Rom 2:24 - Sơ̆p Hlabơar Nơ̆r 'Bok Kei-Dei

²⁴ Tơdrong noh 'blep thoi sơ̆p hla bơar 'Bok Kei-Dei sơ̆ khan thoi âu: “Lu bơngai tơmoi nai pơjăm 'Bok Kei-Dei yua kơ lu bơngai Juđê ưh kơ kiơ̆ tơdrong juăt 'Bok Kei-Dei pơkă.”

Rom 2:24 Iomraidhean Croise

II Sam 12:14

Mă-lei yua kơ tơdrong ih pơjăm ưh kơ lăng boih Kră Yang lăm tơdrong 'nâu, na kon drŏ-nglo mă akăn ih 'nao tơpŭ kơ ih noh gô lôch.”

Êsai 52:5

Kră Yang khan: “Inh wă pơm kiơ âu? Kon pơlei Inh đe rôp anhăk tơdrong kơđei,” Kră Yang khan: “Lu bơngai pơgơ̆r sư ôr pơklai, pơma kơnê̆ kơ anăn Inh ling-lang prăt năr.

Êsêkiên 20:27

Thoi noh, ơ kon bơngai, athei khan kơ adrĕch Isơrael thoi âu: 'Nâu nơ̆r Kră Yang khan: 'Bok yă lu iĕm pơma blông hăm Inh, yua kơ lu sư ưh wă chu Inh.

Mathiơ 18:7

Tơpă yơh bơ̆n gô đei tơdrong đe pơhlŭ bơ̆n pơm yoch, mă-lei lu bơngai pơhlŭ bơ̆n noh, ning-mônh 'Bok Kei-Dei gô phak pơmat lu sư kal dêh.

I Tim 5:14

Yua kơ thoi noh na inh wă kơ bơngai drŏ-kăn adro oei moh iŏk klo na sư tơpŭ kon wei-lăng hnam dơnŏ sư kơdih wă kơ đe mă ưh kơ lui huay pă che bơle kơ bơ̆n dơ̆ng.

I Tim 6:1

Đĭ-đăng lu bơngai lui, lu mơ'nah đĭch đe, sư athei lui yom kơ yŏng tơ'ngla sư wă kơ lu bơngai tam mă lui 'bôh sư pơm 'lơ̆ng kơ yŏng tơ'ngla sư na sư huay kơ pơjăm 'Bok Kei-Dei păng huay kơ pơjăm nơ̆r bơ̆n bơtho tơdrong 'nao 'lơ̆ng.

Tit 2:5

Lu sư bơtho lu drŏ-kăn oei moh 'nĕ pơm đon kư̆ kă athei tơchĕng đon 'lơ̆ng tơpăt ling-lang păng athei tơchĕng tơdrong bơ̆jang lăm hnam dơnŏ sư kơdih. Jơhngơ̆m sư athei 'lơ̆ng păng klo sư, lui yom kơ klo sư păng pơm jơhngơ̆m 'lơ̆ng hăm lu bôl buăl mơ̆n. Sư athei răk đon thoi âu mă tơpă na lu bơngai ưh tam mă lui, sư huay kơ bâu roi tơdrong 'Bok Kei-Dei.

Tit 2:8

Dah ih bơtho trŏ đe ưh kơ gơh bâu roi ih ôh. Thoi noh na lu bơngai mă ayăt kơ bơ̆n, sư wă bâu roi pơjăm bơ̆n ră mă sư ưh kơ pơ̆n kơlih kơ bơ̆n tơpăt. Dah sư bâu roi bơ̆n mă bơ̆n ưh kơ đei pơm tơdrong yoch kiơ, noh sư mơlâu kơ đe hơ'măng.

II Pet 2:2

Mă-lei kư̆m đei lơ bơngai lui, kiơ̆ sư pơm tơdrong yoch kư̆ kă; kơlih kơ thoi noh na lu bơngai mă ưh kơ lui pơjăm tơdrong 'lơ̆ng tơpăt 'Bok Kei-Dei.