Rom 3:9 - Sơ̆p Hlabơar Nơ̆r 'Bok Kei-Dei

⁹ Bơ̆n 'nĕ pơang lu bơngai Juđê bơ̆n, khan bơ̆n bơngai ưh kơ yoch thoi lu bơngai nai. Yua kơ inh khan boih, đĭ-đăng kon bơngai yoch ngăl, na mă bơngai Juđê, mă bơngai khŭl nai.

Rom 3:9 Iomraidhean Croise

Tơdrông Pơđơk 20:9

Bu pơ̆n khan: Inh wei-lăng jơhngơ̆m inh rơgoh, Inh rơgoh pă đei yoch boih?

Êsai 65:5

Lu sư khan: “Dơ̆ng mă ataih, 'nĕ năm jê̆ inh, yua kơ inh rơgoh hloh kơ lu iĕm.” Lu bơngai 'nâu thoi 'nhui lĕch đơ̆ng lăm trôm muh Inh, thoi ŭnh sa prăt năr.

Luka 7:39

Lăp bơngai Pharisi mă wơ̆n Sư, 'bôh thoi noh na sư tơchĕng lăm to sư kơdih khan: “Tơ̆ng bơngai âu bơngai pơtruh nơ̆r 'Bok Kei-Dei tơpă, lei Sư băt kơ bơngai mă pel Sư 'noh bơngai đi.”

Rom 1:18

'Bok Kei-Dei oei tơ plĕnh ti, Sư 'bôh tôm tơdrong kon bơngai pơm yoch pơm kơnê̆ tơpă, na Sư ơh wă phak kon bơngai. Kon bơngai lăp đon kơ pơm tơdrong kơnê̆, thoi noh na lu sư nŏng kơ pơgăn lê̆ lu bôl sư wă kiơ̆ tơdrong 'Bok Kei-Dei.

Rom 11:32

'Bok Kei-Dei jô̆ đĭ-đăng bơngai yoch ngăl, na Sư 'mêm Sư wă tơgŭm đĭ rim khŭl kon bơngai.

Rom 11:7

Lu bơngai Isơrael chă tơdrong pơm 'lơ̆ng hăm 'Bok Kei-Dei ră, mă-lei ưh kơ gơh, pôm lu bơngai Isơrael mă 'Bok Kei-Dei rơih iŏk đĕch gơh. Gah lu bơngai mă 'Bok Kei-Dei ưh kơ rơih iŏk, lu sư rai đunh rai arăng kơ̆l dêh.

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

Rom 3:1

Tơdrong noh thoi noh boih, tơ̆ng lei bĭ bơngai Juđê hăm tih hloh kơ bơngai nai, dah lei-lăi đĕch? Păng tơdrong kăt tơdra akar hăm mah yua kiơ?

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Rom 3:5

Bơ̆n 'bôh tôm tơdrong 'Bok Kei-Dei pơm 'lơ̆ng tơpăt ngăl boih, na bơ̆n 'nĕ tơchĕng khan, bơ̆n pơm kơnê̆ kư̆m bưh, wă kơ đe kơnăl kơ 'Bok Kei-Dei pơm 'lơ̆ng tơpăt păng wă kơ đe kơnăl kơ 'Bok Kei-Dei Sư ưh kơ pơm kơnê̆ thoi kon bơngai. Bơ̆n pơm kơnê̆ noh na đe gô ư-ang kơ 'Bok Kei-Dei rai tih, na dah 'Bok Kei-Dei wă phak bơ̆n ning-mônh noh Sư wă hơlĕnh đĕch yua kơ bơ̆n dang ư-ang anăn Sư kơ đe boih. Bơ̆n 'nĕ tơchĕng tơdrong noh khan trŏ, ưh ôh hŏ. Kon bơngai bơ̆n đĕch tơchĕng khan trŏ.

Rom 6:15

Dah bơ̆n ưh pă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, lei bơ̆n hơđơ̆ng tơpă, bơ̆n gô mơ̆ng kơ 'Bok Kei-Dei tơgŭm bơ̆n. Mă-lei bơ̆n 'nĕ tơchĕng khan dah bơ̆n ưh pă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, khan bơ̆n gơh pơm yoch. Ưh ôh.

Rom 7:14

Bơ̆n băt mơ̆n tơdrong juăt 'Bok Kei-Dei pơkă trŏ tơpă; na kiơ̆ thoi inh bơngai tơrăn ưh kơ kĕ kiơ̆ tơdrong juăt noh, na jing đĭch kơ tơdrong yoch inh tơpă.

I Kor 10:19

Iĕm hăm hlôh inh pơma gah tơdrong kiơ? Păng iĕm 'nĕ tơchĕng gah tơdrong inh pơma gah tơdrong rup yang kơnh iĕm ngêh inh khan 'noh yang tơpă, ưh ôh. Păng tơmam đe sơmah 'noh kơnh iĕm ngêh inh khan 'noh tơmam rup yang tơpă, ưh ôh.

I Kor 14:15

Bơ̆n tơchĕng thoi yơ wă kơ trŏ lei? Inh wă kơ bơ̆n krao khan pơhiôk lăm jơhngơ̆m kơdih păng inh wă kơ bơ̆n krao khan gơh hlôh wao tơdrong bơ̆n krao khan. Inh wă kơ bơ̆n hơri bơnê kơ 'Bok Kei-Dei pơhiôk lăm jơhngơ̆m kơdih păng inh wă kơ bơ̆n hơri kư̆m hlôh tơdrong bơ̆n hơri mơ̆n.

I Kor 4:7

Bu pôk ih pơm tih hloh kơ đe? 'Bok Kei-Dei ăn kơ ih tôm tĕch tôm-tơ̆l tôm tơdrong ih gĭt ih wă, mă-lei ih oei pơang akâu kơdih thoi noh na ih kư̆m dang lĕ khan dôm tơdrong ih đei noh ih đei kơdih ngăl.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Galati 3:22

Sơ̆p hla bơar 'Bok Kei-Dei jô̆ đĭ-đăng kon bơngai bơ̆n pơm yoch, ưh kơ chu kiơ̆ tơdrong juăt Sư, trŏ kơ Sư wă phak tơpă ning-mônh. 'Bok Kei-Dei pơma jô̆ bơ̆n thoi noh, Sư kuă ăn bơ̆n tơchĕng kiơ̆ tơdrong akâu bơ̆n kơdih. Sư wă kơ bơ̆n tơchĕng gơnang kơ Kon Sư đĕch. Dôm lu bơngai lui kơ Kon Sư Yêsu Krist, 'Bok Kei-Dei wă ăn kơ lu sư arih ling-lang hăm Sư, kư̆m thoi Sư pơkă kơ Abraham sơ̆.

Philip 1:18

Mă-lei huay ôh, mă lu sư bơtho tơpă dah lu sư wă bơtho pơ'nhĕng inh, kư̆ kơ lu sư bơtho tơdrong Yêsu Krist đĕch, inh kư̆m hiôk mơ̆n.