Rom 2:5 - Sơ̆p Hlabơar Nơ̆r 'Bok Kei-Dei

⁵ Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Rom 2:5 Iomraidhean Croise

II Ho 30:8

'Nĕ pă arăng kơ̆l thoi lu 'bok iĕm; chu bĕ Kră Yang, năm tơ anih rơgoh Sư mă 'măn lê̆ pha rơgoh ling-lang. Kơkuh ư-ang bĕ kơ Kră Yang 'Bok Kei-Dei lu iĕm, wă kơ Sư huay pă hil mĭl,

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

Jop 21:30

Lăm năr đei tơdrong truh, lu bơngai kơnê̆ oei gơh hiôk. Oei gơh klaih lăm năr hil mĭl?

Horiso 110:5

Kră Yang oei gah 'ma kơ ih gô pơrăm đĭ lu pơtao lăm năr Sư hil.

Horiso 95:8

Jơhngơ̆m iĕm 'nĕ pă arăng thoi tơ Mêriba. Thoi lăm năr tơ Masa lăm char 'blach.

Le 14:17

Na Inh gô pơm kơ kon pơlei Êyiptơ kơ̆l arăng gô jur druh kiơ̆ kon pơlei Isơrael lăm đak dơsĭ, đơ̆ng noh Anăn Inh gô đei ư-ang yua kơ Pharaôn păng đĭ-đăng lu linh sư, lu bơngai chĕp gre aseh sư.

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Le 8:15

Na Pharaôn lăp sư 'bôh tơdrong truh hlôi boih, sư arăng jơhngơ̆m ưh kơ chu dơ̆ng, ưh kơ wă mơ̆ng Môis păng Arôn, lei-lăi thoi nơ̆r Kră Yang đei khan boih.

Tơdrông Pơđơk 1:18

Mă-lei lu sư wă chă pơlôch kơdih akâu, Păng răp wă pơrăm tơdrong arih kơdih.

Tơdrông Pơđơk 11:4

Mŭk tơmam mơdrŏng ưh kơ yua kiơ lăm năr hil blĕk, Mă-lei đei đon tơpăt pơklaih đơ̆ng tơdrong lôch.

Tơdrông Pơđơk 28:14

Bơngai bu băt hli yom kơ Kră Yang gô đei pŭn hiôk; Bơngai bu ưh kơ chu arăng kơ̆l gô răm.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Bôk Bơthô 12:14

Yua kơ Kră Yang 'Bok Kei-Dei gô sek tơlang kiơ̆ kơ tơdrong đêl bơ̆n pơm, pơm 'lơ̆ng dah pơm kơnê̆, mă khan tơdrong kiơ hlơp, sư kư̆m sek tơlang mơ̆n. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Êsai 48:4

Yua kơ Inh băt lu iĕm arăng kơ̆l, hơko iĕm huan thoi bơsei, klĕng iĕm thoi kong,

Je 40:3

Na Kră Yang pơm tơpă thoi sư đei khan boih, yua kơ lu iĕm pơm yoch sơngah kơ Kră Yang păng kuă kơ kiơ̆ nơ̆r Sư. Lei na tơdrong 'nâu truh tơ lu iĕm.

Êsêkiên 11:19

Inh gô ăn kơ lu sư minh jơhngơ̆m, minh đon 'nao; Inh gô iŏk lê̆ jơhngơ̆m arăng thoi tơmo đơ̆ng akâu lu sư păng ăn kơ lu sư jơhngơ̆m rơmuăn wă chu kiơ̆ Kră Yang.

Êsêkiên 3:7

Adrĕch adrung Isơrael ưh kơ wă mơ̆ng ih, yua kơ lu sư kư̆m ưh kơ wă mơ̆ng Inh. Đĭ-đăng adrĕch adrung Isơrael ưh kơ chu, lu sư arăng kơ̆l.

Da 5:20

Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Hôsia 13:12

Tơdrong kơnê̆ lu bơngai Êphraim Inh oei 'blŏk, tơdrong yoch lu sư Inh kư̆m chih 'măn lê̆.

Am 3:10

Kră Yang khan: Lu sư ưh kơ băt pơm tơdrong tơpăt; lu sư tah mong tơmam tơtông tơgar lăm kơđông kơjăp lu sư.

Rom 1:18

'Bok Kei-Dei oei tơ plĕnh ti, Sư 'bôh tôm tơdrong kon bơngai pơm yoch pơm kơnê̆ tơpă, na Sư ơh wă phak kon bơngai. Kon bơngai lăp đon kơ pơm tơdrong kơnê̆, thoi noh na lu sư nŏng kơ pơgăn lê̆ lu bôl sư wă kiơ̆ tơdrong 'Bok Kei-Dei.

Rom 11:25

Ơ 'nhŏng oh, inh ưh kơ wă kơ iĕm pơang kơ đe khan iĕm bơngai hơgei hloh kơ bơngai Isơrael ôh. Na dang ei inh wă tơbăt ăn kơ iĕm minh tơdrong âu mă 'Bok Kei-Dei tam mă tơbăt ăn kơ bơ̆n đơ̆ng sơ̆, tơdrong noh thoi âu: Lu bơngai Isơrael mơ'nah kuă tơpă boih lui kơ 'Bok Kei-Dei, noh na Sư ăn kơ lu bơngai mă kuă noh jing arăng kơ̆l khŏm khŏm truh tơ Sư krao tôm kơ lu khŭl nai bu mă Sư rơih iŏk lui kơ Sư.

Rom 9:22

Na 'Bok Kei-Dei Sư kư̆m pơm gô mơ̆ng kơ Sư wă. Tơ̆ng kiơ̆ kơ Sư ơh, athei phak lu bơngai kơnê̆ dang ei trŏ, wă kơ kon bơngai jơ̆p kơ teh đak ư-ang kơ Sư Yang mơsêh pran kơtang. Mă-lei dang ei 'Bok Kei-Dei oei ĕnh kơ tơdrong phak noh.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

Both 2:30

Mă-lei Sihôn, pơtao Hesbôn, ưh kơ ăn kơ lu nhôn yak năm rok teh đak lu sư ôh; yua kơ Kră Yang 'Bok Kei-Dei pơm jơhngơ̆m kơ̆l pơtao arăng, wă jao sư lăm tơpang ti nhôn, kư̆m thoi năr 'nâu.

Both 32:34

Dôm tơdrong thoi noh gô 'blŏk răk, inh wei sư lăm hnam mong tơmam gĭt inh.

II Tes 1:5

Bơ̆n đei tơdrong gleh đe areh kơ bơ̆n kơlih kơ bơ̆n wă mơ̆t tơ dêh char Sư, mă-lei bơ̆n khŏm adrin lui 'mơ̆i; thoi noh, bơ̆n băt kơ 'Bok Kei-Dei sek tơlang tơpăt, Sư jô̆ lu bơ̆n âu boih trŏ kơ wă mơ̆t tơ lăm dêh char Sư.

Hêbrơ 3:13

Kơplah ahrei brei drâu oei tam mơ̆n, na rim năr iĕm athei pơlung dih băl, wă kơ đĭ-đăng kơ iĕm huay kơ lui kơ đe pơhlŭ pơlung iĕm pơm yoch jing arăng kơ̆l.

Hêbrơ 3:15

Thoi noh na 'Bok Kei-Dei khan sơ̆ thoi âu: “Đơ̆ng âu tơ anăp mưh iĕm kơtơ̆ng nơ̆r Inh pơma, iĕm 'nĕ pă arăng kơ̆l thoi lu yă 'bok iĕm mă oei tơ dêh glă sơ̆, lu sư kơchu dêh.”

Hêbrơ 4:7

Thoi noh đunh tơpă đơ̆ng rŏng kơ noh Sư athei Đawit pơma thoi nơ̆r inh roi kơ iĕm tơ kơpal noh hei, Sư khan: “Đơ̆ng âu tơ anăp mưh iĕm kơtơ̆ng nơ̆r Inh pơma, iĕm 'nĕ pă arăng kơ̆l.” Thoi noh na ahrei Sư ăn kơ kon bơngai mơ̆t pơdơh hăm Sư boih.

Ya 5:3

tơmam hu maih iĕm gô đĭ kơ gơsang sa, noh na đe băt kơ iĕm bơngai hưch kơ mŭk tơmam dêh, tơmam iĕm gô hiong đĭ. Gơsang noh kư̆m wă sa akâu iĕm mơ̆n thoi lĕ kơ ŭnh. Iĕm chă mong mŭk tơmam lơ, mă-lei ưh kơ yua kiơ kơlih kơ wă jê̆ truh năr tôch boih.

Jôsuê 11:20

Yua kơ Kră Yang ăn lăm jơhngơ̆m lu pơtao arăng kơ̆l 'maih wă tơblah hăm lu bơngai Isơrael, wă kơ lu sư jing hiong răm đĭ, ưh pă đei bu mơnat, kiơ̆ thoi Kră Yang đei tơtă pơkă boih kơ Môis.

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

II Pet 3:7

Mă dang ei Sư kư̆m pơkă khan wă pơrăm plĕnh pơrăm teh đak wă soh păng ŭnh. Truh năr Sư sek tơlang ning-mônh Sư pơrăm tơpă mơ̆n păng phak dôm lu bơngai mă ưh kơ lui kơ Sư lăm noh.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.

Tơdrông Tơ'bôh 2:21

Inh khan kơ sư boih, athei tơbral kơdih tơdrong yoch, mă-lei sư ưh kơ chu tơbral.

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”

I Sam 6:6

Liơ mă lu iĕm oei arăng kơ̆l thoi lu bơngai Êyiptơ păng Pharaôn pơm. Iĕm hăm 'blŏk ưh Kră Yang phak pơmat lu sư thoi yơ, na mah ăn kơ kon pơlei năm.