Rom 4:1 - Sơ̆p Hlabơar Nơ̆r 'Bok Kei-Dei

¹ Bĭ gah tơdrong Abraham sơ̆, 'bok tơm lu bơ̆n bơngai Juđê, bơ̆n tơchĕng tơdrong sư thoi yơ?

Rom 4:1 Iomraidhean Croise

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Luka 3:8

Iĕm athei tŭk lê̆ đĭ dôm tơdrong kơnê̆ na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih. Iĕm 'nĕ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei Sư gơh pơm kơ tơmo âu jing kon sâu Abraham lei-lăi thoi iĕm mơ̆n.

Yo 8:33

Na lu bơngai kiơ̆ ei khan kơ Yêsu: “Nhôn kon sâu Abraham. Nhôn ưh kơ lah đĭch đe. Lơliơ Ih khan: ‘Iĕm gô rơngei’?”

Yo 8:53

Ih hăm tih hloh kơ 'bok kơdră bơ̆n Abraham? Sư lôch boih, lu bơngai pơtruh nơ̆r 'Bok Kei-Dei sơ̆ kư̆m lôch boih. Na dang ei đe pôk Ih pơm kiơ boih?”

Yo 8:56

'Bă iĕm Abraham hiôk chơt kơlih kơ sư băt sư gô 'bôh năr Inh truh. Sư 'bôh boih na sư hiôk chơt tơpă.”

Jang 13:26

“Ơ lu 'nhŏng oh adrĕch adrung kon sâu Abraham păng lu bơngai tơmoi năm kơkuh kơ 'Bok Kei-Dei, Kră Yang 'Bok Kei-Dei ăn kơ bơ̆n dang ei tơdrong dŏng pơklaih.

Rom 1:3

Tơdrong 'nao 'lơ̆ng noh roi gah Kon Sư Yêsu Krist mă pơm Yŏng bơ̆n. Yêsu Krist jur jing kon bơngai Sư lĕch đơ̆ng adrĕch pơtao Đawit sơ̆.

Rom 3:5

Bơ̆n 'bôh tôm tơdrong 'Bok Kei-Dei pơm 'lơ̆ng tơpăt ngăl boih, na bơ̆n 'nĕ tơchĕng khan, bơ̆n pơm kơnê̆ kư̆m bưh, wă kơ đe kơnăl kơ 'Bok Kei-Dei pơm 'lơ̆ng tơpăt păng wă kơ đe kơnăl kơ 'Bok Kei-Dei Sư ưh kơ pơm kơnê̆ thoi kon bơngai. Bơ̆n pơm kơnê̆ noh na đe gô ư-ang kơ 'Bok Kei-Dei rai tih, na dah 'Bok Kei-Dei wă phak bơ̆n ning-mônh noh Sư wă hơlĕnh đĕch yua kơ bơ̆n dang ư-ang anăn Sư kơ đe boih. Bơ̆n 'nĕ tơchĕng tơdrong noh khan trŏ, ưh ôh hŏ. Kon bơngai bơ̆n đĕch tơchĕng khan trŏ.

Rom 4:16

'Bok Kei-Dei pơkă khan wă ăn kơ lu kon sâu Abraham pơgơ̆r jơ̆p kơ teh đak. Tơdrong Sư pơkă noh, Sư wă ăn kơ bơngai bu mă lui kơ Sư; yua kơ Sư mơnat, na Sư ăn. Lu bơngai Juđê mă adrin kiơ̆ tơdrong juăt Sư pơkă, wă khan lu bơngai mă gơnang kơ Sư hăm đĭ jơhngơ̆m, lu bơngai noh Sư ăn. Mă-lei ưh kơ sĭ Sư ăn pôm lu đe noh đĕch ôh. Sư ăn kơ đĭ-đăng hăm lu bơngai tơmoi hai, wă khan lu bơngai mă lui 'blep trŏ thoi 'bok bơ̆n Abraham sơ̆. Thoi noh na Abraham boih pơm 'bok kơdră 'bă tơm đĭ-đăng kơ lu bơ̆n sơ̆.

Rom 6:1

Bơ̆n đei tơdrong yoch tih, mă-lei đei 'Bok Kei-Dei 'mêm kơ bơ̆n rai dêh. Mă-lei bơ̆n 'nĕ tơchĕng khan, lê̆ bơ̆n pơm yoch khŏm khŏm kư̆m bưh wă kơ 'Bok Kei-Dei 'mêm kơ bơ̆n rai hloh kơ noh, ưh ôh hŏ.

Rom 7:7

Mă-lei iĕm 'nĕ tơchĕng khan inh jô̆ kơ tơdrong juăt 'Bok Kei-Dei pơkă ưh kơ 'lơ̆ng, ưh ôh hŏ. Tơdrong juăt 'Bok Kei-Dei pơkă 'lơ̆ng tơpă. Sư tơbăt ăn kơ bơ̆n đei tơdrong yoch. Tơ̆ng bơ̆n ưh kơ đei tơdrong juăt 'Bok Kei-Dei pơkă, lei bơ̆n ưh kơ băt bơ̆n đei tơdrong yoch ôh. Pơtih gia kơ akâu inh kơdih thoi âu: Sơ̆ inh ưh kơ băt kơ tơdrong juăt 'Bok Kei-Dei khă kuă ăn bơ̆n 'nhĕng mŭk tơmam đe, mưh 'nhĕng jing yoch tơpă; na inh ưh kơ băt kơ tơdrong 'nhĕng noh yoch.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

II Kor 11:22

Lu bơngai noh bơngai Hêbrơ hă? Inh kư̆m bơngai Hêbrơ. Lu bơngai noh bơngai Isơrael hă? Inh kư̆m bơngai Isơrael. Lu sư kon sâu Abraham hă? Inh kư̆m kon sâu 'bok noh.

Hêbrơ 12:9

Mĕ 'bă pơjing bơ̆n tơ teh âu, sư kư̆m bơtho pơjĭ bơ̆n na bơ̆n băt chu yom kơ sư. Na 'nei 'Bă Tơm tơdrong arih bơhngol bơ̆n; bơ̆n athei chu yom kơ Sư rai loi, na bơ̆n gơh arih ling-lang.