Rom 14:23 - Sơ̆p Hlabơar Nơ̆r 'Bok Kei-Dei

²³ Mă tơdrong sa, mă tơdrong kiơ kiơ noh nai bơ̆n tơchĕng khan băt giĕng băt ưh, mă-lei bơ̆n kư̆ kơ pơm, noh bơ̆n yoch boih yua kơ bơ̆n ưh kơ kiơ̆ kơ đon lui bơ̆n.

Rom 14:23 Iomraidhean Croise

Rom 13:2

Thoi noh tơ̆ng bu ưh kơ chu yom kơ bơngai mă pơgơ̆r bơ̆n, bơngai noh dang sư ưh kơ chu yom kơ 'Bok Kei-Dei, yua kơ lu bơngai noh đơ̆ng 'Bok Kei-Dei ăn pơgơ̆r; na tơ̆ng bu ưh kơ chu, đe rôp phak bơngai noh.

Rom 14:5

Na tơdrong âu dơ̆ng: Đei lu buăl bơ̆n bơngai lui mơ'nah khan, mưh trŏ kơ năr giĕng pơm giĕng, athei oei pơdơh kiơ̆ kơ bơngai Juđê juăt sơ̆. Mă-lei lu buăl nai mơ'nah khan năr noh lei-lăi kơ năr nai đĕch, ưh kơ đei khan năr giĕng ôh. Tơdrong noh gô mơ̆ng kơ bơ̆n tơchĕng kơdih mă-lei bơ̆n athei tơchĕng mă nhên 'mơ̆i na băt kơ năr giĕng tơpă dah ưh, gơh oei kiơ̆ dah ưh.

I Kor 8:7

Bơ̆n băt kơ rup yang ưh kơ yang tơpă ôh, mă-lei ưh kơ sĭ đĭ-đăng kơ bơngai lui ôh băt. Đei lu bơngai mơ'nah sư ưh kơ băt; hơtai sư tam mă lui sơ̆ sư kơkuh kơ rup yang, sư tơchĕng khan 'noh yang tơpă. Na dang ei sư lui kơ Yêsu Krist boih, dah sư sa 'bơm tơmam đe sơmah, jơhngơ̆m sư hli yua kơ sư juăt juăi tơdrong lui sư thoi noh boih; sư tơchĕng đe sơmah kơ yang tơpă, dah sư sa, sư khan sư pơm yoch boih.

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.