Rom 2:8 - Sơ̆p Hlabơar Nơ̆r 'Bok Kei-Dei

⁸ Bơngai bu băt 'mêm kơ akâu sư kơdih, ưh kơ 'mêm kơ tơdrong 'Bok Kei-Dei, sư wă kiơ̆ tơdrong kơnê̆ ngăl, bơngai noh 'Bok Kei-Dei gô phak sư kơtang kơtĭt tơpă.

Rom 2:8 Iomraidhean Croise

II Ho 6:23

apinh Kră Yang đơ̆ng kơpal plĕnh ti mơ̆ng nơ̆r sư păng pơm. Sek tơlang kơ lu đĭch đam Ih, pơm tơwih bĕ kơ bơngai pơm kơnê̆, kiơ̆ thoi tơdrong kơnê̆ sư đei pơm, ăn kơ tơdrong yoch sư pơm noh tuh tơ kơpal kơ̆l sư kơdih. Pơm mă hơdah kơ bơngai tơpăt kiơ̆ kơ tơdrong tơpăt sư pơm.

Jop 24:13

Đei bơngai blah tơdrong hơdah. Ưh kơ băt trong tơdrong hơdah, kư̆m ưh kơ yak năm lăm trong hơdah mơ̆n.

Horiso 90:11

Bu băt tơdrong kơtang mă Kră Yang hil? Bu kĕ băt tơdrong Ih hil mĭl, sư gô jing thoi yơ?

Tơdrông Pơđơk 11:23

Lu bơngai tơpăt hơpơi wă tă kơ 'lơ̆ng ngăl; Mă-lei lu bơngai kơnê̆ chang gô noh đei hil mĭl.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Je 34:18

Lu bơngai mă đei pơm yoch hăm nơ̆r pơgơ̆p Inh, ưh kơ kiơ̆ dôm nơ̆r pơgơ̆p mă lu sư đei pơkă boih 'bơ̆t anăp Inh, Inh gô ăn kơ lu sư thoi kon rơmo blah phơ̆ tŏk-bŏk, na yak rok sơlam 'bar pah 'nhĕm noh;

Êsêkiên 22:31

Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Rom 1:18

'Bok Kei-Dei oei tơ plĕnh ti, Sư 'bôh tôm tơdrong kon bơngai pơm yoch pơm kơnê̆ tơpă, na Sư ơh wă phak kon bơngai. Kon bơngai lăp đon kơ pơm tơdrong kơnê̆, thoi noh na lu sư nŏng kơ pơgăn lê̆ lu bôl sư wă kiơ̆ tơdrong 'Bok Kei-Dei.

Rom 10:16

Mă đei đe năm bơtho tơdrong 'nao 'lơ̆ng ưh kơ sĭ đe lui đĭ hloi ôh, yua kơ tơdrong noh 'blep thoi tơdrong Êsai chih roi sơ̆ thoi âu: “Ơ Kră Yang, nhôn bơtho tơdrong Ih ră đe kuă kơ lui.”

Rom 15:18

Ưh kơ sĭ inh pơma gah tơdrong đe nai ôh. Inh pơma gah tơdrong jang inh mă đơ̆ng Yêsu Krist tơgŭm. Sư tơgŭm inh jang wă anhăk lơ bơngai tơmoi mă ưh kơ khŭl Juđê lui kơ Sư. Sư tơgŭm inh lăm tơdrong bơtho păng lơ tơdrong nai dơ̆ng wă kơ lu bơngai noh lui kơ Sư.

Rom 6:17

Sơ̆ iĕm đĭch gah tơdrong yoch ră, mă-lei bơnê kơ 'Bok Kei-Dei pơklaih iĕm rơngei boih yua kơ iĕm lui kơ tơdrong đe bơtho hăm đĭ jơhngơ̆m klơm klak.

Rom 9:22

Na 'Bok Kei-Dei Sư kư̆m pơm gô mơ̆ng kơ Sư wă. Tơ̆ng kiơ̆ kơ Sư ơh, athei phak lu bơngai kơnê̆ dang ei trŏ, wă kơ kon bơngai jơ̆p kơ teh đak ư-ang kơ Sư Yang mơsêh pran kơtang. Mă-lei dang ei 'Bok Kei-Dei oei ĕnh kơ tơdrong phak noh.

I Kor 11:16

Dah bơngai bu oei pơjah gah tơdrong lu drŏ-kăn wă akŭm kơ̆l hoh, bơngai 'noh athei tơchĕng 'biơ̆, yua kơ lu nhôn păng rim hnam akŭm ưh kơ đei bu ăn kơ lu bơngai drŏ-kăn akŭm kơ̆l hoh ôh.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

Philip 1:17

Mă gah lu bơngai bơtho tơgar noh, lu sư bơtho yua kơ lu sư 'nhĕng inh đĕch na lu sư bơtho. Ưh kơ sĭ lu sư wă bơtho tơpă ôh. Lu sư bơtho pơ'nhĕng inh wă kơ inh sơ'ngon rai dêh kơplah đe oei phak inh âu.

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

Tit 3:9

Ih 'nĕ ăn đe bơtho adrĕch adrung yă 'bok bơngai Juđê sơ̆ hŏ. Sư bơtho kư̆ kă đĕch, ưh kơ tơpă ôh. Lu sư kư̆m pơjah pơjăng tơhil băl gah tơdrong juăt 'Bok Kei-Dei pơkă sơ̆. Dôm tơdrong lu sư chă bơtho ưh kơ yua kiơ ôh.

Hêbrơ 10:27

pôm chang gô tơdrong 'Bok Kei-Dei sek tơlang wă phak lăm ŭnh kơdơ̆r tih đĕch, hli dêh. Ŭnh noh wă soh pơmat lu bơngai mă ayăt kơ 'Bok Kei-Dei.

Hêbrơ 11:8

Abraham kư̆m yua kơ sư đei đon lui kơjăp, na lăp 'Bok Kei-Dei athei sư năm oei tơ dêh nai, na sư năm hloi tơ dêh mă 'Bok Kei-Dei pơkă wă ăn kơ sư noh. Sư kư̆ kơ năm, mă ưh kơ băt wă năm tơ dêh ayơ.

Hêbrơ 5:9

Sư pơm dôm tơdrong tơnen 'blep thoi 'Bok Kei-Dei, na 'Bok Kei-Dei ăn kơ Sư pơm tơm gah tơdrong dŏng pơklaih dôm lu bơngai mă băt chu kơ Kon Sư, đơ̆ng tơdrong phak ăn arih ling-lang,

Ya 3:14

Lu iĕm 'bok bơtho, dah iĕm oei 'nhĕng đe, iĕm jang tơgar băl 'maih pơm yŏng păng iĕm pơang kơ đe khan iĕm hơgei tơdrong 'Bok Kei-Dei hloh kơ lu bơngai nai, noh iĕm hơlĕnh đĕch boih, ưh kơ trŏ iĕm hơgei tơpă ôh.

Ya 3:16

Anih ayơ đe 'nhĕng băl păng tơgar băl, anih noh đe pơjah pơjăng băl dêh păng pơm tôm tơdrong kơnê̆.

I Pet 3:1

Kư̆m lei-lăi thoi noh, lu bơngai drŏ-kăn, iĕm athei chu yom kơ klo iĕm. Dah klo iĕm ưh kơ lui kơ nơ̆r 'Bok Kei-Dei, iĕm kư̆m athei pơm 'lơ̆ng kơ sư ling-lang; khŏm khŏm sư kư̆m lui mơ̆n mă khan ưh kơ đei bu bơtho.

I Pet 4:17

Dang ei 'Bok Kei-Dei wă pơtơm ăn tơdrong gleh kơ kon bơngai. Sư ăn kơ lu kon Sư adrol 'mơ̆i, wă pơlong lăng tơdrong lui lu sư thoi yơ. Klaih kơ noh na Sư ăn tơdrong gleh truh kơ lu bơngai mă kuă kơ lui kơ tơdrong 'nao 'lơ̆ng Sư. Tơdrong gleh lu sư noh kơtang tơpă, kơtang hloh kơ tơdrong gleh lu bơ̆n đei dang ei.

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.

Tơdrông Tơ'bôh 16:19

Pơlei Babilôn pơlei tih dêh đei tơdrong truh kơ lu sư hơling hơlơ̆m pêng pah kueng pơgăn. Păng jơ̆p-jang kơ teh đak kon pơlei pơla nai kư̆m pơchah răm lei-lăi. Pơlei Babilôn 'Bok Kei-Dei hil kơ lu sư ưh kơ chu, na Sư ăn kơ lu sư et sik pơhrăp tơdrong Sư hil.