Rom 2:13 - Sơ̆p Hlabơar Nơ̆r 'Bok Kei-Dei

¹³ 'Bok Kei-Dei jô̆ bơ̆n bơngai 'lơ̆ng, ưh kơ sĭ yua kơ bơ̆n kơtơ̆ng tơdrong Sư pơkă đĕch ôh, yua kơ bơ̆n kiơ̆ tơdrong noh.

Rom 2:13 Iomraidhean Croise

Horiso 143:2

Apinh 'nĕ kơ sek tơlang kơ đĭch đam Ih; Yua kơ 'bơ̆t anăp Ih, ưh kơ đei bơngai bu arih tơpăt.

Je 11:6

Kră Yang khan kơ inh: “Roi bĕ đĭ dôm nơ̆r pơma âu tơ lăm đĭ-đăng pơlei lăm char Juđa hăm tơ rok trong tih lăm pơlei Jêrusalem: ‘Mơ̆ng păng pơm kiơ̆ bĕ nơ̆r pơgơ̆p âu.

Êsêkiên 20:11

Inh ăn kơ lu sư khôi juăt Inh păng tơ'bôh ăn kơ lu sư nơ̆r Inh tơtă, wă kơ bơngai bu kiơ̆ gô đei tơdrong arih.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Luka 8:21

Na Yêsu khan: “Bơngai bu mă mơ̆ng păng kiơ̆ dôm nơ̆r 'Bok Kei-Dei, bơngai noh boih dang mĕ Inh, dang 'nhŏng oh Inh.”

Yo 13:17

Na dang ei iĕm băt boih tơdrong 'noh, yua kơ Inh bơtho. Dah iĕm răk tơdrong 'noh lei iĕm gô hiôk chơt tơduă iĕm tơpă.

Jang 13:39

Bơ̆n kiơ̆ tơdrong juăt Môis đĕch, bơ̆n ưh kơ gơh klaih đơ̆ng tơdrong yoch. Mă-lei dah bơ̆n lui kơ Yêsu, bơ̆n gơh klaih đĭ đơ̆ng tơdrong yoch bơ̆n.

Rom 10:5

Môis chih sơ̆ khan, bu wă kơ 'lơ̆ng hăm 'Bok Kei-Dei, sư athei kiơ̆ tơdrong juăt 'Bok Kei-Dei pơkă mă truh um nhen tơnen tơpă na sư 'lơ̆ng hăm 'Bok Kei-Dei gơh arih ling-lang.

Rom 2:25

Lu iĕm bơngai Juđê kăt tơdra akar khan kăl tơpă wă tơbăt kơ đe iĕm kiơ̆ tơdrong juăt 'Bok Kei-Dei pơkă truh um. Trŏ mơ̆n dah iĕm kiơ̆ tơdrong juăt 'Bok Kei-Dei pơkă truh um, lei tơdrong iĕm kăt tơdra akar noh kư̆m kăl mơ̆n. Mă-lei iĕm ưh kơ kiơ̆ tơdrong 'Bok Kei-Dei tơpă ôh, thoi noh tơdrong iĕm kăt tơdra akar dang ưh kơ yua ôh.

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.

Rom 3:23

đĭ-đăng kon bơngai weh ataih đơ̆ng 'Bok Kei-Dei kiơ̆ tơdrong yoch ngăl.

Rom 3:30

Tơpă yua kơ đei lăp minh 'nu 'Bok Kei-Dei đĕch. 'Bok Kei-Dei jô̆ bơ̆n bơngai 'lơ̆ng tơpăt yua kơ bơ̆n lui kơ Sư, mă bơngai Juđê mă bơngai nai Sư jô̆ lei-lăi đĕch.

I Kor 4:4

Inh lăng inh kơdih khan ưh kơ đei tơdrong kơnê̆ kiơ ră, mă tơpă inh ưh kơ băt tơpă ôh, pôm 'Bok Kei-Dei đĕch gơh băt sek tơdrong inh.

Galati 2:16

Mă-lei nhôn lui kơ Yêsu boih, nhôn băt kơdih 'Bok Kei-Dei jô̆ lu nhôn 'lơ̆ng tơpăt hăm Sư noh yua kơ nhôn lui păng gơnang kơ Yêsu Krist, ưh kơ sĭ yua kơ nhôn lui kiơ̆ tơdrong juăt Môis khŏm khŏm na 'Bok Kei-Dei jô̆ bơ̆n 'lơ̆ng tơpăt hăm Sư ôh. Dang ei nhôn lui boih kơ Yêsu Krist, na mă 'Bok Kei-Dei jô̆ nhôn bơngai 'lơ̆ng tơpăt hăm Sư. Ưh kơ đei bu 'Bok Kei-Dei wă jô̆ sư 'lơ̆ng tơpăt, dah sư oei gơnang kơ akâu sư kơdih wă kiơ̆ tơdrong juăt Môis.

Galati 5:4

Bơngai bu gơnang kơ akâu sư kơdih wă pơm kiơ̆ tơdrong juăt Môis, khan 'Bok Kei-Dei jô̆ sư bơngai 'lơ̆ng tơpăt hăm Sư, bơngai mă tơchĕng thoi noh, sư wă achăng lê̆ Kră Yang Yêsu Krist boih păng 'Bok Kei-Dei ưh kơ jô̆ kơ sư bơngai 'lơ̆ng tơpăt hăm Sư ôh.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 5:1

Môis krao đĭ-đăng bơngai Isơrael na khan: Ơ bơngai Isơrael! Mơ̆ng bĕ dôm lu khôi juăt păng nơ̆r tơtă inh roi ăn kơ lu iĕm băt năr 'nâu; lu iĕm athei pơhrăm hŏk iŏk mă pơ'lơ̆ng pơm kiơ̆ dôm lu tơdrong noh.

Both 6:3

Ơ Isơrael, mơ̆ng bĕ păng pơm kiơ̆ tơdrong noh wă kơ iĕm gơh đei pŭn hiôk păng rai lơ, dêh char thoi đak toh đak sut mă Kră Yang 'Bok Kei-Dei lu 'bok iĕm đei pơkă hăm lu iĕm.

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.