Rom 3:12 - Sơ̆p Hlabơar Nơ̆r 'Bok Kei-Dei

¹² Đĭ-đăng bơngai jrok trong weh ataih đơ̆ng 'Bok Kei-Dei ngăl. Lu sư jing kơnê̆, ưh kơ đei bu tơpăt, hoh-hoy 'nhŏ kơ minh 'nu.

Rom 3:12 Iomraidhean Croise

Bl 1:31

Kră Yang 'Bok Kei-Dei 'bôh dôm tơdrong đơ̆ng Sư pơjing 'lơ̆ng tơpă. Đơ̆ng noh đei kơsơ̆ păng pơgê noh năr mă tơdrâu.

Horiso 14:3

Đĭ-đăng weh tơklah băl, lu sư hiong răm đĭ. Ưh kơ đei bu pơm 'lơ̆ng, Hoh-hoy 'nhŏ kơ minh 'nu.

Horiso 53:1

Lu bơngai kơtul kơwao khan: “Lăm jơhngơ̆m sư, ưh kơ đei Kră Yang 'Bok Kei-Dei.” Lu sư răm-'băm, pơm kơnê̆ krưp. Ưh kơ đei bu pơm 'lơ̆ng.

Horiso 53:3

Đĭ-đăng kơ lu sư kơdŭn tơ rŏng jing răm-'băm Ưh kơ đei bu pơm 'lơ̆ng, 'nhŏ kơ minh 'nu hoh-hoy.

Le 32:8

lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.

Bôk Bơthô 7:29

Mă-lei 'nâu mă tơdrong inh chă 'bôh: Kră Yang 'Bok Kei-Dei pơjing boih bơngai tơpăt; mă-lei kon bơngai chơchă đon kơdih tơdrong kơnê̆.”

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Êsai 59:8

Lu sư ưh kơ băt trong hiôk-hian, lăm trong lu sư kư̆m ưh kơ đei trong tơpăt hơnơ̆ng, lu sư pơm kơdih lu trong đŏng đĕo, bơngai bu năm lăm trong 'noh sư ưh kơ băt tơdrong hiôk-hian!

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Mathiơ 25:30

Na dang ei iĕm hiŏng hơtat bơngai mă ưh kơ yua âu tơ anih 'ngoaih măng mu, lê̆ sư nhơ̆m hmoi tơkăp sơnĕnh tơ noh.’

Rom 3:11

Păng ưh kơ đei bu hlôh wao tơdrong 'Bok Kei-Dei, yua kơ ưh kơ đei bu wă chă Sư.

Rom 3:13

'Bok Kei-Dei lăng jơhngơ̆m kon bơngai kơnê̆ thoi lĕ kơ sơlŭng đe tah atâu ôm ưh kơ 'bŭ. Hơpiĕt kon bơngai băt pôm hơlĕnh kơ kơdih bôl. 'Bơ̆r kon bơngai dang 'bơ̆r 'bih 'maih choh đe.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

Phil 1:11

Sơ̆ sư đĭch ih tơpă mơ̆n, na đơ̆ng noh sư kơdâu jăk đơ̆ng ih jing ưh pă yua kơ ih. Na dang ei sư yua kơ inh păng wă yua kơ ih dơ̆ng.

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.