Rom 15:12 - Sơ̆p Hlabơar Nơ̆r 'Bok Kei-Dei

¹² Êsai sơ̆ sư kư̆m khan thoi âu: “Đơ̆ng adrĕch adrung Jesê gô đei minh 'nu bơngai iung pơgơ̆r tôm kơ khŭl kon bơngai jơ̆p kơ teh đak. Đĭ-đăng kon bơngai gô gơnang kơ 'Bok ei.”

Rom 15:12 Iomraidhean Croise

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

I Ho 2:12

'Bôô pơjing Ôbêt, Ôbêt pơjing Jese.

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Mathiơ 12:21

Đĭ-đăng khŭl kon bơngai gơnêh gơnơm sơđơ̆ng kơ Sư tơgŭm.’ ”

I Kor 15:19

Bơ̆n lui kơ Yêsu Krist, bơ̆n gô arih ling-lang, mă-lei dah kiơ̆ kơ đe khan ưh kơ đei arih ling-lang, lei tơdrong arih bơ̆n 'noh pơmat-tat hloh kơ lu bôl nai đĕch.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Yo 3:3

Bơngai bu chang gô Yêsu Krist jur tơ ala teh âu, bơngai 'noh pơm dôm tơdrong 'lơ̆ng tơpăt ngăl, kư̆m thoi Yêsu pơm 'lơ̆ng tơpăt mơ̆n.

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”

Tơdrông Tơ'bôh 5:5

Mă-lei đei minh 'nu lăm lu đe kră noh khan kơ inh thoi âu: “Ih 'nĕ pă nhơ̆m, to gô dăm-brang adrĕch adrung Juđa păng Đawit hek lăng hla bơar noh. Pôm Sư đĕch trŏ kơ hek lăng hla bơar noh, yua kơ Sư tơblah păng yang kơnê̆ jei Sư boih.”