Rom 16:15 - Sơ̆p Hlabơar Nơ̆r 'Bok Kei-Dei

¹⁵ Inh kư̆m wă jet gia Philô păng yă Jula, Nerê, hăm mŏ mai sư; păng Ôlem păng đĭ-đăng bơngai lui mă oei hăm lu sư.

Rom 16:15 Iomraidhean Croise

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Mathiơ 5:47

Dah iĕm bôl tơduă lu 'nhŏng oh iĕm đĕch, lei 'Bok Kei-Dei lăng iĕm ưh kơ đei pha kiơ ôh. Lei lu bơngai mă ưh kơ lui kư̆m pơm thoi noh mơ̆n.

Jang 9:13

Anania tơl: “Ơ Kră Yang Yêsu, inh kơtơ̆ng lơ 'măng boih Sôl âu dah kiơ pơm kơnê̆ kơ lu bơngai lui kơ Ih tơ Pơlei Jêrusalem?

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Rom 16:14

Inh kư̆m wă jet gia lăng lu đe âu thoi yơ: Asin, Plêgon, Hêmes, Pattrô, Hemmơ păng đĭ-đăng kơ lu 'nhŏng oh mă oei hơdai lu sư.

Êphêsô 1:1

Inh Pôl bơngai 'Bok Kei-Dei rơih pơm jơ̆ng 'bang Yêsu Krist. Inh chih hơpong kơ lu kon 'Bok Kei-Dei tơ Pơlei Êphêsô, lu iĕm bơngai lui kơjăp minh jơhngơ̆m minh đon hăm Yêsu Krist.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.