Rom 15:15 - Sơ̆p Hlabơar Nơ̆r 'Bok Kei-Dei

¹⁵ Mă-lei inh pơ̆n bơtho iĕm yua kơ Sư rơih iŏk inh wă kơ inh jang tơdrong Sư, bơtho lu bơngai tơmoi khŭl iĕm. Thoi noh na inh pơ̆n chih kơ iĕm 'bar pêng tơdrong kơ âu boih wă kơ iĕm 'blŏk hơdơ̆r kơ tơdrong Sư.

Rom 15:15 Iomraidhean Croise

Rom 1:5

Na Kră Yang Yêsu Krist mơnat kơ inh, ăn kơ inh pơm jơ̆ng 'bang Sư, wă kơ inh năm bơtho kơ đĭ-đăng khŭl bơngai jơ̆p kơ teh đak, wă kơ đĭ-đăng bơngai lui kơ Sư păng ư-ang kơ Sư ling-lang.

Rom 12:3

'Bok Kei-Dei ăn kơ inh pơm jơ̆ng 'bang Sư wă kơ inh bơtho ăn kơ iĕm tơdrong Sư, Sư wă kơ iĕm huay kơ pơang kơ đe khan iĕm bơngai hơgei hloh kơ bơngai nai. 'Bok Kei-Dei ăn kơ iĕm hơgei pơm kiơ, gơh jang tơdrong kiơ, iĕm kư̆ kơ jang đĕch kăl kiơ pơang kơ đe.

Rom 12:6

Na 'Bok Kei-Dei ăn kơ bơ̆n phara tơdrong hơgei, mơ'nah sư hơgei pơm kiơ, gơh jang tơdrong kiơ, na bơ̆n athei jang kiơ̆ kơ Sư ăn noh. Dah Sư ăn kơ bơ̆n hơgei gơh tơbăt kơ đe tơdrong Sư, bơ̆n kư̆ kơ jang tơdrong noh. Bơ̆n gơh dang yơ bơ̆n jang dang noh.

I Kor 15:10

Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

I Kor 3:10

'Bok Kei-Dei mơnat kơ inh, ăn kơ inh hơgei gơh pơm hnam. Inh man anih hnam 'lơ̆ng boih, na đei bơngai nai pơm hnam 'bơ̆t ei. Mă-lei bơngai bu mă pơm hnam 'bơ̆t ei athei pơm mă 'lơ̆ng.

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

II Tim 1:6

Sơ̆ inh pel kơ̆l ih wă ăn kơ ih jang tơdrong 'Bok Kei-Dei. Đơ̆ng năr noh sơ̆ 'Bok Kei-Dei ăn kơ ih pran hơgei jang tơdrong Sư. Inh wă kơ ih oei 'blŏk hơdơ̆r kơ năr noh păng kư̆ gơnang kơ Sư na ih jang tơdrong Sư pran hơgei.

II Tim 2:14

Dôm tơdrong inh bơtho âu ih athei bơtho ăn kơ lu bơngai lui dơ̆ng hŏ păng khan kơ lu sư thoi âu: “'Bok Kei-Dei Sư 'bôh bơ̆n na bơ̆n athei kơchăng hŏ. Bơ̆n 'nĕ pơjah pơjăng kư̆ kă. Bơ̆n pơjah pơjăng thoi noh ưh kơ đei yua kiơ ôh, pơrăm đe đĕch dah bơ̆n pơjah thoi noh.”

Tit 3:1

Ih tơ'blŏk ăn kơ lu buăl lui athei sư lui yom kơ dôm lu kră pơgơ̆r; păng dôm tơdrong 'lơ̆ng sư wơh wă kơ bơ̆n pơm, bơ̆n athei pơm mă tơpă.

Hêbrơ 13:22

Ơ 'nhŏng oh, apinh iĕm mơ̆ng 'biơ̆ dôm tơdrong inh chih bơtho iĕm lăm kơthơ âu hŏ, inh chih kư̆m ưh kơ lơ ôh tŏ sĕt đĕch.

I Pet 5:12

Silas 'nhŏng oh bơ̆n bơngai lui, inh lăng sư lui kơjăp tơpă, na kơthơ âu sư chih tơgŭm inh. Nhi chih minh 'bar nơ̆r wă tơbăt kơ iĕm tơdrong bơ̆n lui âu, tơdrong 'Bok Kei-Dei 'mêm mơnat kơ bơ̆n tơpă, na apinh iĕm lui kơjăp bĕ tơdrong noh.

II Pet 3:15

Iĕm 'nĕ pơma kơ tơdrong Sư ưh kơ dah jur, yua kơ Sư mơnat kơ kon tơring tơrang lu tam mă lui, wă kơ lu sư lui thoi iĕm 'mơ̆i, na 'Bok Kei-Dei pơklaih tơdrong yoch lu sư, thoi Sư pơklaih iĕm boih. Pôl, 'nhŏng oh bơ̆n mă bơ̆n 'mêm, 'Bok Kei-Dei ăn kơ sư hơgei gah tơdrong bơtho, sư chih roi kơ iĕm kư̆m lei-lăi thoi noh mơ̆n.

I Yo 5:13

Inh chih kơ iĕm kơthơ âu kơ lu iĕm bơngai mă lui kơ Yêsu Kon 'Bok Kei-Dei wă kơ iĕm băt nhên iĕm gô arih ling-lang păng 'Bok Kei-Dei.