Rom 16:22 - Sơ̆p Hlabơar Nơ̆r 'Bok Kei-Dei

²² Anăn inh Terruis, Pôl athei inh chih tơgŭm sư kơthơ âu, inh kư̆m hơdai jet gia đĭ-đăng kơ iĕm bơngai lui kơ Kră Yang Yêsu Krist tơ iĕm âu.

Rom 16:22 Iomraidhean Croise

Rom 16:8

Inh đei nơ̆r jet gia Ampliat, inh 'mêm kơ sư yua kơ sư lui kơ Kră Yang Yêsu Krist.

I Kor 16:21

Kơthơ âu nơ̆r inh pơma, buăl inh chih. Lăp wă jê̆ tôch na ti inh Pôl chih kơdih.

Galati 6:11

Iĕm lăng. Kơthơ âu nơ̆r inh pơma, buăl nhôn chih; lăp wă jê̆ tôch âu na ti inh chih kơdih. Na inh chih chư phara 'biơ̆ kơ kơpal 'nâu.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

Kôlôsê 4:18

Kơthơ âu nơ̆r inh Pôl pơma, buăl inh chih; lăp wă jê̆ tôch na ti inh chih kơdih. Iĕm 'nĕ hiơt kơ inh, đe oei chô̆ hăm tơlei glang mam ling-lang. Inh apinh 'Bok Kei-Dei wei-lăng iĕm tôm tơdrong.

II Tes 3:17

Kơthơ âu nơ̆r inh pơma, buăl inh chih. Lăp wă jê̆ tôch na ti inh chih kơdih boih. Thoi noh na iĕm băt kơnăl kơ kơthơ âu inh chih ăn kơ lu iĕm tơpă. Rim 'măng nhôn chih, lăp wă jê̆ tôch tơ ala kơthơ, inh kư̆m chih lei-lăi thoi noh mơ̆n.

Phil 1:19

Âu hŏ, tơ̆ng ih wă kơ sư duh kơ ih, dang ei inh chih hla bơar kơ ih păng ti inh kơdih, inh wă kơ ih băt kơ inh wă duh dŏng sư tơpă. Mă-lei ih kư̆m dang bơngai hre kơ inh mơ̆n kơlih kơ ih lui kơ Yêsu Krist đơ̆ng inh bơtho.