khan wă ăn kơ lu kon sâu Abraham pơgơ̆r jơ̆p kơ teh đak. Tơdrong Sư pơkă noh, Sư wă ăn kơ bơngai bu mă lui kơ Sư; yua kơ Sư mơnat, na Sư ăn. Lu bơngai Juđê mă adrin kiơ̆ tơdrong juăt Sư pơkă, wă khan lu bơngai mă gơnang kơ Sư hăm đĭ jơhngơ̆m, lu bơngai noh Sư ăn. Mă-lei ưh kơ sĭ Sư ăn pôm lu đe noh đĕch ôh. Sư ăn kơ đĭ-đăng hăm lu bơngai tơmoi hai, wă khan lu bơngai mă lui 'blep trŏ thoi 'bok bơ̆n Abraham sơ̆. Thoi noh na Abraham boih pơm 'bok kơdră 'bă tơm đĭ-đăng kơ lu bơ̆n sơ̆.

I Kor 1:13

Lu bơngai lui kơ Yêsu Krist wă tơklah jing lơ khŭl boih hă? Pôl dah bu lôch tang iĕm tơ 'long pơglang 'noh? Đe iŏk 'batem hăm anăn inh mơ̆n dah kiơ? Ưh ôh.

Galati 2:21

Dah 'Bok Kei-Dei jô̆ bơ̆n bơngai 'lơ̆ng tơpăt hăm Sư yua kơ bơ̆n lui kiơ̆ tơdrong juăt Môis đĕch, lei Yêsu Krist lôch tang bơ̆n tơ 'long pơglang noh ưh kơ yua kiơ ôh kơ bơ̆n. Gah inh, inh băt tơpă 'Bok Kei-Dei jô̆ inh bơngai 'lơ̆ng tơpăt hăm Sư yua kơ Kon Sư lôch tang yua kơ tơdrong yoch inh.

Galati 5:4

Bơngai bu gơnang kơ akâu sư kơdih wă pơm kiơ̆ tơdrong juăt Môis, khan 'Bok Kei-Dei jô̆ sư bơngai 'lơ̆ng tơpăt hăm Sư, bơngai mă tơchĕng thoi noh, sư wă achăng lê̆ Kră Yang Yêsu Krist boih păng 'Bok Kei-Dei ưh kơ jô̆ kơ sư bơngai 'lơ̆ng tơpăt hăm Sư ôh.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

Hêbrơ 7:19

Tơ̆ng kon bơngai kiơ̆ tơdrong juăt noh sơ̆, kon bơngai ưh kơ gơh pơm 'lơ̆ng tơpăt hăm 'Bok Kei-Dei ôh. Mă-lei dang ei bơ̆n jing bơngai 'lơ̆ng tơpăt boih, yua kơ 'bok soi 'nao noh, Sư soi akâu Sư kơ 'Bok Kei-Dei. Na dang ei bơ̆n pơ̆n năm jê̆ 'Bok Kei-Dei boih.

Hêbrơ 7:28

Tơdrong juăt sơ̆ 'Bok Kei-Dei pôk kon bơngai pơm 'bok soi tih, pôk tă kơ lu kon bơngai bơ̆n rơdu tơrăn ngăl. Mă-lei đơ̆ng rŏng kơ 'Bok Kei-Dei ăn tơdrong juăt noh, 'Bok Kei-Dei pơkă kơjăp tơpă pôk Kon Sư kơdih pơm 'bok soi hloi, Kon Sư pơm tôm tơdrong 'blep trŏ ling-lang.