Rom 2:4 - Sơ̆p Hlabơar Nơ̆r 'Bok Kei-Dei

⁴ 'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Rom 2:4 Iomraidhean Croise

Horiso 10:11

Sư khan lăm jơhngơ̆m. “Kră Yang 'Bok Kei-Dei hiơt boih, Kră Yang ôn muh măt Sư, lăng pă 'bôh boih.”

Horiso 104:24

Ơ Kră Yang, tơdrong jang Ih lơ tơpă. Hăm tơdrong gơh hơgei Ih pơjing tôm tơmam. Kơpal teh 'bĕnh-'bang kơ tơmam Ih.

Horiso 31:19

Tơdrong 'lơ̆ng tơpăt Ih tih dêh, Mă ăn boih kơ lu bơngai hli yom kơ Ih păng ăn boih kơ lu bơngai năm kơ'nơp lăm Ih. 'Bơ̆t anăp lu kon bơngai.

Horiso 78:38

Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Bôk Bơthô 8:11

Yua kơ lu bơngai mă pơm kơnê̆ ră, đe ưh kơ đei phak hloi, lei na jơhngơ̆m kon bơngai oei 'maih pơm kơnê̆ dêh.

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Je 7:10

Păng đơ̆ng noh năm dơ̆ng kơkuh kơ Inh, tơ hnam âu, anih mă đe krao Anăn Inh, păng khan: “Lu bơ̆n klaih hiôk boih.” Hiôk oei wă pơm dôm tơdrong Inh areh noh?

Êsêkiên 11:19

Inh gô ăn kơ lu sư minh jơhngơ̆m, minh đon 'nao; Inh gô iŏk lê̆ jơhngơ̆m arăng thoi tơmo đơ̆ng akâu lu sư păng ăn kơ lu sư jơhngơ̆m rơmuăn wă chu kiơ̆ Kră Yang.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Jôna 4:2

Sư krao khan kơ Kră Yang thoi âu: Ơ Kră Yang, noh hăm trŏ inh đei băt boih kơplah inh oei lăm dêh char nhôn sơ̆? Yua kơ noh na inh hăt hot kơdâu klĕnh tơ pơlei Tarisi. Yua kơ inh băt boih Ih jơ̆ Kră Yang 'Bok Kei-Dei iơ̆m dim, băt mơnat, hiơ̆ kơ hil, 'bĕnh hăm tơdrong 'mêm mơnat, ưh kơ wă pơrăm.

Jo 14:18

Kră Yang hiơ̆ kơ hil păng 'bĕnh hăm tơdrong 'mêm mơnat; huay kơ jô̆ yo tơdrong yoch; mă-lei Sư ưh kơ jô̆ ôh lu bơngai pơm yoch khan 'lơ̆ng; păng ưh kơ lê̆ pŭ tơdrong yoch đơ̆ng 'bok yă lu sư truh tơ kon sâu sư pêng puăn jơhnơr.

Rom 10:12

Kră Yang Yêsu Krist Sư lăng rim khŭl bơngai lei-lăi đĕch, ưh kơ phara ôh. Sư lăng bơngai Isơrael kư̆m dang bơngai nai. Sư wei-lăng tơgŭm tơpă rim khŭl bơngai mă băt kơ krao khan apinh Sư.

Rom 11:22

'Bok Kei-Dei 'mêm tơpă kơ kon bơngai, mă-lei Sư kư̆m hil kơ kon bơngai mơ̆n. Sư hil kơ lu bơngai mă kuă kơ lui kơ Sư. Gah lu iĕm Sư ưh kơ hil ôh yua kơ iĕm oei lui păng gơnang kơ Sư tơpă. Dah iĕm kuă kơ lui, Sư kư̆m chre hŭt dơng iĕm mơ̆n.

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

Rom 3:25

'Bok Kei-Dei Sư sek tơlang kiơ̆ tơdrong tơpăt ngăl, na lu bơngai yoch Sư wă phak tơpă. Mă-lei Sư oei 'mêm kơ kon bơngai, na ăn Kon pôm Sư Yêsu lôch tang kon bơngai tơ 'long pơglang, wă huai iŏk lu bơngai yoch, wă kơ lu bơngai yoch noh lui kơ Kon Sư, gơnang kơ Kon Sư, na 'Bok Kei-Dei jô̆ lu sư jing bơngai 'lơ̆ng rơgoh, Sư huay pă jô̆ yo boih. Kơplah Yêsu tam mă lôch tang sơ̆, đei mơ̆n lu bơngai lui kơ 'Bok Kei-Dei, gơnang kơ 'Bok Kei-Dei, mă-lei Sư huay kơ jô̆ yo ôh dôm tơdrong yoch lu sư, yua kơ Sư wă ăn Yêsu lôch tang lu sư ning-mônh. Tơdrong Sư ăn Kon Sư Yêsu lôch tang kon bơngai noh, Sư wă kơ kon bơngai băt kơ Sư sek tơlang kon bơngai tơpăt.

Rom 6:1

Bơ̆n đei tơdrong yoch tih, mă-lei đei 'Bok Kei-Dei 'mêm kơ bơ̆n rai dêh. Mă-lei bơ̆n 'nĕ tơchĕng khan, lê̆ bơ̆n pơm yoch khŏm khŏm kư̆m bưh wă kơ 'Bok Kei-Dei 'mêm kơ bơ̆n rai hloh kơ noh, ưh ôh hŏ.

Rom 6:15

Dah bơ̆n ưh pă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, lei bơ̆n hơđơ̆ng tơpă, bơ̆n gô mơ̆ng kơ 'Bok Kei-Dei tơgŭm bơ̆n. Mă-lei bơ̆n 'nĕ tơchĕng khan dah bơ̆n ưh pă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, khan bơ̆n gơh pơm yoch. Ưh ôh.

II Kor 8:2

Lu sư đei tơdrong gleh pơmat-tat păng dơnuh tăm mă-lei jơhngơ̆m lu sư hiôk hơiă păng hơlăng băt kơ pơtơm băl ra jên tơgŭm lu bơngai lui dơnuh hin tơ Pơlei Jêrusalem.

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Êphêsô 2:4

Mă-lei 'Bok Kei-Dei Sư oei 'mêm mơnat kơ bơ̆n tơpă;

Êphêsô 2:7

Thoi noh na Sư gô ăn kơ bơ̆n tôm tơdrong hiôk 'lơ̆ng khŏm khŏm truh tơ ning-mônh ưh kơ layơ tôch yua kơ Sư 'mêm mơnat kơ bơ̆n, na ăn kơ Yêsu Krist lôch tang bơ̆n.

Êphêsô 3:16

Sư đei tôm tĕch tơdrong na inh apinh Sư ăn kơ iĕm Yang Bơhngol 'Lơ̆ng Sư oei hơdai hăm iĕm wă kơ iĕm đei jơhngơ̆m pran.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Philip 4:19

Kră Yang bơ̆n 'Bok Kei-Dei mơdrŏng tih tơpă, Sư gô tơgŭm iĕm tôm tơdrong tơmam iĕm kăl yua, kơlih kơ iĕm lui kơ Yêsu Krist.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

Kôlôsê 2:2

Inh wă kơ iĕm lui kơjăp jing pôm đon băt 'mêm mơnat dih băl na gơh hlôh tơdrong 'Bok Kei-Dei, hăm hlôh tơdrong hlơp 'Bok Kei-Dei tam mă tơbăt kơ đe đơ̆ng sơ̆ noh. Mă-lei dang ei iĕm băt boih tơdrong noh, wă khan tơdrong Yêsu Krist.

I Tim 1:16

Mă-lei 'Bok Kei-Dei oei mơnat kơ inh na pơklaih inh yua kơ Kră Yang Yêsu Krist wă tơbăt kơ kon bơngai Sư mơnat tơpă kơ inh mă pơm yoch lơ hloh kơ đĭ-đăng bơngai nai. Na lu bơngai nai gô 'bôh tơdrong Sư mơnat kơ inh, sư băt 'Bok Kei-Dei mơnat tơpă kơ đĭ-đăng bơngai, na lu sư gô lui kơ Kră Yang Yêsu Krist hăm arih ling-lang.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

I Pet 3:20

Lu bơngai noh sơ̆ lu sư ưh kơ chu lui kơ 'Bok Kei-Dei kơplah Nôê oei pơm duk sơ̆. 'Bok Kei-Dei chang gô lu sư lui ră, mă-lei lu sư kuă kơ lui. Lăp tơhngam 'nu đĕch lui kơ 'Bok Kei-Dei, lu sư mơ̆t lăm duk na huay kơ lôch kơ đak lơ̆p.

II Pet 1:11

Thoi noh na 'Bok Kei-Dei pơchoh kơ bơ̆n trong să, ăn kơ bơ̆n tŏk oei tơ dêh char Yêsu Krist pơgơ̆r ling-lang hloi, yua kơ Yŏng bơ̆n Yêsu Krist dŏng pơklaih bơ̆n.

II Pet 3:15

Iĕm 'nĕ pơma kơ tơdrong Sư ưh kơ dah jur, yua kơ Sư mơnat kơ kon tơring tơrang lu tam mă lui, wă kơ lu sư lui thoi iĕm 'mơ̆i, na 'Bok Kei-Dei pơklaih tơdrong yoch lu sư, thoi Sư pơklaih iĕm boih. Pôl, 'nhŏng oh bơ̆n mă bơ̆n 'mêm, 'Bok Kei-Dei ăn kơ sư hơgei gah tơdrong bơtho, sư chih roi kơ iĕm kư̆m lei-lăi thoi noh mơ̆n.

II Pet 3:3

Mă loi inh wă tơbăt kơ iĕm gah tơdrong âu: Năr wă jê̆ tôch kơnh đei lơ bơngai 'maih kiơ̆ tơdrong jơhngơ̆m wă kơdih, 'maih pơm lơ tơdrong kiơ̆ mă ưh kơ 'lơ̆ng. Lu sư pơma pơjăm pơma che bơle lu bơngai lui khan:

II Pet 3:9

Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.

Tơdrông Tơ'bôh 2:21

Inh khan kơ sư boih, athei tơbral kơdih tơdrong yoch, mă-lei sư ưh kơ chu tơbral.

Tơdrông Tơ'bôh 3:20

Dang ei Inh oei dơ̆ng tơ 'ngoaih 'măng wă krao iĕm. Bu kơtơ̆ng 'bơ̆r Inh krao na pơih kơ Inh 'măng, bơngai noh Inh wă mơ̆t oei hăm sư, sŏng sa hơdai sư.