Rom 16:9 - Sơ̆p Hlabơar Nơ̆r 'Bok Kei-Dei

⁹ Inh kư̆m wă jet gia lăng Uban, sư kư̆m jang tơdrong Yêsu Krist hơdai hăm bơ̆n. Păng inh kư̆m wă jet gia Satach, inh 'mêm kơ sư tơpă.

Rom 16:9 Iomraidhean Croise

Rom 16:21

Timôthê, sư bơngai jang hơdai inh, sư kư̆m đei nơ̆r jet gia iĕm mơ̆n. Na lu đe âu dơ̆ng kư̆m lei-lăi: Lusiu, Jason, Sôssi, lu sư 'nhŏng oh inh ngăl kư̆m hơdai jet gia iĕm mơ̆n.

Rom 16:7

Inh đei nơ̆r jet gia bre Andrônik păng Junnia, bre sư 'nhŏng oh inh; sơ̆ bre sư kư̆m oei tơ lăm hnam phak hơdai hăm inh. Lu jơ̆ng 'bang Yêsu Krist kư̆m ư-ang kơ bre sư mơ̆n. Bre sư lui kơ Yêsu Krist hơdrol kơ inh.

Rom 16:8

Inh đei nơ̆r jet gia Ampliat, inh 'mêm kơ sư yua kơ sư lui kơ Kră Yang Yêsu Krist.

Rom 8:11

Sơ̆ 'Bok Kei-Dei yua Yang Bơhngol 'Lơ̆ng Sư tơiung arih Yêsu đơ̆ng lôch. Dah Yang Bơhngol 'Lơ̆ng oei lăm bơ̆n, lei ning-mônh 'Bok Kei-Dei kư̆m yua Yang Bơhngol 'Lơ̆ng Sư tơiung arih bơ̆n đơ̆ng lôch mơ̆n.

II Kor 12:2

Bơngai noh sư kư̆m lui kơ Yêsu Krist. Lăm minh 'măng mơjĭt-puăn sơnăm hơdrol sơ̆, 'Bok Kei-Dei atŏk sư truh tơ anih 'Bok Kei-Dei tơ plĕnh ti, ưh kơ băt atŏk hăm akâu sư hloi, dah atŏk bơhngol sư đĕch; tơdrong noh inh kư̆m ưh kơ băt tơpă, 'Bok Kei-Dei đĕch băt.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Galati 1:22

Kơplah dôm sơnăm noh lu bơngai lui tơ dêh char Juđê tam mă tơ'bơ̆p inh ôh.

Philip 2:25

Dang ei inh athei Êpaphôdit jah brŏk tơ iĕm, đơ̆ng iĕm wơh sư năm ăn kơ inh tơmam, hăm iĕm wă kơ sư tơgŭm inh tơ âu. Sư 'nhŏng oh bơ̆n 'lơ̆ng tơpă, jang tơgŭm inh, dang linh tơgŭm băl tơdrong tơblah.