Rom 16:10 - Sơ̆p Hlabơar Nơ̆r 'Bok Kei-Dei

¹⁰ Inh đei nơ̆r jet gia Apelơ, sư đei tơdrong gleh mă-lei sư oei lui kơ Yêsu Krist kơjăp. Inh kư̆m wă jet gia lăng hnam dơnŏ đe Rihtô sư thoi yơ.

Rom 16:10 Iomraidhean Croise

Rom 14:18

Bơngai mă lui yom kơ Yêsu thoi noh, bơngai noh 'Bok Kei-Dei lăp đon, mă tơduă kon bơngai kư̆m lăp đon mơ̆n.

Rom 16:3

Na dang ei inh wă jet gia tôm kơ iĕm tơ âu: Bĭ bre Prisil păng Akila bre sư thoi yơ dang ei? Sơ̆ bre sư jang tơdrong Kră Yang Yêsu Krist hơdai hăm inh.

Rom 16:7

Inh đei nơ̆r jet gia bre Andrônik păng Junnia, bre sư 'nhŏng oh inh; sơ̆ bre sư kư̆m oei tơ lăm hnam phak hơdai hăm inh. Lu jơ̆ng 'bang Yêsu Krist kư̆m ư-ang kơ bre sư mơ̆n. Bre sư lui kơ Yêsu Krist hơdrol kơ inh.

Rom 8:11

Sơ̆ 'Bok Kei-Dei yua Yang Bơhngol 'Lơ̆ng Sư tơiung arih Yêsu đơ̆ng lôch. Dah Yang Bơhngol 'Lơ̆ng oei lăm bơ̆n, lei ning-mônh 'Bok Kei-Dei kư̆m yua Yang Bơhngol 'Lơ̆ng Sư tơiung arih bơ̆n đơ̆ng lôch mơ̆n.

I Kor 11:19

Iĕm ling-lang juăt kơ tơklah dih băl đon thoi noh iĕm tơchĕng lăng, bu kơ iĕm pơm đon 'lơ̆ng đon kơnê̆.

II Kor 12:2

Bơngai noh sư kư̆m lui kơ Yêsu Krist. Lăm minh 'măng mơjĭt-puăn sơnăm hơdrol sơ̆, 'Bok Kei-Dei atŏk sư truh tơ anih 'Bok Kei-Dei tơ plĕnh ti, ưh kơ băt atŏk hăm akâu sư hloi, dah atŏk bơhngol sư đĕch; tơdrong noh inh kư̆m ưh kơ băt tơpă, 'Bok Kei-Dei đĕch băt.

II Kor 2:9

Kơthơ inh chih kơ iĕm ki, athei iĕm bơtho khan kơ bơngai yoch noh, ưh kơ sĭ inh wă hil kơ sư ôh, inh chih wă pơlong lăng iĕm, wă kơ băt iĕm chu lăm dôm tơdrong.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

II Kor 8:22

Minh 'nu 'nhŏng oh âu dơ̆ng inh kư̆m wơh sư kiơ̆ Tĭt, inh pơlong lăng sư lơ tơdrong boih, na inh băt kơ sư adrin adran jang tơdrong 'Bok Kei-Dei tơpă. Na dang ei sư băt kơ iĕm wă adrin pơjing tơdrong noh, sư rai 'maih adrin loi.

Galati 1:22

Kơplah dôm sơnăm noh lu bơngai lui tơ dêh char Juđê tam mă tơ'bơ̆p inh ôh.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

Philip 2:22

Mă-lei iĕm băt boih kơ Timôthê sư bơngai 'lơ̆ng tơpă; sư jang tơgŭm inh bơtho tơdrong Yêsu Krist, thoi lĕ kơ kon jang tơgŭm 'bă.

I Tim 3:10

Iĕm athei pơlong lăng sư 'mơ̆i. Dah sư jang 'lơ̆ng na iĕm ăn kơ sư jang ling-lang.

II Tim 4:19

Inh jet gia yă Prisil păng Akila păng hnam dơnŏ Ônêsip.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.