Rom 14:13 - Sơ̆p Hlabơar Nơ̆r 'Bok Kei-Dei

¹³ Bơ̆n băt tơdrong noh thoi noh boih, na bơ̆n 'nĕ pă chă sek tơlang dih băl khan bơngai yoch bơngai ưh, bơ̆n 'nĕ kơ pơm kơ sư hơwơ̆l hli kơ sư jing yoch.

Rom 14:13 Iomraidhean Croise

II Sam 12:14

Mă-lei yua kơ tơdrong ih pơjăm ưh kơ lăng boih Kră Yang lăm tơdrong 'nâu, na kon drŏ-nglo mă akăn ih 'nao tơpŭ kơ ih noh gô lôch.”

Êsai 57:14

Sư gô khan: “Man bĕ, pơdơ̆ng bĕ, hơmet bĕ trong! Bơ'nguơih bĕ lu tơdrong găn kon pơlei Inh.”

Êsêkiên 14:3

“Ơ kon bơngai, lu bơngai âu 'măn boih rup yang lăm jơhngơ̆m lu sư păng dan tơdrong yoch 'bơ̆t anăp muh măt wă pơm kơ lu sư kơtơih. Inh wă lê̆ kơ lu sư krao apinh Inh ưh?

Lêwi 19:14

'Nĕ kơ hiap bơngai klĭk, kư̆m 'nĕ kơ dan lê̆ tơmam kiơ 'bơ̆t anăp bơngai măt tol, wă pơm kơ sư kơtơih pơ̆k, ih athei hli yom kơ Kră Yang 'Bok Kei-Dei ih, Inh bơih Kră Yang.

Mathiơ 16:23

Na Yêsu hue lăng tơ Pêtrôs păng khan kơ sư: “Ơ Satan, jăk kơ e mă ataih đơ̆ng âu. Inh wă pơm kiơ̆ kơ 'Bok Kei-Dei mă e pơgăn. E ưh kơ tơchĕng kiơ̆ kơ 'Bok Kei-Dei ôh, e tơchĕng kiơ̆ kơ kon bơngai đĕch.”

Mathiơ 18:7

Tơpă yơh bơ̆n gô đei tơdrong đe pơhlŭ bơ̆n pơm yoch, mă-lei lu bơngai pơhlŭ bơ̆n noh, ning-mônh 'Bok Kei-Dei gô phak pơmat lu sư kal dêh.

Mathiơ 7:1

“Iĕm 'nĕ bâu roi đe, khan đe bơngai ưh kơ 'lơ̆ng. Dah iĕm jô̆ kơ đe bơngai ưh kơ 'lơ̆ng, kơnh 'Bok Kei-Dei kư̆m jô̆ kơ iĕm bơngai ưh kơ 'lơ̆ng mơ̆n.

Luka 12:57

“Liơ iĕm ưh kơ gơh tơchĕng kơdih wă kơ băt tơdrong trŏ, tơdrong glăi?

Luka 17:2

Bơngai bu dang ei juăt pơhlŭ lu bơngai 'nao lui pơm yoch, pơtih gia đe dah chô̆ ako sư tơ tơpăl tơmo sơ̆, hơtat lê̆ sư tơ klŏng đak dơsĭ, lei sư hiôk 'biơ̆, yua kơ sư huay kơ gơh pơhlŭ đe pơm yoch dang ei.

Rom 11:9

Sơ̆ Đawit kư̆m pơma kơ tơdrong noh thoi âu: “Lu bơngai noh ưh kơ băt kơdih lu sư bơngai sa et bơlŭk, na lu sư jing lôch hiong yua kơ tơdrong lu sư sa et noh.

Rom 14:10

Yua kơ thoi noh na lơliơ iĕm gơh sek tơlang 'nhŏng oh khan bơngai yoch bơngai ưh? Lơliơ iĕm gơh pơjăm sư lĕ? Ning-mônh đĭ-đăng bơ̆n gô dơ̆ng 'bơ̆t anăp 'Bok Kei-Dei sek tơlang ngăl.

Rom 14:3

Na bơngai mă gơh sa tôm tơdrong 'nhĕm 'nhot noh 'nĕ kơ pơjăm bơngai mă giĕng kơ sa. Bơngai mă giĕng kơ sa kư̆m 'nĕ kơ pơjăm bơngai mă gơh sa, yua kơ bơngai mă gơh sa noh 'Bok Kei-Dei kư̆m jô̆ khan kon Sư mơ̆n.

Rom 14:4

Dah bơ̆n pơjăm sư, dang bơ̆n sek tơlang đĭch đe, khan bơngai đĭch noh pơm ưh kơ lăp kơ yŏng sư. Bơ̆n gô mơ̆ng kơ yŏng sư sek tơlang kơdih đĕch, gơh jô̆ kơ sư pơm 'lơ̆ng pơm ưh. Yŏng sư noh wă khan Yêsu Krist, Yŏng sư noh gơh tơgŭm sư lui kơjăp khŏm khŏm.

Rom 16:17

Ơ 'nhŏng oh, iĕm athei kơchăng hli kơ iĕm lui jrok kiơ̆ lu bơngai lui ưh kơ tat, hli kơ iĕm achăng lê̆ tơdrong lui tơpăt mă đe juăt kơ bơtho; na iĕm athei weh 'biơ̆ đơ̆ng lu sư. Lu sư wă pơrăm lu bơngai lui bơ̆n, chă pơjah pơjăng păng bơ̆n.

I Kor 10:32

Mă tôm tơdrong bơ̆n jang pơm tơdrong kiơ bơ̆n athei kơchăng hŏ, hli kơ bơ̆n pơơh đe, mă sư bơngai Juđê, mă sư bơngai dêh nai, mă tơduă bơngai lui kơ 'Bok Kei-Dei.

I Kor 11:13

Iĕm tơchĕng lăng: Kơplah bơ̆n oei akŭm lu bơngai drŏ-kăn krao khan kơ 'Bok Kei-Dei kơ̆l hoh ưh kơ yơ̆l kiơ hăm trŏ ưh? Ưh kơ trŏ ôh.

II Kor 5:14

Nhôn băt kơ Yêsu Krist 'mêm kơ bơ̆n tơpă, na nhôn ưh kơ lăng tơdrong kon bơngai ôh. Nhôn băt kơ pôm Sư đĕch lôch tang đĭ-đăng kon bơngai tơpă, thoi noh na đĭ-đăng kơ bơ̆n kư̆m dang lôch thoi Sư.

II Kor 6:3

Nhôn ưh kơ đei pơm kơnê̆ kơ đe minh tơdrong kiơ, wă kơ đe huay kơ pơjăm tơdrong jang nhôn.

I Tim 5:14

Yua kơ thoi noh na inh wă kơ bơngai drŏ-kăn adro oei moh iŏk klo na sư tơpŭ kon wei-lăng hnam dơnŏ sư kơdih wă kơ đe mă ưh kơ lui huay pă che bơle kơ bơ̆n dơ̆ng.

Ya 2:4

Dah iĕm pơma kơ đe thoi noh, iĕm yoch tơpă boih, iĕm ưh kơ 'mêm kơ 'nhŏng oh lei-lăi. Iĕm pơm thoi noh iĕm wă kơ yua akâu kơdih đĕch.

Ya 4:11

Ơ 'nhŏng oh, iĕm 'nĕ kơ pơma bâu roi bôl buăl. Bơngai bu bâu roi 'nhŏng oh sư păng jô̆ kơ 'nhŏng oh sư pơm yoch, bơngai noh dang sek tơlang tơdrong juăt 'Bok Kei-Dei pơkă, khan tơdrong 'Bok Kei-Dei pơkă ưh kơ 'lơ̆ng. 'Bok Kei-Dei athei bơ̆n 'mêm dih băl, mă sư khan ưh kơ trŏ. Dah iĕm khan tơdrong 'Bok Kei-Dei ưh kơ trŏ, lei iĕm jing ưh pă kiơ̆ tơdrong Sư pơkă boih, noh dang iĕm wă pôk akâu iĕm kơdih sek tơlang tơdrong Sư.

I Yo 2:10

Bơngai bu 'mêm kơ 'nhŏng oh sư, bơngai 'noh sư oei lăm tơdrong hơdah tơpă boih. Thoi noh bơ̆n băt kơ sư pơm 'lơ̆ng tơpă.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.