Rom 16:13 - Sơ̆p Hlabơar Nơ̆r 'Bok Kei-Dei

¹³ Inh kư̆m đei nơ̆r wă jet gia Ruphus, đe ư-ang kơ sư tơpă yua kơ sư lui kơ Kră Yang Yêsu Krist kơjăp. Inh kư̆m wă jet gia mĕ sư thoi yơ, mă mĕ sư kư̆m dang mĕ inh mơ̆n.

Rom 16:13 Iomraidhean Croise

Mathiơ 20:16

Tơdrong âu Yêsu pơma pơtih gia kơ 'Bok Kei-Dei wă pơgơ̆r bơ̆n: “Mă dôm tơdrong kiơ lu bơngai mă pơm iĕ kơ đe dang ei, ning-mônh sư gô tih; dôm lu bơngai pơm tih kơ đe dang ei ning-mônh sư jing iĕ.”

Markôs 15:21

Đei minh 'nu bơngai, anăn sư Simôn đơ̆ng Pơlei Siren. Sư 'bă bre Aleksandrê păng Ruphus. Sư năm brih trong ei wă mơ̆t tơ Pơlei Jêrusalem ră na lu linh pơgŏ sư tôi kơ Yêsu 'long pơglang.

Markôs 3:35

Bu pơm kiơ̆ kơ 'Bok Kei-Dei, bơngai 'noh dang 'nhŏng oh Inh păng mĕ Inh.”

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 19:27

Păng khan kơ bơngai pơhrăm păng Sư: “'Noh mĕ ih.” Đơ̆ng năr noh bơngai pơhrăm ei anhăk ba mĕ Yêsu oei tơ hnam sư.

Rom 16:12

Păng inh kư̆m wă jet gia lăng bre duch Triphen păng duch Triphô, bre sư kư̆m hơdai jang tơdrong Kră Yang Yêsu Krist. Păng inh wă jet gia duch Phersi, inh băt sư jang tơdrong Kră Yang Yêsu Krist gleh dêh na bơ̆n 'mêm kơ sư tơpă.

Rom 16:14

Inh kư̆m wă jet gia lăng lu đe âu thoi yơ: Asin, Plêgon, Hêmes, Pattrô, Hemmơ păng đĭ-đăng kơ lu 'nhŏng oh mă oei hơdai lu sư.

Êphêsô 1:4

Adrol kơ 'Bok Kei-Dei tam mă pơjing plĕnh teh sơ̆, Sư rơih iŏk bơ̆n boih, yua kơ Yêsu Krist wă lôch tang bơ̆n. Sư rơih iŏk bơ̆n wă kơ bơ̆n jing 'lơ̆ng tơpăt huay kơ đei tơdrong yoch 'bơ̆t anăp Sư.

II Tes 2:13

Ơ lu 'nhŏng oh, gah iĕm Kră Yang Yêsu Krist 'mêm mơnat kơ iĕm tơpă. 'Bok Kei-Dei wă kơ nhôn ling-lang krao khan bơnê kơ Sư kơlih kơ Sư rơih iŏk iĕm đơ̆ng blŭng-a sơ̆ wă kơ iĕm klaih đơ̆ng tơdrong yoch păng wă kơ Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă jang tơdrong Sư; păng Sư ăn kơ iĕm lui kơ tơdrong Kră Yang Yêsu Krist.

I Tim 5:2

Ih lăng lu yă kră thoi mĕ ih păng ih lăng lu drŏ-kăn 'lơ̆p kơ ih kư̆m thoi oh ih mơ̆n, ih athei pơma dơnuh păng sư mă 'lơ̆ng đĕch.

II Yo 1:1

Inh kră wei-lăng bơngai lui chih hơpong kơ iĕm 'nhŏng oh. Yua kơ 'Bok Kei-Dei rơih iŏk iĕm na inh 'mêm kơ iĕm tơpă. Bơ̆n jing 'nhŏng oh bơngai lui. Mă-lei ưh kơ sĭ kơdrô̆ inh ôh 'mêm kơ iĕm, dôm lu bơngai băt tơdrong 'Bok Kei-Dei tơpă sư kư̆m 'mêm kơ iĕm mơ̆n.