Rom 2:2 - Sơ̆p Hlabơar Nơ̆r 'Bok Kei-Dei

² Bơ̆n băt boih 'Bok Kei-Dei wă phak dôm lu bơngai pơm yoch trŏ tơpă.

Rom 2:2 Iomraidhean Croise

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Jop 34:23

Kră Yang 'Bok Kei-Dei ưh kơ đei pơkă năr. Wă sek tơlang kơ kon bơngai 'bơ̆t anăp Sư.

Horiso 145:17

Kră Yang boih 'lơ̆ng tơpăt lăm rim trong Sư. Băt 'mêm kơ rim tơdrong jang Sư.

Horiso 9:4

Yua kơ Ih wei dŏng păng ăn kơ inh gơh jei; Ih oei tơ kơpal tang-dŏ pơtao sek tơlang tơpăt.

Horiso 96:13

Sư truh wă sek tơlang kơ teh đak, Sư gô sek tơlang kơ teh đak hăm tơdrong tơpăt. Yua tơdrong tơpăt sĭt Sư na sek kơ kon pơlei pơla.

Horiso 98:9

Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Je 12:1

Ơ Kră Yang, Ih jơ̆ 'lơ̆ng tơpăt mưh inh roi tơdrong inh kơ Ih. Mă-lei inh oei wă pơma hăm Ih trŏ tơdrong tơpăt Ih: Liơ trong lu bơngai kơnê̆ oei hiôk-hian, liơ tơdrong jang lu bơngai hơlĕnh pơdăr oei mơdrŏng?

Êsêkiên 18:25

Mă-lei lu iĕm khan: ‘Trong Kră Yang pơm ưh kơ tơpăt!’ Ơ lu adrĕch Isơrael, mơ̆ng bĕ! Trong Inh ưh kơ tơpăt dah trong lu iĕm ưh kơ tơpăt?

Êsêkiên 18:29

Adrĕch Isơrael đei khan: Trong Kră Yang ưh kơ tơpăt, Ơ adrĕch Isơrael, trong Inh ưh kơ tơpăt hă? Mă tơpă trong lu iĕm ưh kơ tơpăt.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

Rom 2:3

Iĕm jô̆ kơ đe pơm yoch, iĕm kư̆m pơm yoch mơ̆n, iĕm tơchĕng iĕm pơm yoch 'Bok Kei-Dei ưh kơ phak ôh hă, na iĕm jô̆ kơ đe pơm yoch?

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Rom 9:14

Bơ̆n 'bôh 'Bok Kei-Dei ưh kơ 'mêm kơ bre noh dang ăi, mă-lei bơ̆n 'nĕ tơchĕng khan 'Bok Kei-Dei ưh kơ tơpăt.

Tơdrông Tơ'bôh 16:5

Na inh kơtơ̆ng linh jang 'lơ̆ng mă wei-lăng dôm lu thong đak tih iĕ noh sư khan thoi âu: “Ơ 'Bok Kei-Dei, Ih đei đơ̆ng sơ̆ khơ̆ dang ei, pôm Ih đĕch pơm 'lơ̆ng tơpăt. Ih phak kon bơngai thoi noh trŏ tơpă,

Tơdrông Tơ'bôh 19:2

Sư sek tơlang trŏ tơpă. Sư phak boih bơngai đi mă pơm jơ̆p kơ teh đak jing kơnê̆ 'mê̆-'mach, yua kơ tơdrong sư pơm kư̆ kă păng yua kơ sư pơlôch lu đĭch đam 'Bok Kei-Dei.”