Rom 16:1 - Sơ̆p Hlabơar Nơ̆r 'Bok Kei-Dei

^1-2 Âu duch nă bơ̆n yă Phêbê wă năm ngôi hơpong tơ iĕm. Sư bơngai jang lăm hnam 'Bok Kei-Dei tơ Pơlei Sankrê. Sư bơngai 'lơ̆ng, na inh apinh iĕm sơng iŏk sư mă trŏ 'biơ̆ hŏ, yua kơ sư kư̆m hơdai bơngai lui kơ Kră Yang Yêsu Krist thoi bơ̆n. Păng inh wă kơ iĕm tơgŭm sư tôm tơmam sư kăl yua, yua kơ sư bơngai tơgŭm đe dêh sơ̆, truh tơ inh sư kư̆m tơgŭm mơ̆n.

Rom 16:1 Iomraidhean Croise

Mathiơ 12:50

Bu pơm kiơ̆ kơ 'Bă Inh mă oei tơ plĕnh ti, bơngai 'noh dang 'nhŏng oh Inh păng mĕ Inh.”

Markôs 10:30

bơngai 'noh dang ei 'Bok Kei-Dei tơgŭm sư hloh loi kơ sư tam mă lui sơ̆, mă hnam, mă 'nhŏng oh, mă mĕ 'bă, mă kon, mă mir 'ba, sư gô đei lơ hloh kơ sơ̆ tơpă. Sư kư̆m đei tơdrong anat anot yua kơ jang tơdrong Inh kơplah dang ei mơ̆n. Mă-lei ning-mônh sư gô arih ling-lang ưh kơ đei layơ tôch.

Luka 8:3

Yă Jôanna akăn Chusa. Chusa noh sư wei-lăng tơmam pơtao Hêrôt. Yă Susana păng kư̆m đei lơ drŏ-kăn nai dơ̆ng kiơ̆ hơdai Yêsu. Lu sư tơgŭm Yêsu păng lu bơngai pơhrăm păng Sư bơ̆n tơmam, bơ̆n jên.

Jang 18:18

Đơ̆ng rŏng kơ noh Pôl oei tơ Pơlei Kôrintô kư̆m đunh 'biơ̆ mơ̆n. Klaih kơ noh sư tơklah đơ̆ng bơngai lui wă năm tơ dêh char Siri. Bre Prisil păng Akila kư̆m kiơ̆ hơdai păng sư mơ̆n. Lu sư năm tơ Pơlei Sankrê. Tơ ei Pôl yuă sŏk. Đunh boih sư ưh kơ yuă sŏk yua kơ sư pơkă hăm 'Bok Kei-Dei tơdrong kiơ kiơ. Dang ei sư pơm đang tơdrong sư pơkă noh na sư gơh yuă sŏk dơ̆ng.

II Kor 3:1

Nhôn pơma thoi noh, nhôn wă kơ iĕm băt kơ nhôn pơm 'bok bơtho iĕm hă? Ưh ôh. Nhôn ưh kơ kăl kơthơ đe chih tơbăt kơ iĕm, kơthơ iĕm chih tơbăt kơ đe khan nhôn 'bok bơtho iĕm ôh. Lu bơngai nai sư wă thoi noh tơpă, mă-lei lu nhôn ưh ôh.

I Tim 5:2

Ih lăng lu yă kră thoi mĕ ih păng ih lăng lu drŏ-kăn 'lơ̆p kơ ih kư̆m thoi oh ih mơ̆n, ih athei pơma dơnuh păng sư mă 'lơ̆ng đĕch.

Phil 1:2

Păng nhi kư̆m đei nơ̆r jet gia bre Abia hăm Achĭp. Bre sư oh nhôn yua kơ sư lui. Achĭp sư kư̆m jang tơdrong 'Bok Kei-Dei thoi bơ̆n mơ̆n. Păng nhi kư̆m jet gia đĭ-đăng 'nhŏng oh bơngai lui mă juăt năm akŭm tơ hnam iĕm.

Ya 2:15

Pơtih gia iĕm 'bôh 'nhŏng oh bơngai lui bơ̆n hrŭk hơbĕn ao hiah, tơmam sa ưh kơ đei.