Rom 3:22 - Sơ̆p Hlabơar Nơ̆r 'Bok Kei-Dei

²² 'Bok Kei-Dei jô̆ đĭ-đăng kon bơngai jing 'lơ̆ng yua kơ sư lui kơ Yêsu Krist. Yua kơ thoi noh na dang ei bơ̆n băt boih đĭ-đăng bơngai dang ăi đĕch;

Rom 3:22 Iomraidhean Croise

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Luka 15:22

Mă-lei 'bă sư krao hloi lu bơngai jang kơ sư na sư khan: ‘Iŏk ao mă 'lơ̆ng bĕ, pơhrŭk ăn kơ sư. Iŏk tơkhiĕn tơ'bot ăn kơ sư păng pơtrô̆ ăn kơ sư chơkhŏ.

Jang 11:12

Yang Bơhngol 'Lơ̆ng athei inh năm hơdai păng lu sư păng khan kơ inh thoi âu: ‘Ih 'nĕ pă tơchĕng giĕng tơdrong mơ̆t lăm hnam tơmoi ưh kơ khŭl Juđê.’ Bôl inh âu tơdrâu 'nu kư̆m năm hơdai hăm inh mơ̆n. Na nhôn mơ̆t tơ hnam Kôrnei.

Jang 15:9

'Bok Kei-Dei 'mêm mơnat kơ bơ̆n păng lu bơngai tơmoi lei-lăi đĕch. Sư pơklaih tơdrong yoch lu sư yua kơ lu sư lui kơ Yêsu.

Jang 3:16

Yua kơ Yêsu, bơngai âu jing pran dơ̆ng. Iĕm băt boih kơ bơngai hơwen hơwo âu đơ̆ng sơ̆. Yua kơ nhôn gơnang kơ Yêsu tơpă na bơngai hơwen hơwo âu gơh klaih. Dang ei iĕm 'bôh sư klaih boih.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Rom 10:12

Kră Yang Yêsu Krist Sư lăng rim khŭl bơngai lei-lăi đĕch, ưh kơ phara ôh. Sư lăng bơngai Isơrael kư̆m dang bơngai nai. Sư wei-lăng tơgŭm tơpă rim khŭl bơngai mă băt kơ krao khan apinh Sư.

Rom 10:4

Đĭ-đăng bơngai athei gơnang kơ Yêsu đĕch, 'Bok Kei-Dei jô̆ jing bơngai 'lơ̆ng hăm Sư. Bơ̆n gơnang kơ Yêsu thoi noh ưh pă kăl kơ gơnang kơ akâu kơdih kiơ̆ tơdrong juăt 'Bok Kei-Dei pơkă dơ̆ng ôh.

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

Rom 3:30

Tơpă yua kơ đei lăp minh 'nu 'Bok Kei-Dei đĕch. 'Bok Kei-Dei jô̆ bơ̆n bơngai 'lơ̆ng tơpăt yua kơ bơ̆n lui kơ Sư, mă bơngai Juđê mă bơngai nai Sư jô̆ lei-lăi đĕch.

Rom 4:16

'Bok Kei-Dei pơkă khan wă ăn kơ lu kon sâu Abraham pơgơ̆r jơ̆p kơ teh đak. Tơdrong Sư pơkă noh, Sư wă ăn kơ bơngai bu mă lui kơ Sư; yua kơ Sư mơnat, na Sư ăn. Lu bơngai Juđê mă adrin kiơ̆ tơdrong juăt Sư pơkă, wă khan lu bơngai mă gơnang kơ Sư hăm đĭ jơhngơ̆m, lu bơngai noh Sư ăn. Mă-lei ưh kơ sĭ Sư ăn pôm lu đe noh đĕch ôh. Sư ăn kơ đĭ-đăng hăm lu bơngai tơmoi hai, wă khan lu bơngai mă lui 'blep trŏ thoi 'bok bơ̆n Abraham sơ̆. Thoi noh na Abraham boih pơm 'bok kơdră 'bă tơm đĭ-đăng kơ lu bơ̆n sơ̆.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

Rom 9:30

Thoi noh na lu bơngai tơmoi nai mă ưh kơ khŭl Isơrael, sơ̆ lu sư ưh kơ băt chă tơdrong pơm 'lơ̆ng hăm 'Bok Kei-Dei thoi yơ ôh, mă-lei 'Bok Kei-Dei kư̆m 'mêm kơ lu sư mơ̆n, kư̆m jô̆ lu sư bơngai 'lơ̆ng. Lu bơngai noh wă khan dôm lu bơngai khŭl nai mă oei gơnang kơ Yêsu.

I Kor 12:13

Na đĭ rim khŭl bơngai, bơngai Juđê, bơngai khŭl nai, mă bơngai đĭch đe, mă bơngai rơngei, dah bơ̆n lui kơ Yêsu Krist, Yang Bơhngol 'Lơ̆ng pơm 'batem kơ bơ̆n pơgơ̆p bơ̆n jing minh jơhngơ̆m minh đon dih băl. Sư minh 'nu đĕch, mă-lei đĭ-đăng kơ bơ̆n iŏk Sư.

I Kor 4:7

Bu pôk ih pơm tih hloh kơ đe? 'Bok Kei-Dei ăn kơ ih tôm tĕch tôm-tơ̆l tôm tơdrong ih gĭt ih wă, mă-lei ih oei pơang akâu kơdih thoi noh na ih kư̆m dang lĕ khan dôm tơdrong ih đei noh ih đei kơdih ngăl.

Galati 2:16

Mă-lei nhôn lui kơ Yêsu boih, nhôn băt kơdih 'Bok Kei-Dei jô̆ lu nhôn 'lơ̆ng tơpăt hăm Sư noh yua kơ nhôn lui păng gơnang kơ Yêsu Krist, ưh kơ sĭ yua kơ nhôn lui kiơ̆ tơdrong juăt Môis khŏm khŏm na 'Bok Kei-Dei jô̆ bơ̆n 'lơ̆ng tơpăt hăm Sư ôh. Dang ei nhôn lui boih kơ Yêsu Krist, na mă 'Bok Kei-Dei jô̆ nhôn bơngai 'lơ̆ng tơpăt hăm Sư. Ưh kơ đei bu 'Bok Kei-Dei wă jô̆ sư 'lơ̆ng tơpăt, dah sư oei gơnang kơ akâu sư kơdih wă kiơ̆ tơdrong juăt Môis.

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

Galati 3:22

Sơ̆p hla bơar 'Bok Kei-Dei jô̆ đĭ-đăng kon bơngai bơ̆n pơm yoch, ưh kơ chu kiơ̆ tơdrong juăt Sư, trŏ kơ Sư wă phak tơpă ning-mônh. 'Bok Kei-Dei pơma jô̆ bơ̆n thoi noh, Sư kuă ăn bơ̆n tơchĕng kiơ̆ tơdrong akâu bơ̆n kơdih. Sư wă kơ bơ̆n tơchĕng gơnang kơ Kon Sư đĕch. Dôm lu bơngai lui kơ Kon Sư Yêsu Krist, 'Bok Kei-Dei wă ăn kơ lu sư arih ling-lang hăm Sư, kư̆m thoi Sư pơkă kơ Abraham sơ̆.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Êphêsô 3:12

Yua kơ bơ̆n lui kơ Yêsu boih, na bơ̆n băt kơ pôm đon hăm Sư, bơ̆n gơh tŏk truh tơ 'Bok Kei-Dei huay pă hli kơ Sư boih.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

Ya 2:23

Na tơdrong noh trŏ thoi lăm sơ̆p hla bơar 'Bok Kei-Dei đei khan thoi âu: “Abraham đei đon lui păng gơnang kơ 'Bok Kei-Dei na 'Bok Kei-Dei jô̆ sư bơngai 'lơ̆ng tơpăt. Păng 'Bok Kei-Dei krao Abraham bôl juăt Sư.”