Rom 14:11 - Sơ̆p Hlabơar Nơ̆r 'Bok Kei-Dei

¹¹ Tơdrong noh gô 'blep thoi đe chih roi tơ lăm sơ̆p hla bơar 'Bok Kei-Dei sơ̆ thoi âu: “Inh 'Bok Kei-Dei Kră Yang iĕm, Inh đei tơpă păng Inh arih ling-lang, na ning-mônh đĭ-đăng kon bơngai sơtơ̆p kŭl-tăng kơkuh kơ Inh păng ư-ang Inh.”

Rom 14:11 Iomraidhean Croise

Horiso 72:11

Đĭ-đăng pơtao gô drap kơkuh 'bơ̆t anăp sư; Rim teh đak gô bơ̆jang kơ sư.

Êsai 49:18

Athei bơyar măt iĕm lăng jum dăr: Đĭ-đăng lu kon iĕm gô akŭm băl wă brŏk tơ iĕm! Kră Yang khan: Tơpă thoi Inh Tơ'ngla arih ling-lang ih lăng lu sư thoi lĕ tơmam đe pơguăng, thoi tơlei tơ̆n bơngai drŏ-kăn wă iŏk klo.

Je 22:24

Kră Yang khan: “Sĭt thoi Inh arih, mă khan Jêhôiachin kon drŏ-nglo Jêhôiakim pơtao đe Juđa, thoi tơkhiĕn tơdra 'bot 'bơ̆t hơnglâu ti 'ma Inh, tơpă Inh kư̆m oei plôh lê̆.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Jêphania 2:9

Thoi noh Kră Yang Tih Hloh, wă khan Kră Yang 'Bok Kei-Dei kơ bơngai Isơrael khan: “Tơpă thoi Inh oei arih, tơpă Môap gô thoi Sôđôm păng lu kon sâu Ammôn nhen thoi Gômôrơ, jing minh anih 'bĕnh kơ jơla, minh pôm sơlŭng 'boh, minh anih juơ ling-lang hloi, lu kon pơlei Inh mă oei arih răi gô tơgar rôp iŏk lu sư, gah tơmam kon pơlei mă oei oăi gô jing tơmam lu sư iŏk yua.”

Jo 14:21

Mă-lei Inh Kră Yang oei arih na pơkă, tơdrong ư-ang Kră Yang gô 'bĕnh-'bang jơ̆p-jang kơ teh đak,

Jo 14:28

Khan bĕ kơ tơpôl kon pơlei: Kră Yang khan thoi âu: Inh pao tơdrong arih Inh na pơkă, Inh gô pơm kơ lu iĕm kiơ̆ thoi nơ̆r mă Inh đei kơtơ̆ng lu iĕm pơm;

Mathiơ 10:32

“Bu roi kơ đe khan sư lui kơ Inh, Inh kư̆m roi kơ 'Bă Inh tơ plĕnh ti, bơngai 'noh sư lui kơ Inh tơpă.

Rom 10:9

'Noh wă khan dah 'bơ̆r bơ̆n ră roi kơ đe khan bơ̆n lui kơ Yêsu Krist Kră Yang bơ̆n, noh jơhngơ̆m đon bơ̆n lui kơ 'Bok Kei-Dei tơiung arih Yêsu đơ̆ng lôch boih, dôm noh đĕch bơ̆n klaih boih đơ̆ng tơdrong yoch.

Rom 15:9

Sư iŏk tơdrong pơmat-tat noh wă kơ lu bơngai tơmoi khŭl nai ư-ang 'Bok Kei-Dei, yua kơ 'Bok Kei-Dei 'mêm mơnat kơ lu sư mơ̆n. 'Noh kư̆m thoi đe chih roi lăm sơ̆p hla bơar 'Bok Kei-Dei sơ̆ thoi âu: “Inh pơư ang anăn Ih kơ lu bơngai tơmoi mă ưh kơ khŭl Juđê, inh hơri ư-ang kơ Ih.”

I Yo 4:15

Bơngai bu khan Yêsu Kon 'Bok Kei-Dei, 'Bok Kei-Dei oei lăm bơngai 'noh, bơngai 'noh sư pôm đon păng 'Bok Kei-Dei tơpă boih.

II Yo 1:7

Dang ei đei lơ bơngai năm bơtho jơ̆p-jang chă hơlĕnh kơ đe, lu sư khan Yêsu Krist ưh kơ jing kon bơngai tơpă ôh sơ̆. Bơngai bu bơtho thoi noh, bơngai 'noh sư hơlĕnh đĕch păng sư ayăt kơ Yêsu Krist mơ̆n.

Tơdrông Tơ'bôh 5:14

Na puăn anăn lu sem brem 'noh khan: “Trŏ boih iĕm khan thoi noh.” Na 'bar-jĭt puăn 'nu lu đe kră kư̆m wang 'nap kơkuh kơ 'Bok Kei-Dei hăm Kon Triu.