Rom 4:12 - Sơ̆p Hlabơar Nơ̆r 'Bok Kei-Dei

¹² Khŭl mă 'bar wă khan lu bơngai mă kăt tơdra akar, 'Bok Kei-Dei jô̆ lu sư bơngai 'lơ̆ng tơpăt mơ̆n, yua kơ lu sư lui kơjăp thoi 'bok Abraham bơ̆n lui adrol kơ sư kăt tơdra akar sơ̆.

Rom 4:12 Iomraidhean Croise

Jop 33:11

Kră Yang hơnuh lê̆ jơ̆ng inh. Răp lăng rim trong inh yak.’

Horiso 47:9

Yang pơgơ̆r jơ̆p kơ teh đak gô akŭm băl. Pơm kon pơlei pơla Kră Yang Kei-Dei, 'Bok Abraham. Yua kơ khŭl pơtaod lăm teh đak âu tă gah Kră Yang 'Bok Kei-Dei ngăl. Pôk pơư kơ sư yŏng Tih Hloh.

Tơdrông Pơđơk 2:20

Lei na ih athei yak kiơ̆ trong lu bơngai 'lơ̆ng, Păng wei kiơ̆ trong lu bơngai tơpăt.

Hơri Hiôk 1:8

Ơ bơngai 'lơ̆ng hloh kơ đĭ-đăng lăm đe adruh, Tơdah ih ưh kơ băt ih athei 'moi bĕ đêl jơ̆ng triu, Păng wei kon bơbe ih 'bơ̆t cheng anih đe wei triu.

Êsêkiên 33:24

“Ơ kon bơngai, lu bơngai oei lăm char Isơrael juơ tơtŭng âu đei pơma: 'Bok nhôn Abraham lăp minh 'nu sư đei iŏk char 'nâu, mă-lei lu bơ̆n bơngai lơ, sĭt bơ̆n gô iŏk teh char âu wă jang sa.

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Rom 4:11

'Bok Kei-Dei athei Abraham kăt tơdra akar sơ̆, wă kơ tơbăt tơdra tơdrong 'Bok Kei-Dei jô̆ sư bơngai 'lơ̆ng tơpăt yua kơ sư lui păng gơnang kơ 'Bok Kei-Dei tơpă. 'Bok Kei-Dei athei Abraham pơm thoi noh wă kơ Abraham pơm 'bă kơ 'bar khŭl bơngai. Khŭl mă mônh lu bơngai ưh kơ kăt tơdra akar, mă-lei 'Bok Kei-Dei kư̆m jô̆ sư bơngai 'lơ̆ng tơpăt yua kơ lu sư lui păng gơnang kơ 'Bok Kei-Dei tơpă.

Rom 4:13

Sơ̆ 'Bok Kei-Dei pơkă khan wă ăn kơ Abraham păng lu kon sâu sư pơgơ̆r jơ̆p kơ teh đak. 'Bok Kei-Dei pơkă kơ Abraham thoi noh sơ̆ yua kơ Abraham lui păng gơnang kơ 'Bok Kei-Dei tơpă, na 'Bok Kei-Dei jô̆ sư bơngai 'lơ̆ng tơpăt; ưh kơ sĭ yua kơ Abraham kĕ kiơ̆ tôm tơdrong juăt Sư pơkă ôh.

II Kor 12:18

Inh wơh Tĭt hăm minh 'nu 'nhŏng oh bơ̆n năm tơ iĕm ki, Tĭt hăm đei pơhlŭ iŏk tơmam iĕm? Ưh ôh, yua kơ nhi bơ̆jang minh jơhngơ̆m minh đon hơdai.

I Pet 2:21

'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.