Rom 2:7 - Sơ̆p Hlabơar Nơ̆r 'Bok Kei-Dei

⁷ Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Rom 2:7 Iomraidhean Croise

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 37:3

Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Horiso 37:34

Chang gô bĕ Kră Yang păng wei kiơ̆ trong Sư, Sư gô hơtŏk ih wă kơ đei teh! Mưh lu kơnê̆ răm đĭ, Ih gô 'bôh tơdrong noh.

Êsêkiên 18:17

Ti ưh kơ đei pơm kơnê̆ kơ lu bơngai dơnuh, ăn kơ đe tŏk iŏk ưh kơ đei iŏk lơi adrol dah iŏk lơi lơ, Chu wei răk nơ̆r Inh tơtă păng pơm kiơ̆ khôi juăt Inh, sư ưh kơ lôch ôh yua kơ tơdrong yoch kơnê̆ đơ̆ng 'bă sư, tơpă sư gô đei tơdrong arih.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Luka 21:19

Dah iĕm adrin tơpă lei iĕm huay kơ hiong tơdrong arih ling-lang ôh.”

Luka 8:15

Lu găr mă huŏng tơ teh 'lơ̆ng wă pơtih gia kơ lu bơngai kơtơ̆ng đe bơtho nơ̆r 'Bok Kei-Dei na kiơ̆ hloi kơjăp hăm pơm 'lơ̆ng tơpăt. Sư kư̆m adrin lui khŏm khŏm pơyua tơdrong jang 'Bok Kei-Dei tơpă.”

Yo 4:36

Na bơngai bu adrin bơtho đe lui kơ 'Bok Kei-Dei, bơngai 'noh 'Bok Kei-Dei gô apah sư, kư̆m lei-lăi thoi tơ'ngla mir apah đe jang kĕch 'ba mir sư. Lu bơngai jang pơm mir, sư đei 'ba lơ tơpă; lu bơngai jang tơdrong 'Bok Kei-Dei kư̆m thoi noh mơ̆n. Sư krao lơ bơngai lui kơ 'Bok Kei-Dei, na lu bơngai lui kơ sư bơtho 'noh gô arih ling-lang. Bơngai mă bơtho đe hơdrol păng bơngai mă bơtho đe đơ̆ng rŏng na đe lui hloi kơ sư bơtho, bre noh, bre sư chơt hiôk lei-lăi đĕch.’

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

Rom 2:10

Mă bơngai Juđê, mă bơngai nai, dah lu sư pơm 'lơ̆ng hăm 'Bok Kei-Dei, ning-mônh 'Bok Kei-Dei ăn kơ lu bơ̆n oei hơdai hăm Sư hiôk chơt ling-lang.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

Rom 8:18

Mă bơ̆n đei tơdrong gleh truh pơmat-tat dang ei, mă-lei inh băt tơpă ning-mônh bơ̆n gô oei hơdai hăm 'Bok Kei-Dei hiôk dêh; na mă bơ̆n pơmat-tat, bơ̆n kư̆m pơm hiôk thoi lĕ kơ năr jơhngơ̆m bơ̆n hiôk, yua kơ ning-mônh bơ̆n gô hiôk tơpă.

Rom 9:23

Yua kơ Sư oei gô lu bơngai mă Sư 'mêm. Sư wă hơmet jơhngơ̆m lu bơngai mă Sư 'mêm noh hơdrol 'mơ̆i, wă kơ lu bơngai noh gơh oei hơdai hăm Sư ning-mônh. Lu bơngai noh 'Bok Kei-Dei rơih iŏk đơ̆ng blŭng-a sơ̆ hloi boih, noh na Sư oei gô.

I Kor 15:42

Gah tơdrong iung arih đơ̆ng lôch kư̆m lei-lăi thoi noh mơ̆n. Akâu kon bơngai bơ̆n iung arih ning-mônh phara, ưh kơ thoi akâu bơ̆n mă oei arih dang ei ôh. Akâu bơ̆n lôch boih na đe 'bŭ akâu bơ̆n tơ teh, mưh 'Bok Kei-Dei tơiung arih bơ̆n ning-mônh Sư wă ăn kơ bơ̆n akâu 'nao pran kơtang ưh kơ layơ lôch.

I Kor 15:50

Ơ 'nhŏng oh, inh khan kơ iĕm tơpă, sĕch akar kon bơngai bơ̆n ưh kơ gơh oei tơ dêh char 'Bok Kei-Dei ôh, yua kơ sĕch akar bơ̆n juăt kơ ôm hach. Tơ dêh char Sư ưh kơ đei kiơ jing ôm hach.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

Galati 6:9

Mă-lei bơ̆n athei chu kơ Sư khŏm khŏm wă kơ bơ̆n gơh pơm đon 'lơ̆ng. Thoi noh dah bơ̆n huay kơ achăng lê̆ Sư na mưh trŏ kơ năr 'Bok Kei-Dei pơkă ning-mônh Sư gô ăn kơ bơ̆n tơdrong apah na bơ̆n oei hơdai hăm Sư ling-lang. Kư̆m thoi bơ̆n pơtăm găr, dah bơ̆n ưh kơ hŭt lê̆ tơdrong jang bơ̆n, lei trŏ bơyan plei, bơ̆n đei phĕ iŏk tơpă.

Êphêsô 6:24

Inh apinh sư wei-lăng lu bơngai mă băt 'mêm kơ Kră Yang bơ̆n Yêsu Krist ling-lang.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.

II Tim 1:10

Na dang ei Sư wơh Kon Sư Yêsu Krist dŏng pơklaih bơ̆n boih, na bơ̆n băt Sư 'mêm mơnat kơ bơ̆n tơpă. Yêsu Krist ăn kơ bơ̆n arih ling-lang. Bơ̆n huay kơ lôch răm ôh. 'Bok Kei-Dei tơbăt ăn kơ bơ̆n tơdrong arih ling-lang lăm tơdrong 'nao 'lơ̆ng Sư.

Hêbrơ 2:7

Ih ăn kơ nhôn kơđeh 'biơ̆ kơ lu linh jang, mă-lei ưh kơ mah kơđeh dêh. Ih kư̆m ăn kơ nhôn dang lĕ kơ pơm 'bok pơtao;

Hêbrơ 6:12

Nhôn ưh kơ wă kơ iĕm alah ôh; nhôn wă kơ iĕm adrin lui kiơ̆ mă trŏ thoi lu đe kră sơ̆, lu sư lui khŏm khŏm tơpă, na 'Bok Kei-Dei ăn tơpă tôm tơdrong mă Sư đêl pơkă.

I Yo 2:25

Thoi noh bơ̆n gô arih ling-lang, kư̆m thoi Yêsu Krist pơkă sơ̆.