Rom 16:12 - Sơ̆p Hlabơar Nơ̆r 'Bok Kei-Dei

¹² Păng inh kư̆m wă jet gia lăng bre duch Triphen păng duch Triphô, bre sư kư̆m hơdai jang tơdrong Kră Yang Yêsu Krist. Păng inh wă jet gia duch Phersi, inh băt sư jang tơdrong Kră Yang Yêsu Krist gleh dêh na bơ̆n 'mêm kơ sư tơpă.

Rom 16:12 Iomraidhean Croise

Mathiơ 5:47

Dah iĕm bôl tơduă lu 'nhŏng oh iĕm đĕch, lei 'Bok Kei-Dei lăng iĕm ưh kơ đei pha kiơ ôh. Lei lu bơngai mă ưh kơ lui kư̆m pơm thoi noh mơ̆n.

Mathiơ 9:38

Thoi noh na bơ̆n athei adrin krao khan apinh tơ'ngla tơm mir âu wă wơh lơ bơngai năm tơgŭm kĕch iŏk 'ba âu.”

Rom 16:11

Inh kư̆m wă jet gia lăng 'nhŏng inh Hêrô păng inh kư̆m wă jet gia hnam dơnŏ đe Narri lu mă lui kơ Kră Yang Yêsu Krist.

Rom 16:13

Inh kư̆m đei nơ̆r wă jet gia Ruphus, đe ư-ang kơ sư tơpă yua kơ sư lui kơ Kră Yang Yêsu Krist kơjăp. Inh kư̆m wă jet gia mĕ sư thoi yơ, mă mĕ sư kư̆m dang mĕ inh mơ̆n.

I Kor 15:10

Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

I Kor 16:16

Ơ 'nhŏng oh, inh athei iĕm chu yom kơ sư păng đĭ-đăng lu bơngai mă gơh jang thoi sư noh.

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

I Tim 4:10

Thoi noh na bơ̆n athei adrin tơpă jang tơdrong 'Bok Kei-Dei yua kơ bơ̆n băt tơpă boih Sư arih ling-lang păng dŏng pơklaih đĭ-đăng bơngai đơ̆ng tơdrong yoch, dôm lu bơngai lui kơ Sư.