Rom 15:30 - Sơ̆p Hlabơar Nơ̆r 'Bok Kei-Dei

³⁰ Ơ lu 'nhŏng oh, yua kơ bơ̆n lui kơ Kră Yang bơ̆n Yêsu Krist păng yua kơ Yang Bơhngol 'Lơ̆ng ăn kơ bơ̆n đei đon 'mêm mơnat dih băl tơduă bơ̆n bơngai lui, na inh apinh iĕm adrin krao khan kơ 'Bok Kei-Dei tơgŭm inh hŏ,

Rom 15:30 Iomraidhean Croise

Horiso 143:10

Apinh Ih bơtho inh pơm kiơ̆ Ih wă. Yua kơ Ih boih Kră Yang 'Bok Kei-Dei inh, ăn Yang Bơhngol 'Lơ̆ng Ih ba inh mơ̆t tơ teh đak dơhnă.

II Kor 1:11

Iĕm krao khan tơgŭm nhôn hŏ, wă kơ 'Bok Kei-Dei mơnat kơ nhôn đơ̆ng lơ bơngai krao khan tơgŭm, wă kơ lơ bơngai bơnê kơ 'Bok Kei-Dei tơdŏng đơ̆ng bơngai tơpôl krao khan.

II Kor 12:10

Yua kơ inh wă pơư pơang anăn Yêsu Krist, na inh đei tơdrong rơdu tơrăn, đei tơdrong đe pơjăm, đei tơdrong gleh truh, tơdrong đe pơm pơmat inh, tơdrong anat anot, mă-lei jơhngơ̆m inh hiôk rai pran.

II Kor 4:11

Nhôn arih tơ ala teh âu, đe nŏng kơ wă pơlôch yua kơ nhôn jang tơdrong Yêsu, noh dang akâu nhôn tơbăt kơ đe Yêsu oei arih, mă khan nhôn kon bơngai lôch.

II Kor 4:5

Ưh kơ sĭ nhôn bơtho pơang akâu nhôn kơdih ôh. Nhôn bơtho pơang kơ đe Yêsu Krist Kră Yang bơ̆n; gah nhôn bơngai đĭch đam iĕm yua kơ tơdrong jang Yêsu Krist.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Êphêsô 6:19

Păng inh wă kơ iĕm krao khan tơgŭm inh hai mơ̆n, wă kơ inh hlôh băt dôm tơdrong Sư wă kơ inh bơtho păng wă kơ inh nuih kơ bơtho tơdrong 'nao 'lơ̆ng Sư.

Philip 2:1

Yua kơ bơ̆n pôm đon hăm Yêsu Krist na bơ̆n băt kơ pơlung dih băl, băt kơ 'mêm mơnat dih băl; 'noh yua kơ Yang Bơhngol 'Lơ̆ng oei hăm bơ̆n.

Kôlôsê 1:8

Sư roi kơ nhôn tơdrong Yang Bơhngol 'Lơ̆ng oei hăm iĕm, pơm kơ iĕm băt 'mêm băl tơduă bơngai lui.

Kôlôsê 2:1

Inh wă kơ iĕm băt kơ inh tơchĕng kơ iĕm hăm tơchĕng kơ lu bơngai lui tơ Pơlei Laodisê hăm dôm lu bơngai lui nai tam mă tơ'bơ̆p inh. Tơpă, đon inh tơchĕng ling-lang thoi noh.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

I Tes 5:25

Ơ 'nhŏng oh păng iĕm kư̆m krao khan kơ 'Bok Kei-Dei tơgŭm lu nhôn mơ̆n hŏ.

II Tes 3:1

Ơ lu 'nhŏng oh, tơdrong âu dơ̆ng: Lu iĕm krao khan kơ 'Bok Kei-Dei tơgŭm nhôn 'biơ̆ hŏ, wă kơ lu nhôn gơh bơtho tơdrong Kră Yang Yêsu Krist jơ̆p-jang, wă kơ lơ bơngai lui hăm băt ư-ang tơdrong 'nao 'lơ̆ng Sư, kư̆m thoi iĕm ư-ang tơdrong Sư dang ei mơ̆n.

II Tim 4:1

Năr tôch kơnh Kră Yang Yêsu Krist gô jur tơ ala teh wă pơgơ̆r păng sek tơlang đĭ-đăng bơngai, mă bơngai lôch, mă bơngai arih. Kră Yang 'Bok Kei-Dei păng Kră Yang Yêsu Krist 'bôh bơ̆n ling-lang na ih athei kơchăng, athei bơtho tơdrong Sư ling-lang; mă đe mơ̆ng mă đe ưh, ih kư̆ bơtho đĕch. Ih athei khă đe 'nĕ pă pơm tơdrong yoch păng bơtho đe lui mă kơjăp, bơtho pơlung sư adar adeh.