Rom 14:2 - Sơ̆p Hlabơar Nơ̆r 'Bok Kei-Dei

² Pơtih gia minh 'nu bơngai lui, sư hlôh boih tơdrong 'Bok Kei-Dei na sư gơh sa tôm tơdrong tơmam sa. Minh 'nu bơngai lui nai ưh tam mă hlôh, sư sŏng sa mơh 'nhot đĕch, ưh kơ sa 'nhĕm.

Rom 14:2 Iomraidhean Croise

Bl 1:29

Kră Yang 'Bok Kei-Dei khan dơ̆ng thoi âu: “Âu Inh ăn kơ lu iĕm 'nhĕt 'nhot chăt đei găr, đah tơ jơ̆p-jang kơ teh đak păng lu 'long plei đei găr, adrĕch noh boih jing tơmam lu iĕm sa.

Bl 9:3

Mă dôm kon sem brem đei tơdrong arih yak mơmŏ kơpal teh gô jing tơmam sa lu iĕm. Inh ăn dôm kon sem brem noh kư̆m thoi Inh ăn boih kơ lu 'bok yă iĕm sơ̆ sa hla 'nhot.

Tơdrông Pơđơk 15:17

Kơtrơ̆m sa săi 'nhot mă-lei oei tơ'mêm băl, Hloh kơ sa 'nhĕm rơmo bek mă-lei đei tơdrong areh băl.

Da 1:12

Inh apinh ih pơlong lăng đĭch đam ih âu lăm mơjĭt năr, ăn kơ lu nhôn sŏng sa 'nhot. Păng nhă đak 'blăng hmă đĕch.

Da 1:16

Thoi noh, Hamensa ming lê̆ tơmam sa 'lơ̆ng păng tơdrô đơ̆ng ăn kơ lu sư sa ră păng ăn kơ lu sư sa 'nhot.

Rom 14:1

Gah lu bơngai lui mă ưh tam mă hlôh tôm tơdrong, bơ̆n athei 'mêm kơ sư mơ̆n. Bơ̆n 'nĕ kơ pơjah pơjăng tơdrong sư ưh tam mă hlôh noh.

Rom 14:14

Yua kơ inh lui kơ Yêsu Krist păng inh gơnang kơ Sư tơpă, na inh băt tôm tơdrong tơmam sa, ưh kơ đei tơmam sa ayơ bơ̆n sa khan yoch. Đơ̆ng đon bơ̆n tơchĕng khan yoch đĕch na jing yoch.

Rom 14:20

Tơdrong sa et iĕ ioch đĕch na wă pơrăm 'nhŏng oh bôl buăl kiơ̆ tơdrong 'Bok Kei-Dei. Bơ̆n băt dôm tơmam sa bơ̆n gơh sa ngăl, mă-lei dah 'nhŏng oh bơ̆n yoch yua kơ bơ̆n sa, noh măk ai kơ bơ̆n mă sa noh boih yua kơ bơ̆n dang pơyoch sư.

Rom 15:1

Lu bơ̆n bơngai mă lui kơjăp boih athei băt tơgŭm lu bơngai lui rơdu, 'nĕ pơjah pơjăng tơdrong sư lui rơdu ưh tam mă kơjăp noh, bơ̆n 'nĕ pơma kơ sư kiơ̆ kơ tơdrong lui bơ̆n.

I Kor 10:25

Tơdah iĕm năm tơ kơchơ wă răt 'nhĕm sa, iĕm 'nĕ apinh bơngai mă tĕch 'nhĕm 'noh: “'Nhĕm ih hăm sơmah ưh?” Iĕm kư̆ kơ răt đĕch,

I Kor 8:9

Iĕm khan iĕm gơh sa kư̆ kă tơmam đe sơmah kơ yang kư̆m bưh, huay kơ kơ̆m ôh; mă-lei iĕm athei kơchăng 'biơ̆ hŏ, iĕm 'nĕ kơ pơm thoi noh hli kơ lu bơngai 'nao lui jing hơwơ̆l na hơdai wang pơm kiơ̆ thoi iĕm.

I Kor 9:22

Kơplah inh chă bơtho kơ lu bơngai ưh kơ gan hlôh tôm tơdrong 'Bok Kei-Dei, inh kư̆m pơm thoi sư mơ̆n wă kơ pơlung sư lui kơjăp. Inh druh kiơ̆ rim đon kon bơngai wă kơ gơh pơlung lu sư lui kơ Yêsu Krist na klaih đơ̆ng dôm tơdrong yoch.

Galati 2:12

Sơ̆ Pêtrôs năm hơpong tơ pơlei nhôn Antiôs, sư kư̆m sŏng sa hơdai lu bơngai nai mă ưh kơ khŭl sư mơ̆n. Na đei minh năr ei Yakơ wơh buăl sư năm tơ nhôn. Lăp lu nhôn wă sŏng sa, na Pêtrôs ưh kơ pơ̆n sŏng sa hơdai hăm lu bơngai mă ưh kơ khŭl sư, yua kơ sư hli kơ buăl sư mă 'nao truh noh hil kơ sư. Lu bơngai noh athei đĭ-đăng lu bơngai lui kơ Yêsu kăt tơdra akar păng ưh kơ ăn lu bơngai Juđê sŏng sa hơdai lu bơngai mă ưh kơ khŭl sư.

I Tim 4:4

Tôm tơdrong 'Bok Kei-Dei pơjing 'lơ̆ng ngăl, bơ̆n gơh sa đĭ-đăng, mă-lei bơ̆n athei krao khan bơnê kơ 'Bok Kei-Dei 'mơ̆i.

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.

Hêbrơ 9:10

Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.