Rom 16:5 - Sơ̆p Hlabơar Nơ̆r 'Bok Kei-Dei

⁵ Inh kư̆m đei nơ̆r jet gia lu bơngai mă juăt kơ akŭm tơ hnam bre sư. Inh kư̆m đei nơ̆r jet gia Êpanet, inh 'mêm kơ sư tơpă. Lăm dêh Asi sư boih lui kơ Yêsu Krist hơdrol kơ đe.

Rom 16:5 Iomraidhean Croise

Mathiơ 18:20

Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”

Jang 16:6

Lu đe Pôl yak brih apŭng Phiji păng dêh char Galati yua kơ Yang Bơhngol 'Lơ̆ng ưh kơ ăn kơ lu sư bơtho tơdrong 'Bok Kei-Dei tơ dêh char Asi.

Jang 18:12

Lăp Galiôn tŏk pơm kră pơgơ̆r tơ dêh char Grĕk, lu bơngai Juđê pơđâu băl pôm đon na lu sư năm rôp Pôl anhăk sư tơ anih lu kră sek tơlang.

Jang 18:27

Apôlê kư̆m wă năm tơ dêh char Grĕk mơ̆n. Na lu bơngai lui tơ Pơlei Êphêsô tơgŭm sư chih kơ sư kơthơ wă chĕp ba ăn kơ lu buăl lui tơ dêh char Grĕk, apinh lu bơngai lui ei sơng iŏk sư. Lăp Apôlê truh tơ char Grĕk boih, Apôlê bơtho tơgŭm tơpă kơ lu bơngai 'Bok Kei-Dei mơnat ăn lui kơ Yêsu boih.

Jang 2:9

Bơ̆n phŏ phŏ đei bôl mơ'nah đơ̆ng dêh char Parthê, mơ'nah đơ̆ng dêh char Mêđơ, mơ'nah đơ̆ng dêh char Êlam, mơ'nah đơ̆ng dêh char Mesôpôtôme, mơ'nah đơ̆ng dêh char Juđê; kư̆m đei mơ'nah đơ̆ng Kapadôs, kư̆m đei mơ'nah đơ̆ng dêh char Pôntơ, kư̆m đei dơ̆ng mơ'nah đơ̆ng dêh char Asi.

Rom 11:16

Âu inh wă pơma kơ iĕm gah tơdrong đe pơyơ̆r kơ 'Bok Kei-Dei 'ba hrôih. Sư ăn pơgia lăp tŏ sĕt đĕch mă-lei dang sư ăn đĭ kơ 'ba sư mơ̆n. Bơ̆n 'bôh tơm 'long ayơ 'lơ̆ng, đĭ kơ dơng sư kư̆m 'lơ̆ng mơ̆n. Lu bơngai Isơrael kư̆m thoi noh, sơ̆ 'bok kơdră lu sư pơyơ̆r ăn akâu sư kơ 'Bok Kei-Dei, noh kư̆m dang sư pơyơ̆r đĭ lu kon sâu sư mơ̆n; tơm sư ăn kơ 'Bok Kei-Dei boih, wĕch kư̆m thoi noh.

Rom 15:26

Jên noh đơ̆ng lu bơngai tơmoi mă ưh kơ khŭl Juđê tơ dêh Masêđôn păng dêh Grĕk mơnat ăn kơ lu bơngai lui dơnuh hin tơ Pơlei Jêrusalem wă kơ lu sư chă asong băl jên noh.

Rom 16:12

Păng inh kư̆m wă jet gia lăng bre duch Triphen păng duch Triphô, bre sư kư̆m hơdai jang tơdrong Kră Yang Yêsu Krist. Păng inh wă jet gia duch Phersi, inh băt sư jang tơdrong Kră Yang Yêsu Krist gleh dêh na bơ̆n 'mêm kơ sư tơpă.

Rom 16:4

Sơ̆ inh đei tơdrong đe wă pơlôch, na bre sư tơdŏng inh, bre sư nuih dêh ưh kơ hli kơ đe wă pơlôch hăm bre sư. Na inh păng đĭ-đăng bơngai lui tơmoi bơnê kơ bre sư tơpă.

Rom 16:6

Inh kư̆m đei nơ̆r wă jet gia duch Mari, sư jang tơgŭm iĕm gleh tơpă.

Rom 16:8

Inh đei nơ̆r jet gia Ampliat, inh 'mêm kơ sư yua kơ sư lui kơ Kră Yang Yêsu Krist.

I Kor 16:15

Iĕm kư̆m băt mơ̆n Sêphanna păng hnam dơnŏ sư, lu sư lui kơ Kră Yang hơdrol kơ đe lăm dêh Grĕk, lu sư adrin tơgŭm lu bơngai lui ling-lang.

I Kor 16:19

Lu khŭl lui kơ 'Bok Kei-Dei tơ dêh Asi đei nơ̆r jet gia iĕm. 'Bok Akila, yă Prisil păng đĭ dôm lu bơngai lui juăt kơ akŭm tơ hnam bre sư kư̆m đei nơ̆r jet gia iĕm mơ̆n yua kơ bơ̆n minh khŭl bơngai lui kơ Kră Yang.

II Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi oh bơ̆n Timôthê chih hơpong kơ lu 'nhŏng oh bơngai lui tơ pơlei iĕm Kôrintô, lu mă 'Bok Kei-Dei rơih iŏk, hăm đĭ-đăng kơ lu kon 'Bok Kei-Dei jơ̆p kơ dêh Grĕk.

II Kor 9:2

yua kơ inh băt kơ iĕm 'maih tơgŭm bôl tơpă. 'Noh na inh roi pơang tơdrong lu iĕm mă oei tơ dêh Grĕk kơ lu bơngai lui tơ dêh Masêđôn, tơdrong iĕm 'maih tơgŭm lu đe noh đơ̆ng sơnăm sơ̆ boih. Lu sư 'bôh iĕm chơgăm, lu sư kư̆m 'maih mơ̆n.

Kôlôsê 4:15

Iĕm pơtruh kơ lu 'nhŏng oh bơ̆n tơ Pơlei Laodisê hŏ, inh kư̆m đei nơ̆r jet gia lu sư mơ̆n. Păng pơtruh kơ Nimpha hăm lu bơngai mă juăt kơ akŭm tơ hnam sư.

Phil 1:2

Păng nhi kư̆m đei nơ̆r jet gia bre Abia hăm Achĭp. Bre sư oh nhôn yua kơ sư lui. Achĭp sư kư̆m jang tơdrong 'Bok Kei-Dei thoi bơ̆n mơ̆n. Păng nhi kư̆m jet gia đĭ-đăng 'nhŏng oh bơngai lui mă juăt năm akŭm tơ hnam iĕm.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

III Yo 1:1

Inh kră wei-lăng bơngai lui chih kơthơ âu. Hmach kơ ih, Guơs. Inh 'mêm kơ ih tơpă kơlih kơ ih bơngai lui 'lơ̆ng.

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.