Rom 14:3 - Sơ̆p Hlabơar Nơ̆r 'Bok Kei-Dei

³ Na bơngai mă gơh sa tôm tơdrong 'nhĕm 'nhot noh 'nĕ kơ pơjăm bơngai mă giĕng kơ sa. Bơngai mă giĕng kơ sa kư̆m 'nĕ kơ pơjăm bơngai mă gơh sa, yua kơ bơngai mă gơh sa noh 'Bok Kei-Dei kư̆m jô̆ khan kon Sư mơ̆n.

Rom 14:3 Iomraidhean Croise

Sa 4:10

Yua kơ bu pơ̆n pơjăm kơ năr tơdrong iĕ âu? Sư gô chơt hiôk 'bôh tơlei dăng pơtŏ 'bơ̆t ti Sôrôbabel.* Đei tơpơh tŏ măt 'nâu măt Kră Yang năm tơmang lăng jơ̆p kơ teh đak.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Mathiơ 9:14

Kơplah noh lu bơngai pơhrăm păng Yôhan mă pơm 'batem, lu sư năm jet Yêsu thoi âu: “Yua kơ kiơ nhôn hăm lu bơngai Pharisi ơ̆t kơ por wă kơkuh kơ 'Bok Kei-Dei, mă lu bơngai pơhrăm păng Ih ưh kơ ơ̆t?”

Luka 18:9

Yêsu kư̆m pơma pơtih gia thoi âu dơ̆ng kơ lu bơngai mă ngêh kơdih bơngai 'lơ̆ng mă-lei sư pơjăm đe:

Jang 10:34

Na Pêtrôs pơma thoi âu: “Dang ei inh băt tơpă boih 'Bok Kei-Dei jô̆ đĭ-đăng bơngai lei-lăi đĕch.

Jang 10:44

Kơplah Pêtrôs oei pơma na Yang Bơhngol 'Lơ̆ng jur oei tơ rim 'nu lu bơngai mă mơ̆ng nơ̆r Sư bơtho.

Jang 28:2

Lu bơngai nai oei tơ bŏl đak ei mơnat kơ nhôn na tơgŭm nhôn, yua kơ tơ ei bơyan 'mi păng tơngiĕt. Na lu bơngai ei rŭk ŭnh, na pơtơm nhôn nhur ŭnh sư ei.

Rom 11:15

'Bok Kei-Dei ưh kơ iŏk lu bơngai Isơrael dang ei yua kơ lu sư ưh kơ lui kơ Yêsu; noh na Sư ăn kơ iĕm lui hơdrol kơ lu sư, na dang ei iĕm hiôk hăm 'Bok Kei-Dei boih. Ning-mônh lu bơngai Isơrael kư̆m lui kơ Yêsu, 'Bok Kei-Dei kư̆m iŏk lu sư mơ̆n, lu sư gô hiôk dang kơ bơngai iung arih đơ̆ng lôch boih.

Rom 14:1

Gah lu bơngai lui mă ưh tam mă hlôh tôm tơdrong, bơ̆n athei 'mêm kơ sư mơ̆n. Bơ̆n 'nĕ kơ pơjah pơjăng tơdrong sư ưh tam mă hlôh noh.

Rom 14:10

Yua kơ thoi noh na lơliơ iĕm gơh sek tơlang 'nhŏng oh khan bơngai yoch bơngai ưh? Lơliơ iĕm gơh pơjăm sư lĕ? Ning-mônh đĭ-đăng bơ̆n gô dơ̆ng 'bơ̆t anăp 'Bok Kei-Dei sek tơlang ngăl.

Rom 14:13

Bơ̆n băt tơdrong noh thoi noh boih, na bơ̆n 'nĕ pă chă sek tơlang dih băl khan bơngai yoch bơngai ưh, bơ̆n 'nĕ kơ pơm kơ sư hơwơ̆l hli kơ sư jing yoch.

Rom 14:15

Na đơ̆ng âu tơ anăp dah 'nhŏng oh bơngai lui bơ̆n khan 'nĕ kơ sa tơmam noh bơ̆n giĕng, bơ̆n kư̆m 'nĕ kơ sa kiơ̆ kơ sư khan. Dah bơ̆n kư̆ kơ sa, đe jô̆ bưh kiơ bưh, noh ưh kơ 'lơ̆ng ôh, hli kơ sư hơwơ̆l, dang bơ̆n pơyoch sư mơ̆n. Păng bơ̆n jing ưh kơ đei tơdrong 'mêm kơ 'nhŏng oh thoi Yêsu lôch tang bơ̆n, yua kơ hơlŏng bơlŭk bơ̆n đĕch.

Rom 14:21

Tơ̆ng bơ̆n kuă kơ pơyoch 'nhŏng oh bôl buăl, lei bơ̆n 'nĕ kơ pơm minh tơdrong kiơ kiơ hli kơ sư yoch, thoi lĕ kơ sa 'nhĕm 'nhot, dah et sik, dah tơdrong kiơ kiơ nai.

Rom 15:7

Yua kơ thoi noh na iĕm 'nĕ kơ pơdê dih băl, kư̆m thoi Yêsu Krist ưh kơ layơ Sư pơdê bơ̆n, Sư wă kơ đe ư-ang 'Bok Kei-Dei ngăl.