Rom 16:17 - Sơ̆p Hlabơar Nơ̆r 'Bok Kei-Dei

¹⁷ Ơ 'nhŏng oh, iĕm athei kơchăng hli kơ iĕm lui jrok kiơ̆ lu bơngai lui ưh kơ tat, hli kơ iĕm achăng lê̆ tơdrong lui tơpăt mă đe juăt kơ bơtho; na iĕm athei weh 'biơ̆ đơ̆ng lu sư. Lu sư wă pơrăm lu bơngai lui bơ̆n, chă pơjah pơjăng păng bơ̆n.

Rom 16:17 Iomraidhean Croise

Mathiơ 18:17

Dah sư ưh tam mă chu kơ lu bơngai kơdranh pơma lei iĕm khan kơ lu bơngai mă akŭm lăm hnam 'Bok Kei-Dei. Dah sư oei sơngah ưh kơ chu kơ lu bơngai akŭm lăm hnam 'Bok Kei-Dei lei iĕm lăng sư thoi bơngai tơmoi khŭl nai păng thoi bơngai iŏk jên thuê̆ đĕch.

Mathiơ 18:7

Tơpă yơh bơ̆n gô đei tơdrong đe pơhlŭ bơ̆n pơm yoch, mă-lei lu bơngai pơhlŭ bơ̆n noh, ning-mônh 'Bok Kei-Dei gô phak pơmat lu sư kal dêh.

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

Luka 17:1

Yêsu khan kơ lu bơngai pơhrăm păng Sư thoi âu: “Tơpă yơh iĕm gô đei tơdrong đe pơhlŭ iĕm wă kơ iĕm pơm yoch, mă-lei lu bơngai mă pơhlŭ iĕm noh sư gô pơmat-tat.

Jang 15:24

Nhôn kơtơ̆ng ang lu bơngai đơ̆ng nhôn năm bơtho iĕm khan athei iĕm kăt tơdra akar păng răk dôm lu tơdrong juăt Môis pơkă. Đơ̆ng sơ̆ nhôn ưh kơ athei iĕm pơm thoi noh ôh, na dang ei iĕm hơwơ̆l boih. Lu bơngai athei iĕm răk dôm tơdrong juăt Môis pơkă noh, lu sư năm bơtho kơdih đĕch. Nhôn ưh kơ wơh sư ôh.

I Kor 11:18

Tơdrong mă mônh thoi âu: Inh kơtơ̆ng ang đơ̆ng đe khan lăm lu iĕm akŭm đei tơklah băl đon đei 'bar pêng khŭl. Đe khan kơ inh thoi noh inh kư̆m lui kơ sư 'biơ̆ mơ̆n.

I Kor 3:3

yua kơ iĕm oei kiơ̆ kơ sĕch akar thoi bơngai ala teh, iĕm oei tơklai băl, iĕm oei pơjah pơjăng tơhil băl. Iĕm pơm thoi noh dang lĕ oei lei-lăi kơ bơngai kiơ̆ kơ sĕch akar ala teh đĕch.

Galati 2:4

Đei mơ̆n lu bơngai nai đĕch athei nhôn kăt tơdra akar Tĭt. Mă-lei lu bơngai noh ưh kơ trŏ bơngai lui tơpă ôh. Lu sư mơ̆t akŭm hơdai hăm nhôn, lăng sư thoi bơngai lui mơ̆n, mă tơpă lăm to sư ưh ôh. Bơ̆n bơngai rơngei yua kơ bơ̆n lui kơ Yêsu Krist. Bơ̆n ưh kơ kăl kiơ̆ dôm tơdrong juăt lu bơngai Juđê mă đơ̆ng Môis pơkă kơ sư. Lu sư mơ̆t akŭm hơdai nhôn wă chă lăng tơdrong bơ̆n lui thoi yơ, lu sư wă kơ bơ̆n kiơ̆ dôm tơdrong juăt lu bơngai Juđê. Tơdrong juăt bơngai Juđê anat tơpă, dah bu wă kiơ̆, bơngai 'noh sư dang jing đĭch.

Philip 3:17

Ơ lu 'nhŏng oh, iĕm athei kiơ̆ tơdrong thoi inh lui, hăm kiơ̆ thoi lu bơngai lui trŏ thoi nhôn.

Kôlôsê 2:8

Iĕm athei kơchăng hli kơ bơngai hơlĕnh pơhlŭ iĕm. Sư khan sư bơtho tơdrong trŏ, tơdrong đe gĭt; mă tơpă ưh ôh, sư bơtho tơdrong kư̆ kă đĕch, tơdrong ưh kơ đei, tơdrong kiơ̆ kơ đon kon bơngai tơchĕng. Lu sư bơtho tơdrong yang tơ ala teh, ưh kơ 'bơm tơdrong Yêsu Krist ôh.

II Tes 3:6

Ơ lu 'nhŏng oh, Kră Yang bơ̆n Yêsu Krist wă kơ nhôn bơtho iĕm thoi âu: Iĕm athei weh ataih đơ̆ng lu 'nhŏng oh lui mơ̆n mă sư alah kơ jang. Nhôn kư̆m bơtho sư mơ̆n ki, athei sư jang pơnam 'nĕ kơ alah. Mă-lei dang ei sư oei alah 'mơ̆i.

I Tim 1:3

Inh wă kơ ih kư̆ oei tơ Pơlei Êphêsô, kư̆m thoi inh athei ih ki lăp inh wă năm đơ̆ng Pơlei Êphêsô tơ dêh char Masêđôn. Na inh athei ih oei tơ pơlei âu khŏm khŏm yua kơ đei lu bơngai tơ noh bơtho tơdrong ưh kơ trŏ tơdrong 'Bok Kei-Dei tơpă. Na ih athei khă lu sư 'nĕ pă bơtho thoi noh dơ̆ng.

II Tim 3:5

Lu sư mơ'nah pơm thoi bơngai lui mơ̆n mă-lei sư ưh kơ lui tơpă ôh. Sư ưh kơ băt kơ 'Bok Kei-Dei pơklaih bơ̆n ăn kơ bơ̆n jing bơngai 'lơ̆ng tơpăt păng jang tơdrong Sư pran kơtang. Ih athei weh ataih đơ̆ng lu bơngai 'noh.

Tit 3:10

Bơngai lui bu mă bơtho tơdrong 'Bok Kei-Dei sư bơtho chroih tơ nai, sư wă kơ đe kiơ̆ gah tơdrong sư đĕch, ih athei khă sư truh 'bar 'măng hŏ. Na ih khă dơ̆ng truh pêng 'măng boih, sư tam mă chu kơ ih, ih pơih sư 'nĕ pă ăn sư bơtho dơ̆ng.

I Yo 2:19

Lu bơngai ayăt kơ Yêsu Krist dang ei, tơm hmơm sơ̆ sư khan sư wă bôl lu bơngai lui tơpă, mă dang ei sư achăng tŭk lu bơ̆n bơngai lui. Dah sư bôl bơ̆n bơngai lui tơpă lei sư bôl bơ̆n ling-lang ưh kơ đei layơ tŭk. Na dang ei sư achăng tŭk bơ̆n tơpă boih, noh bơ̆n băt lơ̆m lu sư ưh kơ đei bu buăl bơ̆n.

Ju 1:19

Lu bơngai noh pơm tơdrong tơhiŭl wă tơklah đon lu bơngai lui. Lu sư bơngai kiơ̆ kơ jơhngơ̆m kơdih 'maih pơm, ưh kơ đei Yang Bơhngol 'Lơ̆ng oei hơdai ôh.