Rom 14:7 - Sơ̆p Hlabơar Nơ̆r 'Bok Kei-Dei

⁷ Bĭ tơdrong Sư ăn kơ bơ̆n arih, ưh kơ sĭ Sư ăn kơ bơ̆n arih wă pơyua akâu bơ̆n arih hiôk jơnap ôh. Tơdrong lôch kư̆m lei-lăi, ưh kơ sĭ Sư ăn kơ bơ̆n lôch wă pơyua akâu bơ̆n ôh.

Rom 14:7 Iomraidhean Croise

Sa 14:21

Dôm lu gŏ lăm pơlei Jêrusalem păng lăm Juđa gô jing rơgoh ăn kơ Kră Yang Tih Hloh; wă kơ đĭ-đăng lu bơngai pơyơ̆r tơmam soi kơ Kră Yang truh, iŏk gŏ noh na pai păng lăm năr noh, gô ưh pă đei minh 'nu bơngai Kanaana lăm hnam Kră Yang Tih Hloh.

Rom 14:9

Truh trong tơdrong lôch, tơdrong arih, pôm Yêsu Krist đĕch truh, pôm Sư đĕch gơh pơgơ̆r bơngai lôch, bơngai arih.

Rom 8:38

Na dang ei inh băt tơpă boih, mă đei tơdrong kiơ kiơ truh kơ bơ̆n, 'Bok Kei-Dei Sư oei 'mêm kơ bơ̆n hơnơ̆ng đĕch, yua kơ bơ̆n băt kơ Kră Yang bơ̆n Yêsu Krist 'mêm kơ bơ̆n tơgŭm bơ̆n lăm tôm tơdrong. Mă bơ̆n lôch, mă bơ̆n oei arih, 'Bok Kei-Dei Sư 'mêm kơ bơ̆n ling-lang tơpă. Na mă linh jang, mă yang kơnê̆, mă yang kiơ wă tơgar iŏk bơ̆n đơ̆ng 'Bok Kei-Dei 'mêm kơ bơ̆n ưh kơ kĕ ôh. Mă tơdrong truh kơ bơ̆n kơnh pơgê, dah layơ Sư ưh kơ lê̆ ôh, Sư wei-lăng lu bơ̆n tơpă.

II Kor 5:15

Sư lôch tang bơ̆n iung arih dơ̆ng, wă kơ bơ̆n arih huay kơ pơyua akâu bơ̆n kơdih, Sư wă kơ bơ̆n arih yua kơ tơdrong jang Sư.

I Tes 5:10

Kră Yang Yêsu Krist lôch tang bơ̆n wă kơ bơ̆n oei hăm Sư ling-lang. Năr Sư jur kơnh, lu bơ̆n bơngai lui, mă bơngai oei arih mă bơngai lôch boih, lu bơ̆n gô oei hơdai păng Sư đĭ-đăng.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

I Pet 4:2

Kơplah bơ̆n oei arih tơ ala teh âu, bơ̆n 'nĕ pă kiơ̆ kơ jơhngơ̆m đon wă, bơ̆n athei kiơ̆ kơ 'Bok Kei-Dei wă đĕch.