Rom 4:13 - Sơ̆p Hlabơar Nơ̆r 'Bok Kei-Dei

¹³ Sơ̆ 'Bok Kei-Dei pơkă khan wă ăn kơ Abraham păng lu kon sâu sư pơgơ̆r jơ̆p kơ teh đak. 'Bok Kei-Dei pơkă kơ Abraham thoi noh sơ̆ yua kơ Abraham lui păng gơnang kơ 'Bok Kei-Dei tơpă, na 'Bok Kei-Dei jô̆ sư bơngai 'lơ̆ng tơpăt; ưh kơ sĭ yua kơ Abraham kĕ kiơ̆ tôm tơdrong juăt Sư pơkă ôh.

Rom 4:13 Iomraidhean Croise

Bl 12:3

Inh gô ăn pŭn hiôk kơ bu mă sơkat kơ ih pŭn hiôk. Inh gô hiap pơtê̆ bơngai bu mă hiap pơtê̆ ih; păng đĭ-đăng adrĕch adrung kon bơngai kơpal teh âu gô đei pŭn hiôk đơ̆ng ih.”

Bl 17:16

Inh gô ăn pŭn hiôk kơ sư, đơ̆ng sư Inh gô ăn kơ ih minh 'nu kon drŏ-nglo. Inh ăn kơ sư đei pŭn hiôk, sư gô pơm mĕ kơ lơ adrĕch adrung; wă kơ đơ̆ng sư jing đei lơ dêh char păng dôm lu pơtao gô lĕch đơ̆ng sư.”

Bl 28:14

Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Horiso 2:8

Apinh bĕ Inh, Inh gô ăn kơ ih lu teh đak jing teh ih jang sa. Păng jơ̆p-jang kơ teh jing tơmam ih

Horiso 72:11

Đĭ-đăng pơtao gô drap kơkuh 'bơ̆t anăp sư; Rim teh đak gô bơ̆jang kơ sư.

Jang 13:32

Nhi năm tơ âu wă bơtho ăn kơ iĕm Tơdrong 'Nao 'Lơ̆ng. Tơdrong 'Bok Kei-Dei pơkă kơ lu kơdră bơ̆n sơ̆ khan wă ăn Kon Sư pơgơ̆r bơ̆n, dang ei Sư ăn kơ lu bơ̆n kon sâu lu sư 'bôh tơdrong noh boih. Truh boih tơdrong noh yua kơ Sư tơiung arih Yêsu đơ̆ng lôch. 'Noh thoi đe chih lăm sơ̆p hla bơar Tơdrong Hơriso, Tơdrong Hơri mă 'bar: 'Bok Kei-Dei khan: ‘Ih boih Kon Inh, đơ̆ng năr âu Inh wă ăn kơ Ih pơgơ̆r.’

Rom 4:12

Khŭl mă 'bar wă khan lu bơngai mă kăt tơdra akar, 'Bok Kei-Dei jô̆ lu sư bơngai 'lơ̆ng tơpăt mơ̆n, yua kơ lu sư lui kơjăp thoi 'bok Abraham bơ̆n lui adrol kơ sư kăt tơdra akar sơ̆.

Rom 9:8

Yua kơ thoi noh na bơ̆n băt đĭ-đăng bơngai Isơrael ưh kơ jing kon 'Bok Kei-Dei ngăl ôh, pôm lu bơngai mă lĕch đơ̆ng adrĕch 'Bok Kei-Dei anăn đĕch jing kon 'Bok Kei-Dei.

Galati 3:29

Dah bơ̆n pôm đon hăm Yêsu Krist, lei lu bơ̆n dang kon sâu Abraham tơpă, na 'Bok Kei-Dei gô tơgŭm bơ̆n dôm tơdrong 'lơ̆ng thoi Sư pơkă kơ Abraham sơ̆.

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

Hêbrơ 7:6

Mă Mêlkisêdek sư ưh kơ trŏ kơ kon sâu 'bok Lêwi ôh, mă-lei sư kư̆m gơh iŏk tơmam minh lơ̆m mơjĭt đơ̆ng Abraham. Na sư krao khan apinh 'Bok Kei-Dei tơgŭm Abraham bơngai mă 'Bok Kei-Dei pơkă wă tơgŭm.